ಸರ್ವ ಪಿತೃ ಅಮಾವಾಸ್ಯೆ: ಉತ್ತರ ಪ್ರದೇಶದ ಈ ಜಿಲ್ಲೆಗಳಲ್ಲಿ ಶಾಲೆಗಳಿಗೆ ರಜೆ ಘೋಷಣೆ, ಪೋಷಕರೇ ಗಮನಿಸಿ!

ಸರ್ವ ಪಿತೃ ಅಮಾವಾಸ್ಯೆ ಹಿನ್ನೆಲೆಯಲ್ಲಿ, ಅಕ್ಟೋಬರ್ 10, 2026ರ ಶನಿವಾರದಂದು ಉತ್ತರ ಪ್ರದೇಶದ ಹಲವು ಜಿಲ್ಲೆಗಳಲ್ಲಿ 1 ರಿಂದ 8ನೇ ತರಗತಿವರೆಗೆ ಶಾಲೆಗಳಿಗೆ ರಜೆ ಘೋಷಿಸಲಾಗಿದೆ. ಹಾತ್ರಾಸ್, ಸಂಭಾಲ್, ಬಹ್ರೈಚ್, ಪಿಲಿಭಿತ್ ಮತ್ತು ಹಮೀರ್‌ಪುರ ಜಿಲ್ಲೆಗಳಲ್ಲಿ ರಜೆ ಇರುವುದು ಖಚಿತಪಟ್ಟಿದೆ. ಈ ಆದೇಶವು ಪರಿಷದೀಯ (ಸರ್ಕಾರಿ) ಮತ್ತು ಮಾನ್ಯತೆ ಪಡೆದ ಪ್ರಾಥಮಿಕ ಶಾಲೆಗಳಿಗೆ ಅನ್ವಯಿಸಲಿದೆ. ಇನ್ನು ಖಾಸಗಿ, ಸಿಬಿಎಸ್‌ಇ ಮತ್ತು ಐಸಿಎಸ್‌ಇ ಶಾಲೆಗಳು ತಮ್ಮ ಆಡಳಿತ ಮಂಡಳಿಯ ಸುತ್ತೋಲೆ ಅಥವಾ ಜಿಲ್ಲಾಡಳಿತದ ಸೂಚನೆಗೆ ಅನುಗುಣವಾಗಿ ತೀರ್ಮಾನ ಕೈಗೊಳ್ಳಲಿವೆ.

ಗಮನಿಸಬೇಕಾದ ಮುಖ್ಯ ಸಂಗತಿಯೆಂದರೆ, ಇದು ಜಿಲ್ಲಾ ಹಂತದಲ್ಲಿ ಬೇಸಿಕ್ ಶಿಕ್ಷಣ ಅಧಿಕಾರಿಗಳು (BSA) ನೀಡಿರುವ ಆದೇಶವಾಗಿದ್ದು, ಇಡೀ ರಾಜ್ಯಾದ್ಯಂತ ರಜೆ ಘೋಷಿಸಲಾಗಿಲ್ಲ. ಸಂಭಾಲ್‌ನ ಬಿಎಸ್‌ಎ ಅಲ್ಕಾ ಶರ್ಮಾ ಇಂದು ಶಾಲೆಗಳಿಗೆ ರಜೆ ಇರುವುದನ್ನು ದೃಢಪಡಿಸಿದ್ದಾರೆ. ಪ್ರಯಾಗ್‌ರಾಜ್‌ನಲ್ಲಿ ಡಿಐಒಎಸ್ ಮತ್ತು ಬಿಎಸ್‌ಎ ಆದೇಶದ ಮೂಲಕ 12ನೇ ತರಗತಿಯವರೆಗೂ ರಜೆಯನ್ನು ವಿಸ್ತರಿಸಲಾಗಿದೆ. ಹೀಗಾಗಿ, ಪೋಷಕರು ಶಾಲಾ ವಾಹನ ಅಥವಾ ಪರೀಕ್ಷೆಗಳ ಬಗ್ಗೆ ತೀರ್ಮಾನಿಸುವ ಮುನ್ನ ತಮ್ಮ ಜಿಲ್ಲೆಯ ಅಧಿಕೃತ ಆದೇಶವನ್ನು ಗಮನಿಸುವುದು ಸೂಕ್ತ.

