ಎಐಐಎಂಎಸ್ ಪಿಜಿ ಪದವಿ ಪರೀಕ್ಷೆಯ ರಿಜಿಸ್ಟ್ರೇಶನ್ ದಿನಾಂಕ ಅಕ್ಟೋಬರ್ 18ಕ್ಕೆ ಮುಂದೂಡಿಕೆ

ಎಐಐಎಂಎಸ್ ಸ್ನಾತಕೋತ್ತರ ಪದವಿ ಜುಲೈ 2019 ಸೆಶನ್ ಪರೀಕ್ಷೆ ಯ ರಿಜಿಸ್ಟ್ರೇಶನ್ ದಿನಾಂಕ ಇದೀಗ ಅಕ್ಟೋಬರ್ 18ಕ್ಕೆ ಮುಂದೂಡಲಾಗಿದೆ. ಈ ಮೊದಲು ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ ಪ್ರವೇಶ ಪರೀಕ್ಷೆಯ ರಿಜಿಸ್ಟ್ರೇಶನ್ ದಿನಾಂಕವನ್ನ ಅಕ್ಟೋಬರ್ 6 ರವರೆಗೆ ಎಂದು ನಿಗದಿಗೊಳಿಸಲಾಗಿತ್ತು. ಇದೀಗ ಈ ದಿನಾಂಕವನ್ನ ಅಕ್ಟೋಬರ್ 18 ಕ್ಕೆ ಮುಂದೂಡಲಾಗಿದ್ದು, ಆಸಕ್ತ ಅಭ್ಯರ್ಥಿಗಳು ಆಫೀಶೀಯಲ್ ವೆಬ್‌ಸೈಟ್ ಗೆ ವಿಸಿಟ್ ಮಾಡಿ ರಿಜಿಸ್ಟ್ರೇಶನ್ ಮಾಡಿಕೊಳ್ಳಬೇಕಾಗಿದೆ.

ಎಐಐಎಂಎಸ್ ಪಿಜಿ 2019 ಪ್ರವೇಶ ಪರೀಕ್ಷೆಯು ವರ್ಷಕ್ಕೆ ಎರಡು ಬಾರಿ ನಡೆಯಲಿದೆ. ಹೆಚ್ಚಾಗಿ ಈ ಪರೀಕ್ಷೆಯು ಜನವರಿ ಹಾಗೂ ಜುಲೈ ತಿಂಗಳಿನಲ್ಲಿ ನಡೆಯಲಿದೆ. ಜನವರಿಯಲ್ಲಿ ನಡೆಯಲಿರುವ ಈ ಪರೀಕ್ಷೆಯ ರಿಜಿಸ್ಟ್ರೇಶನ್ ಪ್ರಕ್ರಿಯೆ ಆಗಸ್ಟ್ 31, 2018 ರಿಂದ ಪ್ರಾರಂಭವಾಗಿದೆ. ಜನವರಿ ಸೆಶನ್‌ನಲ್ಲಿ ನಡೆಯುವ ಪರೀಕ್ಷೆಯ ಬೇಸಿಕ್ ರಿಜಿಸ್ಟ್ರೇಶನ್ ಇದೀಗ ಕೊನೆಗೊಂಡಿದೆ. ಇನ್ನು ಈ ಪರೀಕ್ಷೆಯು ನವಂಬರ್ 18 ರಂದು ನಡೆಯಲಿದ್ದು, ಅದೇ ತಿಂಗಳ ಮೊದಲ ವಾರದಂದು ಅಡ್ಮಿಟ್ ಕಾರ್ಡ್ ಸಿಗಲಿದೆ.

ಎಐಐಎಂಎಸ್ ಪಿಜಿ 2019 ಅರ್ಹತಾ ಮಾನದಂಡ:

• ಈ ಸೀಟು ಪಡೆಯಬೇಕೆಂಬ ನಿರೀಕ್ಷೆಯಲ್ಲಿ ಇರುವ ಅಭ್ಯರ್ಥಿಗಳು ಎಂಡಿ ಹಾಗೂ ಎಂಎಸ್ ಮಾಡಬೇಕೆಂದಿದ್ದಲ್ಲಿ ಎಂಬಿಬಿಎಸ್ ಪದವಿ ಪಡೆದಿರಬೇಕು. ಎಂಡಿಎಸ್ ಮಾಡಬೇಕೆಂದಿದ್ದರೆ ಮೆಡಿಕಲ್ ಕೌಂಸಿಲ್ ಆಫ್ ಇಂಡಿಯಾ/ ಡೆಂಟಲ್ ಕೌಂಸಿಲ್ ಆಫ್ ಇಂಡಿಯಾ ಸಂಸ್ಥೆಯಿಂದ ಅಧೀಕೃತಗೊಂಡಿರುವ ವಿಶ್ವವಿದ್ಯಾನಿಲಯದಿಂದ ಬಿಡಿಎಸ್ ಡಿಗ್ರಿ ಪಡೆದಿರಬೇಕು.
• ಜನವರಿ 31, 2019 ರೊಳಗೆ ಅಭ್ಯರ್ಥಿಗಳು ಒಂದು ವರ್ಷದ ಇಂಟರ್ನ್ ಶಿಪ್ ಪೂರೈಸಿರಬೇಕು.
• ಸಾಮಾನ್ಯ ಕೆಟಗರಿಯಲ್ಲಿ ಬರುವ ಅಭ್ಯರ್ಥಿಗಳು ಎಂಬಿಬಿಎಸ್ ಪರೀಕ್ಷೆಯಲ್ಲಿ ಕನಿಷ್ಟ 55 ಶೇ. ಅಂಕ ಗಳಿಸಿ ಪಾಸಾಗಿರಬೇಕು. ಎಸ್‌ಸಿ/ಎಸ್‌ಟಿ ಕೆಟಗರಿಯಲ್ಲಿ ಬರುವ ಅಭ್ಯರ್ಥಿಗಳು ಶೇ.50 ಅಂಕ ಗಳಿಸಿ ತೇರ್ಗಡೆ ಹೊಂದಿದ್ದರೆ ಮಾತ್ರ ಈ ಕೋರ್ಸ ಗೆ ಅರ್ಹರು