ರಾಷ್ಟ್ರೀಯ ಶಿಕ್ಷಣ ನೀತಿ 2019ರ ಮುಖ್ಯಾಂಶಗಳು ಏನೇನು? ಇಲ್ಲಿದೆ ಮಾಹಿತಿ

ನಿರ್ಮಲಾ ಸೀತಾರಾಮನ್ ತಮ್ಮ ಮೊದಲ ಬಜೆಟ್ ಭಾಷಣವನ್ನು ಕೆಲವು ದಿನಗಳ ಹಿಂದೆ ಮಂಡಿಸಿದರು. ಹೊಸ ಶಿಕ್ಷಣ ನೀತಿಯನ್ನು ತರಲು ಸರ್ಕಾರವು ತನ್ನ ಅತ್ಯುತ್ತಮ ಹೆಜ್ಜೆಗಳನ್ನು ಇಡಲು ಮುಂದಾಗಿದೆ ಎಂದು ಅವರು ತಮ್ಮ ಮೊದಲ ಬಜೆಟ್‌ನಲ್ಲಿ ಘೋಷಿಸಿದರು. ಈ ದೇಶವನ್ನು ಜ್ಞಾನದ ಮಹಾಶಕ್ತಿಯನ್ನಾಗಿ ಮಾಡಲು ಗುಣಮಟ್ಟದ ಶಿಕ್ಷಣ, ನಾವೀನ್ಯತೆ ಮತ್ತು ಸಂಶೋಧನೆಗೆ ಸಂಬಂಧಿಸಿದ ಜನರ ಅಗತ್ಯವನ್ನು ಪೂರೈಸುವ ನಿರೀಕ್ಷೆಯಿದೆ.

ರಾಷ್ಟ್ರೀಯ ಶಿಕ್ಷಣ ನೀತಿಯನ್ನು ರೂಪಿಸಲು ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯವು (ಎಂಎಚ್‌ಆರ್‌ಡಿ) 2017 ರ ಜೂನ್‌ನಲ್ಲಿ ಅಧ್ಯಕ್ಷರಾದ ಡಾ. ಕೆ. ಕಸ್ತುರಿರಂಗನ್ ಅವರ ನೇತೃತ್ವದಲ್ಲಿ ಸಮಿತಿಯನ್ನು ರಚಿಸಿದೆ. ಸಮಿತಿ ತನ್ನ ವರದಿಯನ್ನು ಮೇ 2019 ರಲ್ಲಿ ಸಲ್ಲಿಸಿದ್ದು, ಪ್ರಸ್ತುತ ಶಿಕ್ಷಣ ವ್ಯವಸ್ಥೆಯು ಎದುರಿಸುತ್ತಿರುವ ಪ್ರವೇಶ, ಇಕ್ವಿಟಿ, ಗುಣಮಟ್ಟ, ಕೈಗೆಟುಕುವಿಕೆ ಮತ್ತು ಹೊಣೆಗಾರಿಕೆಯಂತಹ ಸವಾಲುಗಳನ್ನು ಪರಿಹರಿಸುತ್ತದೆ. ಹೊಸ ಕರಡು ರಾಷ್ಟ್ರೀಯ ಶಿಕ್ಷಣ ನೀತಿಯು ಶಾಲೆ ಮತ್ತು ಉನ್ನತ ಶಿಕ್ಷಣ ಎರಡರಲ್ಲೂ ಅನೇಕ ಬದಲಾವಣೆಗಳನ್ನು ಪ್ರಸ್ತಾಪಿಸುತ್ತದೆ ಮತ್ತು ಉತ್ತಮ ಆಡಳಿತ ವ್ಯವಸ್ಥೆಗಳ ಜೊತೆಗೆ ಸಂಶೋಧನೆ ಮತ್ತು ನಾವೀನ್ಯತೆಗಳ ಮೇಲೆ ಹೆಚ್ಚು ಗಮನಹರಿಸುತ್ತದೆ. ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ (ಎಂಎಚ್‌ಆರ್‌ಡಿ) ಕರಡು ರಾಷ್ಟ್ರೀಯ ಶಿಕ್ಷಣ ನೀತಿ (ಎನ್‌ಇಪಿ) 2019 ಕುರಿತು ನೀವೂ ನಿಮ್ಮ ಅಭಿಪ್ರಾಯ ಮತ್ತು ಸಲಹೆಗಳನ್ನು ಜುಲೈ 31, 2019ರೊಳಗೆ ಸಲ್ಲಿಸಬಹುದು. ಅದಕ್ಕೂ ಮೊದಲು ರಾಷ್ಟ್ರೀಯ ಶಿಕ್ಷಣ ನೀತಿಯಲ್ಲಿರುವ ಕೆಲವು ಪ್ರಮುಖ ಲಕ್ಷಣಗಳನ್ನು ಓದಿ ತಿಳಿಯಿರಿ.

