CBSE Board Exam Registration 2021 : 9 ರಿಂದ 12ನೇ ತರಗತಿ ವರೆಗಿನ ಬೋರ್ಡ್ ಪರೀಕ್ಷೆಗೆ ಅರ್ಜಿ ಸಲ್ಲಿಕೆ ಆರಂಭ

ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಷನ್ (ಸಿಬಿಎಸ್ಇ) 2020-21ನೇ ಸಾಲಿನ 9 ರಿಂದ 12ನೇ ತರಗತಿ ವರೆಗಿನ ಬೋರ್ಡ್ ಪರೀಕ್ಷೆಗಳಿಗೆ ರಿಜಿಸ್ಟ್ರೇಶನ್ ಪ್ರಕ್ರಿಯೆ ಆರಂಭವಾಗಿದೆ.

ಕೋವಿಡ್ ಹಿನ್ನೆಲೆಯಲ್ಲಿ ಶಿಕ್ಷಣ ಕ್ಷೇತ್ರಕ್ಕೆ ಅಪಾರ ಪೆಟ್ಟು ಬಿದ್ದಿದ್ದು, ಇನ್ನೂ ಶಾಲೆಗಳು ತೆರೆದಿಲ್ಲ. ಆದರೆ ಪರೀಕ್ಷೆಗೆ ಸಂಬಂಧಿಸಿದ ಚಟುವಟಿಕೆಗಳು ಕಾರ್ಯಗತವಾಗಿವೆ.

ಮೊದಲ ಬಾರಿಗೆ "Framework and significant guidelines in the context of the secondary and the senior school certificate examinations -2020-21. ಶೀರ್ಷಿಕೆಯಡಿ ಸಮಗ್ರ ದಾಖಲೆಯನ್ನು ಹೊರತಂದಿದೆ. ಪ್ರಸಕ್ತ ವರ್ಷದಲ್ಲಿ ಶಾಲೆಗಳು, ಪೋಷಕರು ಮತ್ತು ವಿದ್ಯಾರ್ಥಿಗಳು ಪಾಲಿಸಬೇಕಾದ ಸ್ಟ್ಯಾಂಡರ್ಡ್ ಆಪರೇಟಿಂಗ್ ಪ್ರೊಸೀಜರ್ ಜೊತೆಗೆ ಇತರೆ ಚಟುವಟಿಕೆಗಳ ಬಗ್ಗೆ ಮಾಹಿತಿಯನ್ನು ನೀಡಲಾಗಿದೆ.

2020ರ ಅಕ್ಟೋಬರ್ ತಿಂಗಳಿನಲ್ಲಿ ವಿಷಯಗಳ ಬದಲಾವಣೆ ಮತ್ತು ಪ್ರವೇಶಾತಿ ಪ್ರಕ್ರಿಯೆಗಳು ನಡೆಯಲಿವೆ. ನವೆಂಬರ್ ನಲ್ಲಿ ನೇರ ದಾಖಲಾತಿ ಮತ್ತು ಇತರೆ ಚಟುವಟಿಕೆಗಳ ನಿರ್ವಹಣೆಗಳು ನಡೆಯಲಿವೆ.

ಅಭ್ಯರ್ಥಿಗಳು ಹೆಚ್ಚಿನ ಮಾಹಿತಿಗಾಗಿ ಅಧಿಕೃತ ವೆಬ್‌ಸೈಟ್ https://cbse.nic.in/newsite/index.html ಗೆ ಭೇಟಿ ನೀಡಿ ಪಡೆಯಬಹುದು.