1 ರಿಂದ 8ನೇ ತರಗತಿವರೆಗೆ ಇಂದು ಎಲ್ಲೆಲ್ಲಿ ರಜೆ? ಜಿಲ್ಲಾವಾರು ವಿವರ

ರಜೆ ಘೋಷಣೆಯಾಗಿರುವ ಪ್ರಮುಖ ಜಿಲ್ಲೆಗಳ ವಿವರ ಇಲ್ಲಿದೆ. ಹೊಸ ಆದೇಶಗಳು ಹೊರಬಿದ್ದಂತೆ ಈ ಪಟ್ಟಿಯನ್ನು ಅಪ್‌ಡೇಟ್ ಮಾಡಲಾಗುತ್ತದೆ. ಸರ್ಕಾರಿ ಮತ್ತು ಪ್ರಾಥಮಿಕ ಶಿಕ್ಷಣ ಇಲಾಖೆಯಡಿ ಬರುವ ಅನುದಾನಿತ ಹಾಗೂ ಮಾನ್ಯತೆ ಪಡೆದ ಶಾಲೆಗಳಿಗೆ ಈ ಆದೇಶ ಅನ್ವಯಿಸುತ್ತದೆ. ನಿಮ್ಮ ಶಾಲೆಯ ಮುಖ್ಯೋಪಾಧ್ಯಾಯರು ಯಾವುದೇ ವಿನಾಯಿತಿ ನೀಡದೇ ಇದ್ದರೆ ರಜೆ ಅನ್ವಯವಾಗಲಿದೆ.

ಖಾಸಗಿ, ಸಿಬಿಎಸ್‌ಇ ಹಾಗೂ ಐಸಿಎಸ್‌ಇ ಶಾಲೆಗಳ ಪರಿಸ್ಥಿತಿ ಏನು?

ಜಿಲ್ಲಾಡಳಿತವು ಎಲ್ಲ ಮಂಡಳಿಗಳಿಗೆ ರಜೆ ವಿಸ್ತರಿಸದ ಹೊರತು, ಖಾಸಗಿ, ಸಿಬಿಎಸ್‌ಇ ಮತ್ತು ಐಸಿಎಸ್‌ಇ ಶಾಲೆಗಳು ತಮ್ಮದೇ ಆದ ಸುತ್ತೋಲೆಗಳ ಮೂಲಕ ರಜೆಯ ನಿರ್ಧಾರ ತೆಗೆದುಕೊಳ್ಳಲಿವೆ. ಆದ್ದರಿಂದ ವಿದ್ಯಾರ್ಥಿಗಳನ್ನು ಶಾಲೆಗೆ ಕಳುಹಿಸುವ ಮುನ್ನ ಶಾಲೆಯ ವಾಟ್ಸಾಪ್ ಗ್ರೂಪ್, ಎಸ್‌ಎಂಎಸ್ ಅಥವಾ ವೆಬ್‌ಸೈಟ್ ಚೆಕ್ ಮಾಡಿ. ಉದಾಹರಣೆಗೆ, ಫರೂಖಾಬಾದ್‌ನಂತಹ ಕೆಲವು ಜಿಲ್ಲೆಗಳಲ್ಲಿ ಈ ವಾರಾಂತ್ಯ ಸಿಬಿಎಸ್‌ಇ ಮತ್ತು ಐಸಿಎಸ್‌ಇ ಶಾಲೆಗಳಿಗೂ ರಜೆ ನೀಡಲಾಗಿದೆ. ಆದರೆ ಇತರ ಜಿಲ್ಲೆಗಳಲ್ಲಿ ಪ್ರಾಥಮಿಕ ಶಾಲೆಗಳಿಗೆ ಮಾತ್ರ ರಜೆ ಸೀಮಿತಗೊಳಿಸಲಾಗಿದೆ. ಜಿಲ್ಲಾಡಳಿತದ ಜಾಲತಾಣದಲ್ಲೂ ಒಮ್ಮೆ ಪರಿಶೀಲಿಸಿಕೊಳ್ಳಿ.