2019ರ ರಾಷ್ಟ್ರೀಯ ಶಿಕ್ಷಣ ನೀತಿಯ ಹೈಲೈಟ್ಸ್ ಇಲ್ಲಿದೆ

 

ಶಾಲಾ ಶಿಕ್ಷಣ

* 2025 ರ ವೇಳೆಗೆ 3 ರಿಂದ 6 ವರ್ಷದೊಳಗಿನ ಎಲ್ಲಾ ಮಕ್ಕಳಿಗೆ ಉತ್ತಮ ಗುಣಮಟ್ಟದ ಬಾಲ್ಯದ ಆರೈಕೆ ಮತ್ತು ಶಿಕ್ಷಣವನ್ನು ತಲುಪಿಸುವ ಗುರಿಯನ್ನು ಹೊಂದಿದೆ.

*1 ರಿಂದ 5 ನೇ ತರಗತಿಗಳಲ್ಲಿ ಆರಂಭಿಕ ಭಾಷೆ ಮತ್ತು ಗಣಿತಶಾಸ್ತ್ರಕ್ಕೆ ವಿಶೇಷ ಗಮನ ನೀಡಲಾಗುವುದು.

* ಸಮಿತಿಯು ಶಾಲೆಯಲ್ಲಿ ಎಲ್ಲಾ ವಿಷಯಗಳಿಗೆ ಸಮಾನ ಒತ್ತು ನೀಡುವಂತೆ ಪ್ರಸ್ತಾಪಿಸಿದೆ.

* 2030 ರ ವೇಳೆಗೆ ಎಲ್ಲಾ ಶಾಲೆಗಳಲ್ಲಿ 100%ರಷ್ಟು ಅನುಪಾತದಲ್ಲಿ ದಾಖಲಾತಿಯನ್ನು ಸಾಧಿಸುವ ಗುರಿ ಇದೆ.

*ಮಕ್ಕಳು ತನ್ನ ಜನ್ಮ ಹಿನ್ನೆಲೆ ಅಥವಾ ಯಾವುದೇ ಅಡ್ಡಿ ಅಥವಾ ಸಮಸ್ಯೆಗಳಿಂದ ಕಲಿಯಲು ಅವಕಾಶವನ್ನು ಕಳೆದುಕೊಳ್ಳದಂತಹ ತಡೆಗೋಡೆ ಹಾಕಲು ವಿಶೇಷ ಶಿಕ್ಷಣ ವಲಯಗಳು ಬರುತ್ತವೆ.

*ಶಿಕ್ಷಕರ ನೇಮಕಾತಿ ಪಾರದರ್ಶಕವಾಗಿರುತ್ತದೆ ಮತ್ತು ಅರ್ಹತೆಯ ಆಧಾರದ ಮೇಲೆ ಬಡ್ತಿ ನೀಡಲಾಗುವುದು.

