BHU UG Spot Round 1: ಸೀಟು ಹಂಚಿಕೆ ಫಲಿತಾಂಶ ಪ್ರಕಟ, ತಡಮಾಡದೆ ಶುಲ್ಕ ಪಾವತಿಸಿ ಸೀಟು ಕಾಯ್ದಿರಿಸಿಕೊಳ್ಳಿ!

ಬನಾರಸ್ ಹಿಂದೂ ವಿಶ್ವವಿದ್ಯಾಲಯವು (BHU) ಯುಜಿ ಸ್ಪಾಟ್ ರೌಂಡ್ 1 ಸೀಟು ಹಂಚಿಕೆ ಫಲಿತಾಂಶವನ್ನು ಆಗಸ್ಟ್ 25 ರಂದು ಪ್ರಕಟಿಸಿದೆ. ಸೀಟು ಹಂಚಿಕೆಯಾದ ಅಭ್ಯರ್ಥಿಗಳ 'ಸಮರ್ಥ್' (Samarth) ಡ್ಯಾಶ್‌ಬೋರ್ಡ್‌ನಲ್ಲಿ ಶುಲ್ಕ ಪಾವತಿಯ ಲಿಂಕ್ ಕಾಣಿಸಿಕೊಳ್ಳಲಿದೆ. ವಿದ್ಯಾರ್ಥಿಗಳು ತಮಗೇ ನೀಡಲಾದ ಕೋರ್ಸ್‌ಗಳನ್ನು ಪರಿಶೀಲಿಸಿ, ಸೂಕ್ತ ಆಯ್ಕೆ ಮಾಡಿಕೊಂಡು ತಡಮಾಡದೇ ಶುಲ್ಕ ಪಾವತಿಸಿ ಸೀಟು ಕಾಯ್ದಿರಿಸಿಕೊಳ್ಳಬೇಕಾಗಿದೆ. ಇದರ ಜೊತೆಗೆ ಪ್ರವೇಶ ಪ್ರಕ್ರಿಯೆಯ ಮುಂದಿನ ಹಂತಗಳ ಸಂಪೂರ್ಣ ವೇಳಾಪಟ್ಟಿಯನ್ನು ವಿಶ್ವವಿದ್ಯಾಲಯ ಬಿಡುಗಡೆ ಮಾಡಿದೆ.

ಸ್ಪಾಟ್ ರೌಂಡ್ 1 ರಲ್ಲಿ ಮಿಡ್-ಎಂಟ್ರಿ ಅರ್ಜಿದಾರರು, ಕಾಯುವಿಕೆಯ ಪಟ್ಟಿಯಲ್ಲಿದ್ದವರು, ಶುಲ್ಕ ಪಾವತಿಸಲು ಬಾಕಿ ಉಳಿಸಿಕೊಂಡಿದ್ದವರು ಹಾಗೂ ಪ್ರವೇಶ ಹಿಂಪಡೆದಿದ್ದ ಅಭ್ಯರ್ಥಿಗಳಿಗೆ ಅವಕಾಶ ನೀಡಲಾಗಿದೆ. ಸಮರ್ಥ್ ಪೋರ್ಟಲ್‌ನಲ್ಲಿ ನೋಂದಣಿಗೆ ರೂ. 1,000 (ಹಿಂತಿರುಗಿಸಲಾಗದ) ಶುಲ್ಕ ನಿಗದಿಪಡಿಸಲಾಗಿತ್ತು. ಬಿಹೆಚ್‌ಯು ಮಾರ್ಗದರ್ಶಿ ಸೂತ್ರಗಳ ಪ್ರಕಾರ, ಈಗಾಗಲೇ ಸೀಟು ಪಡೆದಿರುವ ವಿದ್ಯಾರ್ಥಿಗಳು ಅಪ್‌ಗ್ರೇಡ್ ಪಡೆಯಲು ತಮ್ಮ ಪ್ರಸ್ತುತ ಸೀಟನ್ನು ರದ್ದುಗೊಳಿಸುವ ಅಗತ್ಯವಿರಲಿಲ್ಲ.

BHU UG Spot Round 1: ಸೀಟು ಹಂಚಿಕೆ ಪರಿಶೀಲಿಸುವುದು ಮತ್ತು ಶುಲ್ಕ ಪಾವತಿಸುವುದು ಹೇಗೆ?