ಇಂದು ಪರೀಕ್ಷೆಗಳಿದ್ದರೆ ಏನು ಮಾಡಬೇಕು?

ಇಂದು ಯಾವುದೇ ಯುನಿಟ್ ಟೆಸ್ಟ್ ಅಥವಾ ಆಂತರಿಕ ಪರೀಕ್ಷೆಗಳು ನಿಗದಿಯಾಗಿದ್ದರೆ, ಅವುಗಳ ದಿನಾಂಕ ಬದಲಾಗುವ ಸಾಧ್ಯತೆಯಿದೆ. ನಿಮ್ಮ ಹಾಲ್ ಟಿಕೆಟ್ ಹಾಗೂ ಪ್ರಾಜೆಕ್ಟ್ ವರ್ಕ್‌ಗಳನ್ನು ಭದ್ರವಾಗಿಟ್ಟುಕೊಳ್ಳಿ. ಸಾಮಾನ್ಯವಾಗಿ ಮುಂದಿನ ಕೆಲಸದ ದಿನದಂದು ಪರೀಕ್ಷೆಗಳನ್ನು ನಡೆಸಲಾಗುತ್ತದೆ. ಹೊಸ ಪರೀಕ್ಷಾ ವೇಳಾಪಟ್ಟಿಗಾಗಿ ಶಾಲಾ ಗ್ರೂಪ್‌ಗಳು, ಬಿಎಸ್‌ಎ ಅಥವಾ ಡಿಐಒಎಸ್ ನೀಡುವ ಅಧಿಕೃತ ಸೂಚನೆಗಳನ್ನು ಗಮನಿಸಿ.

ನಾಳೆಯಿಂದ ನವರಾತ್ರಿ ಆರಂಭ: ಶಾಲೆಗಳು ಮತ್ತೆ ತೆರೆಯುವುದು ಯಾವಾಗ?

ಅಕ್ಟೋಬರ್ 11ರ ಭಾನುವಾರದಿಂದ ಶಾರಾದೀಯ ನವರಾತ್ರಿ ಆರಂಭವಾಗಲಿದೆ. ನಿಮ್ಮ ಜಿಲ್ಲೆಯಲ್ಲಿ ಹೊಸದಾಗಿ ಯಾವುದೇ ರಜಾ ಸುತ್ತೋಲೆ ಹೊರಡಿಸದಿದ್ದರೆ, ಹೆಚ್ಚಿನ ಶಾಲೆಗಳು ಅಕ್ಟೋಬರ್ 12ರ ಸೋಮವಾರದಿಂದ ಯಥಾರಾತಿಯಾಗಿ ಪುನರಾರಂಭಗೊಳ್ಳಲಿವೆ. ಇನ್ನು ಇಂದು ಎರಡನೇ ಶನಿವಾರವಾಗಿರುವುದರಿಂದ ನಿಯಮಾವಳಿ ಪ್ರಕಾರ ಬ್ಯಾಂಕ್‌ಗಳಿಗೆ ರಜೆಯಿರುತ್ತದೆ. ಇಡೀ ರಾಜ್ಯಕ್ಕೆ ಯಾವುದೇ ವಿಶೇಷ ಸಾರ್ವತ್ರಿಕ ರಜೆ ಇಲ್ಲದಿರುವುದರಿಂದ ಸ್ಥಳೀಯ ಪ್ರಕಟಣೆಗಳನ್ನು ಗಮನಿಸುವುದು ಒಳಿತು.