* ಶಾಲಾ ಸಂಕೀರ್ಣಗಳನ್ನು (10-20 ಸಾರ್ವಜನಿಕ ಶಾಲೆಗಳ ಕ್ಲಸ್ಟರ್) ಪ್ರಸ್ತಾಪಿಸುವ ಮೂಲಕ ಶಾಲೆಯ ಆಡಳಿತದತ್ತ ಗಮನ ಹರಿಸಲಾಗಿದೆ. ಇದು ಶೈಕ್ಷಣಿಕ ಮೂಲಸೌಕರ್ಯವನ್ನು ಪ್ರಾರಂಭಿಸುವ ಎಲ್ಲಾ ಸಂಪನ್ಮೂಲಗಳ ಲಭ್ಯತೆಯನ್ನು ಖಚಿತಪಡಿಸುತ್ತದೆ.

* ಆಸಕ್ತಿಯ ಸಂಘರ್ಷವನ್ನು ತೆಗೆದುಹಾಕಲು ಪ್ರತ್ಯೇಕ ಸಂಸ್ಥೆಗಳು ಶಾಲೆಗಳ ನಿಯಂತ್ರಣ ಮತ್ತು ಕಾರ್ಯಾಚರಣೆಗಳನ್ನು ನಿರ್ವಹಿಸುತ್ತವೆ.

2019ರ ರಾಷ್ಟ್ರೀಯ ಶಿಕ್ಷಣ ನೀತಿಯ ಹೈಲೈಟ್ಸ್ ಇಲ್ಲಿದೆ

 

ಉನ್ನತ ಶಿಕ್ಷಣ

* ಪ್ರಸ್ತುತ 800 ವಿಶ್ವವಿದ್ಯಾಲಯಗಳು ಮತ್ತು 40,000 ಕಾಲೇಜುಗಳ ಬದಲು ದೇಶಾದ್ಯಂತ 15,000 ಅತ್ಯುತ್ತಮ ಸಂಸ್ಥೆಗಳನ್ನು ನಿರ್ಮಿಸಲು ಸಮಿತಿ ಪ್ರಸ್ತಾಪಿಸಿದೆ.

* ಪದವಿಪೂರ್ವ ಮಟ್ಟದಲ್ಲಿ ವಿಶಾಲ ಆಧಾರಿತ ಉದಾರ ಕಲಾ ಶಿಕ್ಷಣದ ಪ್ರಸ್ತಾಪ ಮಾಡಲಾಗಿದೆ.

* ಸಂಸ್ಥೆಯ ಆಡಳಿತವು ಸ್ವಾಯತ್ತತೆಯನ್ನು ಆಧರಿಸಿರುತ್ತದೆ (ಶೈಕ್ಷಣಿಕ, ಆಡಳಿತ ಮತ್ತು ಹಣಕಾಸು). ಪ್ರತಿಯೊಂದು ಉನ್ನತ ಶಿಕ್ಷಣ ಸಂಸ್ಥೆಯನ್ನು ಸ್ವತಂತ್ರ ಮಂಡಳಿಯು ನಿರ್ವಹಿಸುತ್ತದೆ.

* ವೃತ್ತಿಪರ ಶಿಕ್ಷಣ ಸೇರಿದಂತೆ ಎಲ್ಲಾ ಉನ್ನತ ಶಿಕ್ಷಣಕ್ಕೆ ರಾಷ್ಟ್ರೀಯ ಉನ್ನತ ಶಿಕ್ಷಣ ನಿಯಂತ್ರಣ ಪ್ರಾಧಿಕಾರ ಮಾತ್ರ ನಿಯಂತ್ರಕವಾಗಲಿದೆ.

