ಸಿಇಇಡಿ ಪರೀಕ್ಷೆ 2019: ಅಕ್ಟೋಬರ್ 9 ರಿಂದ ರಿಜಿಸ್ಟ್ರೇಶನ್ ಪ್ರಕ್ರಿಯೆ ಆರಂಭ

ಕಾಮನ್ ಎಂಟ್ರೇಸ್ ಎಕ್ಸಾಮಿನೇಶನ್ ಫಾರ್ ಡಿಸೈನ್ (ಸಿಇಇಡಿ) ಪರೀಕ್ಷೆಯು ಜನವರಿ 19, 2019 ರಂದು ನಡೆಯಲಿದ್ದು, ಅಕ್ಟೋಬರ್ 9, 2018 ರಿಂದ ರಿಜಿಸ್ಟ್ರೇಶನ್ ಪ್ರಕ್ರಿಯೆ ಆರಂಭವಾಗಲಿದೆ. ಈ ರಾಷ್ಟ್ರೀಯ ಮಟ್ಟದ ಪರೀಕ್ಷೆಯನ್ನ ಐಐಟಿ ಮುಂಬಯಿ ಆಯೋಜಿಸಲಿದೆ. ಐಐಟಿ ಕಾನ್ಪುರ್, ಐಐಐಟಿಡಿಎಂ ಜೊಬಲ್ಪುರ್, ಐಐಟಿ ಗುವಾಹಟಿ, ಐಐಟಿ ಮುಂಬಯಿ, ಐಐಟಿ ಹೈದ್ರಾಬಾದ್, ಐಐಟಿ ದೆಹಲಿ ಮತ್ತು ಐಐಎಸ್ಸಿ ಬೆಂಗಳೂರು ಶಿಕ್ಷಣ ಸಂಸ್ಥೆಗಳಲ್ಲಿ ಸೀಟು ಪಡೆಯಬೇಕಾದ್ರೆ ಈ ಪರೀಕ್ಷೆಯಲ್ಲಿ ನೀವು ಹೆಚ್ಚು ಅಂಕ ಗಳಿಸಿ ಪಾಸಾಗಲೇ ಬೇಕು.

ಸಿಇಇಡ್ 2019 ವೆಬ್‌ಸೈಟ್ ಸೆಪ್ಟಂಬರ್ 25 ರಂದು ಲೋಕಾರ್ಪಣೆಗೊಳ್ಳಲಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ. ಅಕ್ಟೋಬರ್ 9 ರಿಂದ ಅಭ್ಯರ್ಥಿಗಳು ಈ ವೆಬ್‌ಸೈಟ್‌ಗೆ ವಿಸಿಟ್ ಮಾಡಿ ರಿಜಿಸ್ಟ್ರೇಶನ್ ಮಾಡಿಕೊಳ್ಳಬಹುದಾಗಿದೆ. ಐಐಟಿ ಮುಂಬಯಿ, ಐಐಟಿ ಹೈದ್ರಾಬಾದ್, ಐಐಟಿ ಕಾನ್ಪುರ, ಮತ್ತು ಐಐಎಸ್ಸಿ ಬೆಂಗಳೂರು ಶಿಕ್ಷಣ ಸಂಸ್ಥೆಗಳಲ್ಲಿ ಡಿಸೈನ್ ವಿಷಯಕ್ಕೆ ಸಂಬಂಧಪಟ್ಟಂತೆ ಪಿಹೆಚ್ ಡಿ ಕೋರ್ಸ್ ಮಾಡಬೇಕೆಂದಿದ್ದರೂ ಕೂಡಾ ಈ ಪ್ರವೇಶ ಪರೀಕ್ಷೆ ಪಾಸು ಮಾಡಲೇ ಬೇಕು.

ಆಫೀಶಿಯಲ್ ವೆಬ್‌ಸೈಟ್ ಲಾಂಚ್ ಆದ ಬಳಿಕ ಅಭ್ಯರ್ಥಿಗಳಿಗೆ ಬೇಕಾಗಿರುವ ಸಿಇಇಡಿ 2019 ಪರೀಕ್ಷೆಯ ಕಂಪ್ಲೀಟ್ ಮಾಹಿತಿ ಲಭ್ಯವಾಗಲಿದೆ. ಇನ್ನು ಈ ಪರೀಕ್ಷೆಯು ಪಾರ್ಟ್ ಎ ಹಾಗೂ ಪಾರ್ಟ್ ಬಿ ಎಂದು ಎರಡು ಭಾಗಗಳಾಗಿ ನಡೆಯಲಿದೆ. ಪಾರ್ಟ್ ಎ ಪರೀಕ್ಷೆಯಲ್ಲಿ ಯಾರು ಪಾಸಾಗುತ್ತಾರೋ ಅವರು ಪಾರ್ಟ್ ಬಿ ಪರೀಕ್ಷೆ ಬರೆಯಲು ಅರ್ಹತೆ ಪಡೆದುಕೊಳ್ಳುತ್ತಾರೆ. ಪಾರ್ಟ್ ಬಿ ಉತ್ತರ ಪತ್ರಿಕೆಯಲ್ಲಿ ಗಳಿಸಿದ ಅಂಕದ ಆಧಾರದ ಮೇಲೆ ಫೈನಲ್ ಮೆರಿಟ್ ಲಿಸ್ಟ್ ತಯಾರಿಸಲಾಗುತ್ತದೆ.

ಸಿಇಇಡಿ 2019 ಆನ್‌ಲೈನ್ ರಿಜಿಸ್ಟ್ರೇಶನ್ ಪ್ರಕ್ರಿಯೆಯು ಅಕ್ಟೋಬರ್ 9 ರಿಂದ ನವಂಬರ್ 9, 2018 ರ ಮಧ್ಯೆ ನಡೆಯಲಿದೆ. ಸಿಇಇಡಿ 2019 ಪರೀಕ್ಷೆಯು ಜನವರಿ 19 ರಂದು ನಡೆಯಲಿದೆ ಹಾಗೂ ಸಿಇಇಡಿ 2019 ಡ್ರಾಫ್ಟ್ ಉತ್ತರದ ಕೀ ಯು ಜನವರಿ 24, 2019 ರಂದು ಪ್ರಕಟವಾಗಲಿದೆ ಎಂದು ಆಫೀಶಿಯಲ್ ಮೂಲದಿಂದ ತಿಳಿದುಬಂದಿದೆ. ಹಾಗೂ ಈ ಪರೀಕ್ಷೆಯ ಫಲಿತಾಂಶವು ಮಾರ್ಚ್ ತಿಂಗಳ ಮೊದಲ ವಾರದಂದು ಹೊರಬೀಳಲಿದೆ ಎಂದು ಮೂಲಗಳಿಂದ ತಿಳಿದುಬಂದಿದೆ.