CAT Exam 2021 : ನ.28ಕ್ಕೆ ಕ್ಯಾಟ್ ನಿಗದಿ.. ಪರೀಕ್ಷಾ ತಯಾರಿಗೆ ಸಲಹೆ

ಕ್ಯಾಟ್ ಪರೀಕ್ಷೆ ಸಿದ್ಧತೆಗೆ ಸರಳ ಸೂತ್ರ

ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ (IIM) ಅಹಮದಾಬಾದ್ ಸಾಮಾನ್ಯ ಪ್ರವೇಶ ಪರೀಕ್ಷೆ (CAT) 2021 ಅನ್ನು ನವೆಂಬರ್ 28ರ ಭಾನುವಾರದಂದು ನಡೆಸುತ್ತಿದೆ. ಸ್ನಾತಕೋತ್ತರ ನಿರ್ವಹಣೆ ಪ್ರವೇಶ ಪರೀಕ್ಷೆಗೆ ಹಾಜರಾಗುವ ಅಭ್ಯರ್ಥಿಗಳು ಉಳಿದ ಸಮಯದಲ್ಲಿ ಸುಲಭವಾಗಿ ಮತ್ತು ಪರಿಣಾಮಕಾರಿಯಾಗಿ ಹೇಗೆ ಅಧ್ಯಯನ ಮಾಡಬಹುದು ಎಂದು ಇಲ್ಲಿ ಕೆಲವು ಸಲಹೆಗಳನ್ನು ನೀಡಲಾಗಿದೆ. ಈ ಸಲಹೆಗಳನ್ನು ಓದಿ ತಮ್ಮ ಪರೀಕ್ಷೆಗೆ ಉತ್ತಮ ರೀತಿಯಲ್ಲಿ ತಯಾರಿಯನ್ನು ನಡೆಸಿ.

 

1. ಪರೀಕ್ಷೆ ಬಗ್ಗೆ ತಿಳಿಯಿರಿ:

1. ಪರೀಕ್ಷೆ ಬಗ್ಗೆ ತಿಳಿಯಿರಿ:

ಕ್ಯಾಟ್ ಪರೀಕ್ಷೆಗೆ ಅಧ್ಯಯನ ನಡೆಸುತ್ತಿರುವ ವಿದ್ಯಾರ್ಥಿಗಳು ಮೊದಲು ಪರೀಕ್ಷೆಯ ಮಾದರಿ ಮತ್ತು ಪಠ್ಯಕ್ರಮವನ್ನು ವಿವರವಾಗಿ ತಿಳಿದುಕೊಳ್ಳುವುದು ಮುಖ್ಯ. ನೀವು ಪರೀಕ್ಷೆಗೆ ತಯಾರಿ ಪ್ರಾರಂಭಿಸುವ ಮೊದಲು ಸಮಗ್ರ ಯೋಜನೆಯು ಜಾರಿಯಲ್ಲಿರಬೇಕು. ಇದನ್ನು ಮಾಡಲು ನೀವು ಹಿಂದಿನ ವರ್ಷಗಳ ಪ್ರಶ್ನೆ ಪತ್ರಿಕೆಗಳು ಮತ್ತು ವಿಶ್ಲೇಷಣೆಗಳು ಅಗತ್ಯ, ಇದರಿಂದ ನೀವು ಪ್ರತಿ ವಿಷಯದ ಪ್ರಾಮುಖ್ಯತೆಯನ್ನು ಅರ್ಥಮಾಡಿಕೊಳ್ಳಬಹುದು ಮತ್ತು ಅದಕ್ಕೆ ಅನುಗುಣವಾಗಿ ನಿಮ್ಮ ತಯಾರಿಯನ್ನು ನಡೆಸಬಹುದು. ಸಾಮಾನ್ಯವಾಗಿ ಕ್ಯಾಟ್ ಪರೀಕ್ಷೆಯು ಬಹು ಆಯ್ಕೆಯ ಪರೀಕ್ಷೆಯಾಗಿದ್ದು 4 ಪ್ರಮುಖ ಕ್ಷೇತ್ರಗಳ ಮೇಲೆ ಮುಖ್ಯ ಗಮನವನ್ನು ಕೇಂದ್ರೀಕರಿಸುತ್ತದೆ. ಅವುಗಳೆಂದರೆ ಪರಿಮಾಣಾತ್ಮಕ ಸಾಮರ್ಥ್ಯ, ಮೌಖಿಕ ಸಾಮರ್ಥ್ಯ, ಡೇಟಾ ವ್ಯಾಖ್ಯಾನ ಮತ್ತು ತಾರ್ಕಿಕ ತಾರ್ಕಿಕತೆ.