ಮೊದಲಿಗೆ bhucuet.samarth.edu.in ಜಾಲತಾಣಕ್ಕೆ ಲಾಗಿನ್ ಆಗಿ. ಡ್ಯಾಶ್‌ಬೋರ್ಡ್‌ನಲ್ಲಿ ಸೀಟು ಹಂಚಿಕೆಯ ವಿವರಗಳು ಮತ್ತು ಶುಲ್ಕ ಪಾವತಿಯ ಲಿಂಕ್ ಕಾಣಿಸುತ್ತದೆ. ನಿಮ್ಮ ಕೋರ್ಸ್ ಪರಿಶೀಲಿಸಿ, ಫ್ರೀಜ್ (Freeze) ಅಥವಾ ಅಪ್‌ಗ್ರೇಡ್ (Upgrade) ಆಯ್ಕೆ ಮಾಡಿಕೊಂಡು, ನೀಡಲಾದ ಅಂತಿಮ ಗಡುವಿನೊಳಗೆ ಶುಲ್ಕ ಪಾವತಿಸಿ. ನಂತರ ರಶೀದಿಯನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಿ. ಈ ಪ್ರಕ್ರಿಯೆಯು ಬಿಹೆಚ್‌ಯು ಹಂತ-ಹಂತವಾಗಿ ನೀಡುವ ಶುಲ್ಕ ಮಾರ್ಗದರ್ಶಿಯನ್ನು ಆಧರಿಸಿದೆ.

BHU UG Spot Round 1: ಅಪ್‌ಲೋಡ್ ಮಾಡಬೇಕಾದ ಮತ್ತು ಹಾಜರುಪಡಿಸಬೇಕಾದ ದಾಖಲೆಗಳು

ಶುಲ್ಕ ಪಾವತಿಸುವ ಮೊದಲು ನಿಮ್ಮ ಪೋರ್ಟಲ್ ಪ್ರೊಫೈಲ್‌ನಲ್ಲಿ ಪ್ರವರ್ಗ ಮತ್ತು ಇತ್ತೀಚಿನ ಪ್ರಮಾಣಪತ್ರಗಳು ಸರಿಯಾಗಿವೆಯೇ ಎಂದು ಖಚಿತಪಡಿಸಿಕೊಳ್ಳಿ. ಪ್ರವೇಶಕ್ಕೆ ಖುದ್ದಾಗಿ ಹಾಜರಾಗುವಾಗ (Physical Reporting) ಈ ಕೆಳಗಿನ ಮೂಲ ದಾಖಲೆಗಳು ಮತ್ತು ನಕಲು ಪ್ರತಿಗಳನ್ನು ಕೊಂಡೊಯ್ಯಬೇಕು: ತಾತ್ಕಾಲಿಕ ಪ್ರವೇಶ ಪತ್ರ, BHU ನೋಂದಣಿ ನಮೂನೆ, CUET ಅರ್ಜಿ, ಅಡ್ಮಿಟ್ ಕಾರ್ಡ್, ಸ್ಕೋರ್ ಕಾರ್ಡ್, 10 ಮತ್ತು 12 ನೇ ತರಗತಿ ಅಂಕಪಟ್ಟಿಗಳು, ಜಾತಿ/ಪ್ರವರ್ಗ ಪ್ರಮಾಣಪತ್ರ, ಟಿಸಿ (Transfer Certificate), ಮೈಗ್ರೇಷನ್, ಕ್ಯಾರಕ್ಟರ್ ಸರ್ಟಿಫಿಕೇಟ್, ರ್ಯಾಗಿಂಗ್ ವಿರೋಧಿ ಪ್ರಮಾಣಪತ್ರ, ಡಾಸಿಯರ್ ಫಾರ್ಮ್ ಮತ್ತು ಆರು ಭಾವಚಿತ್ರಗಳು.

BHU UG Spot Round 1: EWS/OBC‑NCL ಪ್ರಮಾಣಪತ್ರಗಳ ಸಿಂಧುತ್ವ

ಬಿಹೆಚ್‌ಯು ನಿಯಮಾವಳಿ ಪ್ರಕಾರ ಇತ್ತೀಚಿನ ಪ್ರಮಾಣಪತ್ರಗಳನ್ನು ಕಡ್ಡಾಯಗೊಳಿಸಲಾಗಿದೆ: EWS ಪ್ರಮಾಣಪತ್ರವು ಏಪ್ರಿಲ್ 1, 2026 ರಂದು ಅಥವಾ ನಂತರ ನೀಡಲ್ಪಟ್ಟಿರಬೇಕು ಮತ್ತು OBC-NCL ಪ್ರಮಾಣಪತ್ರವು ಜನವರಿ 1, 2026 ರಂದು ಅಥವಾ ನಂತರ ನೀಡಲ್ಪಟ್ಟಿರಬೇಕು. ಹಳೆಯ ಅಥವಾ ಸಿಂಧುವಲ್ಲದ ಪ್ರಮಾಣಪತ್ರಗಳನ್ನು ಸಲ್ಲಿಸಿದರೆ ಪ್ರವೇಶ ರದ್ದಾಗುತ್ತದೆ. ಒಂದು ವೇಳೆ ನಿಮ್ಮ ದಾಖಲೆಗಳು ಈ ದಿನಾಂಕಗಳಿಗಿಂತ ಹಳೆಯದಾಗಿದ್ದರೆ, ಕೌನ್ಸಿಲಿಂಗ್‌ಗೆ ಹಾಜರಾಗುವ ಮುನ್ನವೇ ಸಕ್ಷಮ ಪ್ರಾಧಿಕಾರದಿಂದ ಹೊಸ ಪ್ರಮಾಣಪತ್ರವನ್ನು ಪಡೆದುಕೊಳ್ಳಿ.