2019ರ ರಾಷ್ಟ್ರೀಯ ಶಿಕ್ಷಣ ನೀತಿಯ ಹೈಲೈಟ್ಸ್ ಇಲ್ಲಿದೆ

ಶಿಕ್ಷಕರ ಶಿಕ್ಷಣ

ಮುಂದಿನ ವರ್ಷಗಳಲ್ಲಿ ಶಿಕ್ಷಕರ ಬೇಡಿಕೆ ಹೆಚ್ಚಾಗಲದೆ. ಹೊಸ ಶಿಕ್ಷಕರಿಗೆ ಕಠಿಣ ತಯಾರಿ ಅಗತ್ಯವಿರುತ್ತದೆ ಮತ್ತು ಅಭ್ಯಾಸ ಮಾಡುವ ಶಿಕ್ಷಕರಿಗೆ ಶೈಕ್ಷಣಿಕ ಮತ್ತು ವೃತ್ತಿಪರ ಬೆಂಬಲದ ಜೊತೆಗೆ ವೃತ್ತಿಪರ ಅಭಿವೃದ್ಧಿಯ ಅಗತ್ಯವಿದೆ. ಶಿಕ್ಷಕರ ತಯಾರಿಕೆಗಾಗಿ 4 ವರ್ಷಗಳ ಸಮಗ್ರ ಬ್ಯಾಚುಲರ್ ಆಫ್ ಎಜುಕೇಶನ್ (ಬಿ.ಎಡ್) ಕಾರ್ಯಕ್ರಮವನ್ನು ಪದವಿಪೂರ್ವ ಕಾರ್ಯಕ್ರಮವಾಗಿ ನೀಡಲಾಗುವುದು. ಆದಾಗ್ಯೂ, ಪ್ರಸ್ತುತ ಎರಡು ವರ್ಷಗಳ ಬಿ.ಎಡ್ 2030 ರವರೆಗೆ ಮುಂದುವರಿಯುತ್ತದೆ.

2019ರ ರಾಷ್ಟ್ರೀಯ ಶಿಕ್ಷಣ ನೀತಿಯ ಹೈಲೈಟ್ಸ್ ಇಲ್ಲಿದೆ

ವೃತ್ತಿಪರ ಶಿಕ್ಷಣ

* ಎಲ್ಲಾ ವೃತ್ತಿಪರ ಶಿಕ್ಷಣವು ಉನ್ನತ ಶಿಕ್ಷಣ ವ್ಯವಸ್ಥೆಯ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ.

* ಸ್ವತಂತ್ರ ತಾಂತ್ರಿಕ ವಿಶ್ವವಿದ್ಯಾಲಯಗಳು, ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾಲಯಗಳು, ಕಾನೂನು ಮತ್ತು ಕೃಷಿ ವಿಶ್ವವಿದ್ಯಾಲಯಗಳು ಅಥವಾ ಸಂಸ್ಥೆಗಳು ಹಾಗೂ ಇತರೆ ಕ್ಷೇತ್ರಗಳಲ್ಲಿನ ಸಂಸ್ಥೆಗಳು ಸ್ಥಗಿತಗೊಳ್ಳುತ್ತವೆ.

* ಎಂಬಿಬಿಎಸ್ ಕೋರ್ಸ್‌ನ ಮೊದಲ ಅಥವಾ ಎರಡನೇ ವರ್ಷವನ್ನು ಎಲ್ಲಾ ವಿಜ್ಞಾನ ಪದವೀಧರರಿಗೆ ಸಾಮಾನ್ಯವಾದ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗುವುದು. ನಂತರ ಅವರು ಎಂಬಿಬಿಎಸ್, ಬಿಡಿಎಸ್, ನರ್ಸಿಂಗ್ ಅಥವಾ ಇತರೆ ಸ್ಟೆಷಲೈಸೇಶನ್‌ಗಳನ್ನು ತೆಗೆದುಕೊಳ್ಳಬಹುದು.

