ಕರ್ನಾಟಕ ಪರೀಕ್ಷಾ ಮಂಡಳಿ ಇದೀಗ ಎಸ್ಎಸ್ಎಲ್ ಸಿ ರಿಸಲ್ಟ್ ಹೊರಡಿಸಿದೆ. ಯಾರೆಲ್ಲಾ ಕಡಿಮೆ ಅಂಕ ಪಡೆದುಕೊಂಡಿದ್ದೀರೋ ಹಾಗೂ ಇನ್ನೂ ಹೆಚ್ಚು ಅಂಕ ಬರುವ ನಿರೀಕ್ಷೆ ಇದ್ದವರು ಮರು ಮೌಲ್ಯಮಾಪನಕ್ಕೆ ಅರ್ಜಿ ಸಲ್ಲಿಸಬಹುದು. ನಾಳೆಯಿಂದ ಮರು ಮೌಲ್ಯಮಾಪನ ಕಾರ್ಯ ಪ್ರಾರಂಭವಾಗಲಿದ್ದು, ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದಾಗಿದೆ.

ಮರು ಮೌಲ್ಯಮಾಪನದ ಶುಲ್ಕ ವಿವರ ಇಂತಿದೆ: ಪ್ರತೀ ವಿಷಯಕ್ಕೆ 700 ರೂ. ಡಿಮ್ಯಾಂಡ್ ಡ್ರಾಫ್ಟ್ ಮೂಲಕ ಹಣ ಪಾವತಿಸಬಹುದಾಗಿದೆ. ಇನ್ನೂ ಅರ್ಜಿ ಸಲ್ಲಿಕೆಗೆ ೩೦ ದಿನಗಳವರೆಗೆ ಮಾತ್ರ ಅವಧಿ ನೀಡಲಾಗಿರುತ್ತದೆ.

ಫಲಿತಾಂಶ ಪ್ರಕಟವಾದ ಬಳಿಕ ಮರುಮೌಲ್ಯಮಾಪನಕ್ಕೆ ಪ್ರಾರಂಭ ದಿನಾಂಕ ಹಾಗೂ ಕೊನೆಯ ದಿನಾಂಕವನ್ನ ಆಫೀಶಿಯಲ್ ವೆಬ್‌ಸೈಟ್ ನಲ್ಲಿ kseeb.kar.nic.in ಪ್ರಕಟಿಸಲಾಗುವುದು. ಕೊನೆಯ ದಿನಾಂಕದ ಬಳಿಕ ಬರುವ ಅರ್ಜಿಗಳನ್ನ ತಿರಸ್ಕರಿಸಲಾಗುವುದು. ಫೋಟೋಕಾಪಿ ಇಲ್ಲದೇ ಬರೀ ಅರ್ಜಿ ಕಳುಹಿಸಿದ್ದಲ್ಲಿ, ಅರ್ಜಿಯನ್ನ ರಿಜೆಕ್ಟ್ ಮಾಡಲಾಗುವುದು.

ಬೋರ್ಡ್ ನೀಡಿರುವ ಮಾದರಿಯಲ್ಲಿಯೇ ಅರ್ಜಿ ಸಲ್ಲಿಸಿ. ಮರು ಮೌಲ್ಯಮಾಪನದ ಬಳಿಕ ಸ್ಪೀಡ್ ಪೋಸ್ಟ್ ಮೂಲಕ ನಿಮ್ಮ ಮನೆಗೆ ಮರು ರಿಸಲ್ಟ್ ಕಳುಹಿಸಲಾಗುವುದು. ಒಂದು ವೇಳೆ ೬ಕ್ಕಿಂತ ಅಧಿಕ ಅಂಕ ಹೆಚ್ಚುವರಿ ಸಿಕ್ಕಿದ್ದಲ್ಲಿ ಅರ್ಜಿ ಶುಲ್ಕ ಹಿಂತಿರುಗಿಸಲಾಗುವುದು.