BHU UG Spot Round 1: ತಾತ್ಕಾಲಿಕ ಅಡ್ಮಿಷನ್ ಲೆಟರ್ ಮತ್ತು ಕೌನ್ಸಿಲಿಂಗ್ ದಿನಾಂಕಗಳು

ತಾತ್ಕಾಲಿಕ ಪ್ರವೇಶ ಪತ್ರವು (Provisional Admission Letter) ಸೆಪ್ಟೆಂಬರ್ 2 ರಂದು ಲಭ್ಯವಾಗಲಿದೆ. ಸಂಬಂಧಿಸಿದ ಫ್ಯಾಕಲ್ಟಿ ಮತ್ತು ಸಂಯೋಜಿತ ಕಾಲೇಜುಗಳಲ್ಲಿ ಸೆಪ್ಟೆಂಬರ್ 3 ರಿಂದ 5 ರವರೆಗೆ ನೆರವೇರುವ ನೇರ ಹಾಜರಾತಿ ಪ್ರಕ್ರಿಯೆಗೆ ವಿದ್ಯಾರ್ಥಿಗಳು ನಿಗದಿತ ಸ್ಥಳ ಮತ್ತು ಸಮಯಕ್ಕೆ ಹಾಜರಾಗಬೇಕು. ತೀರಾ ಅಗತ್ಯವಿದ್ದರೆ ಮಾತ್ರ ಡೀನ್ ಅಥವಾ ಪ್ರಾಂಶುಪಾಲರ ಅನುಮತಿಯೊಂದಿಗೆ ಸೆಪ್ಟೆಂಬರ್ 10 ರವರೆಗೆ ಕಾಲಾವಕಾಶ ವಿಸ್ತರಿಸಲು ಅವಕಾಶವಿರುತ್ತದೆ.

BHU UG Spot Round 2: ಅಪ್‌ಗ್ರೇಡ್, ಸಹಾಯವಾಣಿ ಮತ್ತು ಶುಲ್ಕ ಮರುಪಾವತಿ ವಿವರ

ಸೀಟುಗಳು ಖಾಲಿ ಉಳಿದಿದ್ದರೆ, ಸ್ಪಾಟ್ ರೌಂಡ್ 2 ಅನ್ನು ಆಗಸ್ಟ್ 29 ರಂದು ನಡೆಸಲು ಯೋಜಿಸಲಾಗಿದೆ. ಈಗಾಗಲೇ ಪ್ರವೇಶ ಪಡೆದಿರುವ ಅಭ್ಯರ್ಥಿಗಳು ತಮ್ಮ ಪ್ರವೇಶ ರದ್ದುಗೊಳಿಸದೆಯೇ ಅಪ್‌ಗ್ರೇಡ್‌ಗೆ ಅರ್ಹರಾಗಿರುತ್ತಾರೆ. ಖಾಲಿ ಸೀಟುಗಳು ಹಾಗೂ ಮಾಹಿತಿಗಾಗಿ admission.bhu.ac.in ಮತ್ತು ಸಮರ್ಥ್ ಪೋರ್ಟಲ್ ಗಮನಿಸುತ್ತಿರಿ. ಯಾವುದೇ ಸಮಸ್ಯೆಗಳಿದ್ದರೆ [email protected] ಇಮೇಲ್ ಮೂಲಕ ಸಂಪರ್ಕಿಸಬಹುದು. ಶುಲ್ಕ ಮರುಪಾವತಿಯು ಬಿಹೆಚ್‌ಯು ನಿಯಮಾವಳಿಗಳಿಗೆ ಒಳಪಟ್ಟಿರುತ್ತದೆ; ಅಂತಿಮ ಗಡುವಿನ ಮೊದಲು ಪ್ರವೇಶ ಹಿಂಪಡೆದರೆ ಶುಲ್ಕ ಹಿಂತಿರುಗಿಸಲಾಗುತ್ತದೆ.