ಯುಪಿಎಸ್ ಸಿ ಸಿವಿಲ್ ಸರ್ವೀಸ್ ಪ್ರೆಲಿಮ್ಸ್... ಜುಲೈ 15 ರಂದು ಫಲಿತಾಂಶ ಪ್ರಕಟ ಸಾಧ್ಯತೆ!

ಕೇಂದ್ರ ಲೋಕ ಸೇವಾ ಆಯೋಗ ನಡೆಸುವ ಸಿಎಸ್ಇ ಪ್ರೆಲಿಮಿನರಿ ಪರೀಕ್ಷೆಯ ಫಲಿತಾಂಶ ಜುಲೈ 9 ರಂದು upsc.gov.in ವೆಬ್‌ಸೈಟ್ ನಲ್ಲಿ ಪ್ರಕಟವಾಗುವ ಸಾಧ್ಯತೆ ಇದೆ ಎಂದು ಯುಪಿಎಸ್ ಸಿ ಮುಖ್ಯಸ್ಥ ಅರವಿಂದ್ ಸೆಕ್ಸೇನಾ ತಿಳಿಸಿದ್ದಾರೆ.

ಈ ವರ್ಷ ಜೂನ್ 3 ರಂದು ಭಾನುವಾರ ಯುಪಿಎಸ್ ಸಿ ಸಿವಿಲ್ ಸರ್ವೀಸ್ ಪ್ರಿಲಿಮ್ಸ್ ಪರೀಕ್ಷೆಯನ್ನ ಆಯೋಜಿಸಲಾಗಿದ್ದು, 3 ಲಕ್ಷ ವಿದ್ಯಾರ್ಥಿಗಳು ಹಾಜರಾಗಿದ್ದರು. ಈ ಪರೀಕ್ಷೆಗೆ ಹಾಜರಾಗಿದ್ದ ವಿದ್ಯಾರ್ಥಿಗಳು upsc.gov.in ಆಫೀಶಿಯಲ್ ಸೈಟ್ ಮೂಲಕ ಫಲಿತಾಂಶ ಚೆಕ್ ಮಾಡಿಕೊಳ್ಳಬಹುದಾಗಿದೆ.ಇನ್ನು ಈ ಸಬ್‌ಜೆಕ್ಟ್ ನ ಪ್ರಮುಖ ಪರೀಕ್ಷೆಯು ಅಕ್ಟೋಬರ್ 1 ಸೋಮವಾರದಂದು ನಡೆಯಲಿದೆ.

ಯುಪಿಎಸ್ ಸಿ ಸಿವಿಲ್ ಸರ್ವೀಸ್ ಪ್ರಿಲಿಮ್ಸ್ 2018: ಪರೀಕ್ಷೆ ಪತ್ರಿಕೆ ಹೇಗಿತ್ತು?

ಈ ವರ್ಷ ಪರೀಕ್ಷೆಯಲ್ಲಿ ಹೆಚ್ಚಾಗಿ ಎಕಾನಾಮಿ ಹಾಗೂ ಜಿಯಾಗ್ರಾಫಿ ಸಬ್‌ಜೆಕ್ಟ್ ಗೆ ಸಂಬಂಧಪಟ್ಟಂತೆ ಹೆಚ್ಚಿನ ಪ್ರಶ್ನೆಗಳನ್ನ ಕೇಳಲಾಗಿತ್ತು. ಇನ್ನು ಕೆಲವು ಪ್ರಶ್ನೆಗಳು ಹೆಚ್ಚು ಗೊಂದಲ ಮೂಡಿಸಿದ್ದವು. ಶೇ. 55 ರಷ್ಟು ವಿದ್ಯಾರ್ಥಿಗಳು ಖಂಡಿತ ಈ ಪರೀಕ್ಷೆಯನ್ನ ಪಾಸುಮಾಡುತ್ತಾರೆ ಎಂದು BYJU ಕುಮಾರ್ ರೋಹಿತ್ ತಿಳಿಸಿದ್ದಾರೆ.

ಇನ್ನು ವಿದ್ಯಾರ್ಥಿಗಳು ಹೇಳುವ ಪ್ರಕಾರ, ಕಳೆದ ವರ್ಷಕ್ಕೆ ಹೋಲಿಸಿದ್ದರೆ ಈ ವರ್ಷದ ಪ್ರಶ್ನಾ ಪತ್ರಿಕೆ ತುಂಬಾ ಕಷ್ಟವಾಗಿತ್ತು. ಪ್ರಶ್ನಾ ಪತ್ರಿಕೆ ಮಾದರಿ ಸೇಮ್ ಇತ್ತು ಆದ್ರೆ ಕೆಲವೊಂದು ಪ್ರಶ್ನೆಗಳು ತುಂಬಾ ಗೊಂದಲ ಮೂಡಿಸಿದ್ದವು ಎಂದು ತಿಳಿಸಿದ್ದಾರೆ.