Google Apologized For Showing Kannada Ugliest Language: ಕನ್ನಡ ಕೊಳಕು ಭಾಷೆ ಎಂದ ಗೂಗಲ್ ಕ್ಷಮೆಯಾಚನೆ

ಕರ್ನಾಟಕದ ಶ್ರೀಮಂತ ಭಾಷೆ ಕನ್ನಡವನ್ನು ಕೊಳಕು ಭಾಷೆ ಎಂದು ಗೂಗಲ್ ತೋರುತ್ತಿತ್ತು. ಈ ಬಗ್ಗೆ ಇಂದು ಎಲ್ಲೆಡೆ ವಿರೋಧ ವ್ಯಕ್ತವಾಗಿದ್ದು, ಇದೀಗ ಇದೆಲ್ಲ ವಿವಾದಕ್ಕೂ ಗೂಗಲ್ ಪ್ರತಿಕ್ರಿಯಿಸಿದೆ.

ಹೌದು ನೀವು ಗೂಗಲ್ ನಲ್ಲಿ Ugliest Language In India ಎಂದು ಟೈಪ್ ಮಾಡಿದಾಗ ಗೂಗಲ್ ಕನ್ನಡ ಎಂದು ತೋರುತ್ತಿತ್ತು. ಈ ಕುರಿತು ಸಾಮಾಜಿಕ ಜಾಲಗಳಲ್ಲಿ ವಿರೋಧ ವ್ಯಕವಾಗಿತ್ತು ಹಾಗೂ ಅದನ್ನು ಸರಿಪಡಿಸುವ ಸಲುವಾಗ ಫೀಡ್‌ಬ್ಯಾಕ್ ಅನ್ನು ನೀಡಲು ಕೋರಲಾಗಿತ್ತು. ಇದೀಗ ಅನೇಕ ಫೀಡ್‌ಬ್ಯಾಕ್ ಗಳನ್ನು ಗಮನಿಸಿದ ಗೂಗಲ್ ಇಂಡಿಯಾ ಈ ವಿವಾದದ ಬಗ್ಗೆ ಕ್ಷಮೆಯಾಚಿಸಿದೆ.

ಈ ಕುರಿತು ಟ್ವೀಟ್ ಮಾಡಿರುವ ಗೂಗಲ್ ಇಂಡಿಯಾ ಯಾವುದೇ ಭಾವನೆಗಳಿಗೆ ಧಕ್ಕೆಯಾಗಿದ್ದರೆ ನಾವು ಕ್ಷಮೆ ಕೋರುತ್ತೇವೆ ಎಂದು ಹೇಳಿದೆ.