2019ರ ರಾಷ್ಟ್ರೀಯ ಶಿಕ್ಷಣ ನೀತಿಯ ಹೈಲೈಟ್ಸ್ ಇಲ್ಲಿದೆ

ರಾಷ್ಟ್ರೀಯ ಸಂಶೋಧನಾ ಪ್ರತಿಷ್ಠಾನ

ಸಂಶೋಧನೆ ಮತ್ತು ನಾವೀನ್ಯತೆಗಳು ದೇಶದ ಆರ್ಥಿಕತೆಯನ್ನು ಹೆಚ್ಚಿಸಲು ಮತ್ತು ಸಮಾಜವನ್ನು ಉನ್ನತೀಕರಿಸಲು ಇರುವ ಎರಡು ಪ್ರಮುಖ ಆಧಾರಸ್ತಂಭಗಳಾಗಿವೆ. ಸಂಶೋಧನಾ ವ್ಯವಸ್ಥೆಯನ್ನು ಬಲಪಡಿಸಲು, ಸಮಿತಿಯು ಸ್ವಾಯತ್ತ ಸಂಸ್ಥೆ ರಾಷ್ಟ್ರೀಯ ಸಂಶೋಧನಾ ಪ್ರತಿಷ್ಠಾನವನ್ನು (ಎನ್‌ಆರ್‌ಎಫ್) ಪ್ರಸ್ತಾಪಿಸಿತು. ಎಲ್ಲಾ ವಿಭಾಗಗಳಲ್ಲಿ ಸಂಶೋಧನೆಗೆ ಧನಸಹಾಯ ನೀಡುವುದು ಪ್ರತಿಷ್ಠಾನದ ಪ್ರಾಥಮಿಕ ಕಾರ್ಯವಾಗಿದೆ. ಎನ್ಆರ್‌ಎಫ್‌ ನಾಲ್ಕು ಪ್ರಮುಖ ವಿಭಾಗಗಳನ್ನು ಹೊಂದಿರುತ್ತದೆ, ಅವುಗಳೆಂದರೆ, ವಿಜ್ಞಾನ, ತಂತ್ರಜ್ಞಾನ, ಸಾಮಾಜಿಕ ವಿಜ್ಞಾನ ಮತ್ತು ಕಲೆ ಮತ್ತು ಮಾನವೀಯ ಮೌಲ್ಯಗಳು.

2019ರ ರಾಷ್ಟ್ರೀಯ ಶಿಕ್ಷಣ ನೀತಿಯ ಹೈಲೈಟ್ಸ್ ಇಲ್ಲಿದೆ

ವಿವಿಧ ಪ್ರಮುಖ ಅಂಶಗಳು

* ಎಲ್ಲಾ ಭಾರತೀಯ ಭಾಷೆಗಳ ಬೆಳವಣಿಗೆ ಮತ್ತು ಸಂರಕ್ಷಣೆಯನ್ನು ಎನ್‌ಇಪಿ ಖಚಿತಪಡಿಸುತ್ತದೆ.

* 2030 ರ ವೇಳೆಗೆ 100% ಯುವಕರು ಮತ್ತು ವಯಸ್ಕರ ಸಾಕ್ಷರತೆಯು ಕೂಡ ನೀತಿಯ ಗುರಿಯಾಗಿದೆ.

* ಸಾರ್ವಜನಿಕ ಶಿಕ್ಷಣವನ್ನು ವಿಸ್ತರಿಸಲು ಸಾರ್ವಜನಿಕ ಹೂಡಿಕೆಗೆ ಪ್ರಸ್ತಾಪ ಮಾಡಲಾಗಿದೆ.

* ಭಾರತದ ಪ್ರಧಾನ ಮಂತ್ರಿಯ ಅಡಿಯಲ್ಲಿ ರಾಷ್ಟ್ರೀಯ ಶಿಕ್ಷಣ ಆಯೋಗ್ ಅಥವಾ ರಾಷ್ಟ್ರೀಯ ಶಿಕ್ಷಣ ಆಯೋಗ ರಚನೆಯಾಗಲಿದೆ. ಇದು ಭಾರತದಲ್ಲಿ ಶಿಕ್ಷಣದ ಮಿಷನ್‌ನ ಉಸ್ತುವಾರಿ ವಹಿಸಲಿದೆ.

For Quick Alerts
ALLOW NOTIFICATIONS  
For Daily Alerts

English summary
Here we are giving details of 2019 national education policy highlights. Read on.
--Or--
Select a Field of Study
Select a Course
Select UPSC Exam
Select IBPS Exam
Select Entrance Exam
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Careerindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Careerindia website. However, you can change your cookie settings at any time. Learn more