ಇಂದಿರಾ ಗಾಂಧಿ ರಾಷ್ಟ್ರೀಯ ಮುಕ್ತ ವಿಶ್ವವಿದ್ಯಾಲಯ (ಇಗ್ನೌ) ಜ್ಯೋತಿಷ್ಯದಲ್ಲಿ ಸ್ನಾತಕೋತ್ತರ ಪದವಿ ಕೋರ್ಸ್ ಅನ್ನು ಲಾಂಚ್ ಮಾಡಿದೆ. ಜ್ಯೋತಿಷ್ಯದಲ್ಲಿ ಆಸಕ್ತವುಳ್ಳವರು ದೂರಶಿಕ್ಷಣದ ಮೂಲಕ ಈ ಕೋರ್ಸ್ ಅನ್ನು ಅಧ್ಯಯನ ಮಾಡಬಹುದು ಎಂದು ತಿಳಿಸಿದೆ.
ಈ ಕೋರ್ಸ್ ಅನ್ನು ಆಸ್ಟ್ರೋಲಜಿ -ಸ್ನಾತಕೋತ್ತರ ಪದವಿ (ಜ್ಯೋತಿಷ್ಯ) ಅಥವಾ MAJY ಎಂದು ಹೇಳಲಾಗುತ್ತದೆ. ಜ್ಯೋತಿಷ್ಯದ ವಿವಿಧ ಶಾಖೆಗಳ ಪ್ರಾಯೋಗಿಕ ಜ್ಞಾನವನ್ನು ವಿದ್ಯಾರ್ಥಿಗಳಿಗೆ ನೀಡುವ ಉದ್ದೇಶದಿಂದ ಈ ಕಾರ್ಯಕ್ರಮವನ್ನು ಪ್ರಾರಂಭಿಸಲಾಗಿದೆ ಎಂದು ಸಂಸ್ಥೆ ಹೇಳಿದೆ.
ಯಾರೆಲ್ಲಾ ಈ ಕೋರ್ಸ್ ಅಧ್ಯಯನ ಮಾಡಬಹುದು ?:
ಜ್ಯೋತಿಷ್ಯದಲ್ಲಿ ಸ್ನಾತಕೋತ್ತರ ಪದವಿ ಅಧ್ಯಯನ ಮಾಡಬೇಕೆಂದು ಬಯಸುವ ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದಿರಬೇಕು.
ಕೋರ್ಸ್ ನ ಅವಧಿ ಮತ್ತು ಬೋಧನಾ ಮಾಧ್ಯಮ ?:
ಈ ಕೋರ್ಸ್ ನ ಅವಧಿ ಎರಡು ವರ್ಷಗಳು ಮತ್ತು ಬೋಧನಾ ಮಾಧ್ಯಮವು ಹಿಂದಿಯಲ್ಲಿರುತ್ತದೆ.
ಕೋರ್ಸ್ ನ ಶುಲ್ಕದ ವಿವರ:
ಇಗ್ನೋ MAJY ಕೋರ್ಸ್ ಅನ್ನು ಅಧ್ಯಯನ ಮಾಡಲು ಒಟ್ಟಾರೆ 12,600/-ರೂ ಶುಲ್ಕ ತಗುಲುತ್ತದೆ. ಈ ಶುಲ್ಕವನ್ನು ಎರಡು ಕಂತುಗಳಲ್ಲಿ ಪಾವತಿಸಬಹುದಾಗಿದ್ದು, ಅಭ್ಯರ್ಥಿಗಳು ಮೊದಲ ವರ್ಷ 6,300/-ರೂ, ನೋಂದಣಿ ಶುಲ್ಕ 200/-ರೂ ಮತ್ತು ಎರಡನೇ ವರ್ಷಕ್ಕೆ ಶುಲ್ಕ 6,300/-ರೂ ಶುಲ್ಕವನ್ನು ಪಾವತಿಸಬೇಕಿರುತ್ತದೆ.
ಅರ್ಜಿ ಸಲ್ಲಿಕೆ ಪ್ರಕ್ರಿಯೆ:
ಇಗ್ನೋ 2021ರ ಜುಲೈ ಸೆಷನ್ ಪ್ರವೇಶ ಪ್ರಕ್ರಿಯೆ ಪ್ರಾರಂಭವಾಗಿದೆ. ಓಪನ್ ಮತ್ತು ಡಿಸ್ಟೆನ್ಸ್ ಮೋಡ್ (ಒಡಿಎಲ್) ಮೂಲಕ ನೀಡುವ ಕಾರ್ಯಕ್ರಮಗಳಿಗೆ ಮತ್ತು ಆನ್ಲೈನ್ನಲ್ಲಿ ನೀಡುವ ಕಾರ್ಯಕ್ರಮಗಳಿಗೆ ಆಸಕ್ತರು ವಿಶ್ವವಿದ್ಯಾಲಯದ ಅಧಿಕೃತ ವೆಬ್ಸೈಟ್ http://ignou.ac.in/ ಗೆ ಭೇಟಿ ನೀಡಿ ಅರ್ಜಿಯನ್ನು ಸಲ್ಲಿಸಬಹುದು.