ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್, ಸಿಬಿಎಸ್ಇ 12 ನೇ ತರಗತಿ ಫಲಿತಾಂಶವನ್ನು ಘೋಷಿಸಿದೆ. ಪರೀಕ್ಷೆಗೆ ಹಾಜರಾದ ಅಭ್ಯರ್ಥಿಗಳು ಇದೀಗ ಅಧಿಕೃತ ವೆಬ್ಸೈಟ್ ಗೆ ಭೇಟಿ ನೀಡುವ ಮೂಲಕ ಫಲಿತಾಂಶವನ್ನು ವೀಕ್ಷಿಸಬಹುದು.
ಈ ವರ್ಷ ಪರೀಕ್ಷೆಗೆ ಹಾಜರಾದ ಒಟ್ಟು 14,35,366 ವಿದ್ಯಾರ್ಥಿಗಳ ಪೈಕಿ 13,30,662 ವಿದ್ಯಾರ್ಥಿಗಳು ಯಶಸ್ವಿಯಾಗಿ ಪರೀಕ್ಷೆಗೆ ಅರ್ಹತೆ ಗಳಿಸುವುದರೊಂದಿಗೆ ಒಟ್ಟಾರೆ ಶೇಕಡಾ 92.71 ರಷ್ಟು ಉತ್ತೀರ್ಣರಾಗಿದ್ದಾರೆ. 2022 ರ ಉತ್ತೀರ್ಣ ಶೇಕಡಾವಾರು 84 ರಿಂದ 89% ರಷ್ಟಿದ್ದು, ಸಾಂಕ್ರಾಮಿಕ ಪೂರ್ವ ಸಮಯಕ್ಕಿಂತ ಉತ್ತಮವೆಂದು ಪರಿಗಣಿಸಲಾಗಿದೆ.
ಸಿಬಿಎಸ್ಇ 12ನೇ ತರಗತಿ ಪರೀಕ್ಷೆಯಲ್ಲಿ 1,34,797 ವಿದ್ಯಾರ್ಥಿಗಳು 90+ ಅಂಕಗಳನ್ನು ಪಡೆದಿರುತ್ತಾರೆ. ಈ ವರ್ಷ ಮೆರಿಟ್ ಪ್ರಮಾಣೀಕರಣವನ್ನು ವಿಷಯಗಳಲ್ಲಿ ಹೆಚ್ಚು ಅಂಕಗಳನ್ನು ಗಳಿಸಿದ 0.1% ವಿದ್ಯಾರ್ಥಿಗಳಿಗೆ ನೀಡಲಾಗುತ್ತದೆ. ಸಿಬಿಎಸ್ಇಯ ಆರಂಭಿಕ ನಿರ್ಧಾರದ ಪ್ರಕಾರ ಅನಾರೋಗ್ಯಕರ ಸ್ಪರ್ಧೆಯನ್ನು ತಪ್ಪಿಸಲು ಈ ವರ್ಷ ಯಾವುದೇ ಮೆರಿಟ್ ಪಟ್ಟಿಯನ್ನು ನೀಡಲಾಗುವುದಿಲ್ಲ. ಪ್ರಸಕ್ತ ವರ್ಷದಲ್ಲಿ ಲಿಂಗವಾರು ಫಲಿತಾಂಶದಲ್ಲಿ ಹುಡುಗಿಯರು ಹುಡುಗರನ್ನು ಮೀರಿಸಿದ್ದಾರೆ.
ಹುಡುಗಿಯರು: 94.54%
ಹುಡುಗರು: 91.25%
ತೃತೀಯ ಲಿಂಗಿಗಳು: 100%
CBSE ಟರ್ಮ್ 2 ಬೋರ್ಡ್ ಪರೀಕ್ಷೆ 2022: ಒಟ್ಟು ಅಭ್ಯರ್ಥಿಗಳು
CBSE 10 ನೇ ತರಗತಿ ಫಲಿತಾಂಶ : ಒಟ್ಟು 21,16,209 ನೋಂದಾಯಿಸಲಾದ ಅಭ್ಯರ್ಥಿಗಳು
CBSE 12ನೇ ತರಗತಿ ಫಲಿತಾಂಶ: ಒಟ್ಟು 14,54,370 ನೊಂದಾಯಿಸಿಕೊಂಡ ಅಭ್ಯರ್ಥಿಗಳು
CBSE 12ನೇ ತರಗತಿ ಫಲಿತಾಂಶ 2022: ಸ್ಕೋರ್ಕಾರ್ಡ್ ಡೌನ್ಲೋಡ್ ಮಾಡುವುದು ಹೇಗೆ ?
ಸ್ಟೆಪ್ 1 : ಅಧಿಕೃತ ವೆಬ್ಸೈಟ್ಗಳಿಗೆ cbse.gov.in, cbseresults.nic.in ಗೆ ಭೇಟಿ ನೀಡಿ
ಸ್ಟೆಪ್ 2 : ಹೋಂ ಪೇಜ್ ನಲ್ಲಿ CBSE 12ನೇ ತರಗತಿ ಫಲಿತಾಂಶ 2022 ಗೊತ್ತುಪಡಿಸಿದ ಲಿಂಕ್ ಅನ್ನು ಕ್ಲಿಕ್ ಮಾಡಿ
ಸ್ಟೆಪ್ 3 : ರೋಲ್ ಸಂಖ್ಯೆಯಂತಹ ಅಗತ್ಯವಿರುವ ರುಜುವಾತುಗಳನ್ನು ನಮೂದಿಸಿ
ಸ್ಟೆಪ್ 4 : ಸ್ಕ್ರೀನ್ ಮೇಲೆ ಫಲಿತಾಂಶ ಮೂಡುವುದು, ಅದನ್ನು ಡೌನ್ಲೋಡ್ ಮಾಡಿ ಮತ್ತು ಪ್ರಿಂಟೌಟ್ ತೆಗೆದುಕೊಳ್ಳಿ