ICSI CS June Exam 2021: ಐಸಿಎಸ್ಐ ಸಿಎಸ್ ಜೂನ್ ಪರೀಕ್ಷೆಗೆ ಮೇ.15ರಿಂದ ಅರ್ಜಿ ಸಲ್ಲಿಕೆ ಆರಂಭ

ಇನ್‌ಸ್ಟಿಟ್ಯೂಟ್ ಆಫ್‌ ಕಂಪನಿ ಸೆಕ್ರೇಟರೀಸ್ ಇನ್‌ ಇಂಡಿಯಾ'ವು (ICSI) ಜೂನ್ 2021 ಸಿಎಸ್ ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಮತ್ತೊಮ್ಮೆ ಆನ್‌ಲೈನ್‌ ವಿಂಡೊ ಅನ್ನು ತೆರೆಯುತ್ತಿದೆ. ಈ ಕುರಿತು ಐಸಿಎಸ್‌ಐ ಪ್ರಕಟಣೆ ಹೊರಡಿಸಿದೆ. ಐಸಿಎಸ್‌ಐ ಸಿಎಸ್ ಜೂನ್‌ 2021 ಪರೀಕ್ಷೆಗೆ ಮೇ 15 ರಿಂದ ಅರ್ಜಿಯನ್ನು ಸಲ್ಲಿಸಬಹುದು.

ಐಸಿಎಸ್‌ಐ ಬಿಡುಗಡೆ ಮಾಡಲಾದ ನೋಟಿಸ್‌ನಲ್ಲಿ "ಐಸಿಎಸ್‌ಐ ಸಿಎಸ್ ಫೌಂಡೇಷನ್/ ಎಕ್ಸಿಕ್ಯೂಟಿವ್/ ಪ್ರೊಫೇಶನಲ್ ಪ್ರೋಗ್ರಾಮ್ ಜೂನ್‌ ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಆಸಕ್ತಿ ಇದ್ದು, ಈ ಹಿಂದೆ ಅರ್ಜಿ ಸಲ್ಲಿಸದ ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ಅವರಿಗೆ ಮತ್ತೊಂದು ಅವಕಾಶ ನೀಡಿದೆ. ಆಸಕ್ತ ವಿದ್ಯಾರ್ಥಿಗಳು ಮೇ 15 ರಿಂದ ಮೇ 22, 2021ರ ರಾತ್ರಿ 11:59ರೊಳಗೆ ಅರ್ಜಿಯನ್ನು ಸಲ್ಲಿಸಬಹುದು.

ಐಸಿಎಸ್‌ಐ ಸಿಎಸ್ ಫೌಂಡೇಷನ್/ ಎಕ್ಸಿಕ್ಯೂಟಿವ್/ ಪ್ರೊಫೇಶನಲ್ ಪ್ರೋಗ್ರಾಮ್ ಪರೀಕ್ಷೆಯನ್ನು ಜೂನ್‌ 01 ರಿಂದ 10, 2021 ರವರೆಗೆ ನಡೆಸಲು ಈ ಮುಂಚೆ ನಿಗದಿಪಡಿಸಲಾಗಿತ್ತು. ಆದರೆ ಕೋವಿಡ್ ಹಿನ್ನೆಲೆಯಲ್ಲಿ ಪರೀಕ್ಷಾ ದಿನಾಂಕವನ್ನು ಮುಂದೂಡಿದೆ. ಪರೀಕ್ಷಾ ದಿನಾಂಕವನ್ನು 30 ದಿನಗಳ ಮುಂಚಿತವಾಗಿ ತಿಳಿಸಲಾಗುವುದು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಅಭ್ಯರ್ಥಿಗಳು ಆಗಾಗ್ಗೆ ಅಧಿಕೃತ ವೆಬ್‌ಸೈಟ್ https://icsi.edu/home/ ಗೆ ಭೇಟಿ ನೀಡುತ್ತಿರತಕ್ಕದ್ದು.