2. ಅಧ್ಯಯನ ಸಾಮಗ್ರಿಗಳು:
 

2. ಅಧ್ಯಯನ ಸಾಮಗ್ರಿಗಳು:

ಕ್ಯಾಟ್ ಪರೀಕ್ಷೆಗೆ ಕೋಚಿಂಗ್ ತೆಗೆದುಕೊಳ್ಳದವರಿಗೂ ಸಾಕಷ್ಟು ಅಧ್ಯಯನ ಸಾಮಗ್ರಿಗಳು ಲಭ್ಯವಿದೆ. ಬಹಳಷ್ಟು ಪುಸ್ತಕಗಳು, ಪ್ರಶ್ನೆ ಬ್ಯಾಂಕ್‌ಗಳು, ಪೂರ್ವಸಿದ್ಧತಾ ಪುಸ್ತಕಗಳು ಮತ್ತು ಮಾದರಿ ಪ್ರಶ್ನೆ ಪತ್ರಿಕೆಗಳು ಪುಸ್ತಕ ಮಳಿಗೆಗಳಲ್ಲಿ ಮತ್ತು ಆನ್‌ಲೈನ್ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ವ್ಯವಸ್ಥಿತ ಅಧ್ಯಯನಗಳಿಗೆ ಸರಿಯಾದ ಪುಸ್ತಕ ಮತ್ತು ಸಾಮಾಗ್ರಿಗಳನ್ನು ಪಡೆಯುವುದು ಮುಖ್ಯವಾಗಿದೆ. ನಿಮ್ಮ ಸಾಮರ್ಥ್ಯಗಳನ್ನು ಅರ್ಥಮಾಡಿಕೊಳ್ಳಲು ಮತ್ತು ನಿಮ್ಮ ದೌರ್ಬಲ್ಯಗಳ ಮೇಲೆ ಹೆಚ್ಚು ಕೆಲಸ ಮಾಡಲು ಮಾದರಿ ಪ್ರಶ್ನೆ ಪತ್ರಿಕೆಗಳು ಮತ್ತು ಅಭ್ಯಾಸ ಪತ್ರಿಕೆಗಳನ್ನು ಬಳಸಿ. ಅದರಿಂದ ನಿಮ್ಮ ಅಧ್ಯಯನ ಇನ್ನಷ್ಟು ಉತ್ತಮವಾಗಲಿದೆ. ಇಲ್ಲಿ ಕೆಲವು ಅಧ್ಯಯನ ಸಾಮಗ್ರಿಗಳನ್ನು ನೀಡಲಾಗಿದೆ ಅವುಗಳ ಮೂಲಕವೂ ಅಧ್ಯಯನ ನಡೆಸಬಹುದು.

‘ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್ ಫಾರ್ ಸಿಎಟಿಗೆ ಹೇಗೆ ತಯಾರಿ ನಡೆಸಬೇಕು' =
ಅರುಣ್ ಶರ್ಮಾ
'ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್ ಕ್ವಾಂಟಮ್ CAT'- ಸರ್ವೇಶ್ ವರ್ಮಾ ಮತ್ತು
'ದಿ ಪಿಯರ್ಸನ್ ಗೈಡ್ ಟು ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್ ಫಾರ್ ದಿ ಕ್ಯಾಟ್'-ನಿಶಿತ್ ಸಿನ್ಹಾ

ಇದಲ್ಲದೇ ಸ್ವಯಂ ಅಧ್ಯಯನ ಮತ್ತು ಉಲ್ಲೇಖಕ್ಕಾಗಿ ಬಳಸಬಹುದಾದ ಕೆಲವು ಪುಸ್ತಕಗಳನ್ನು ತಜ್ಞರು ಬರೆದಿದ್ದಾರೆ. ಅವುಗಳ ಅಧ್ಯಯನ ಜೊತೆಗೆ ನಿಮ್ಮ ಸಾಮಾನ್ಯ ಜ್ಞಾನವನ್ನು ಹೆಚ್ಚಿಸಿಕೊಳ್ಳುವುದು ಸಹ ಮುಖ್ಯವಾಗಿದೆ. ಹಾಗಾಗಿ ಅಭ್ಯರ್ಥಿಗಳು ಪ್ರತಿನಿತ್ಯ ವಿವಿಧ ಪತ್ರಿಕೆಗಳು ಮತ್ತು ನಿಯತಕಾಲಿಕೆಗಳನ್ನು ಅಧ್ಯಯನ ಮಾಡಬಹುದು.

3. ಆನ್‌ಲೈನ್ ಅಣಕು ಪರೀಕ್ಷೆಗಳು:

3. ಆನ್‌ಲೈನ್ ಅಣಕು ಪರೀಕ್ಷೆಗಳು:

ಪರೀಕ್ಷೆಗೆ ಕೆಲವೇ ದಿನಗಳು ಬಾಕಿ ಇದ್ದು, ನಿಮ್ಮ ಮೂಲಭೂತ ಸಿದ್ಧತೆಯನ್ನು ನೀವು ಪೂರ್ಣಗೊಳಿಸಿದ್ದರೆ ಇದೀಗ ನೀವು ಆನ್‌ಲೈನ್ ಅಣಕು ಪರೀಕ್ಷೆಗಳನ್ನು ತೆಗೆದುಕೊಳ್ಳುವುದು ಅವಶ್ಯಕ. ಈ ವಿಶ್ಲೇಷಣೆಯು ಬಹಳ ಮುಖ್ಯವಾದುದು ಏಕೆಂದರೆ ನಿಮ್ಮ ಅಧ್ಯಯನಕ್ಕೆ ಇನ್ನಷ್ಟು ಉಪಕಾರಿಯಾಗುತ್ತದೆ. ಆರಂಭದಲ್ಲಿ ವಾರಕ್ಕೆ ಒಂದರಿಂದ ಎರಡು ಪರೀಕ್ಷೆಗಳೊಂದಿಗೆ ಪ್ರಾರಂಭಿಸಿ ಮತ್ತು ನಂತರ ದಿನಗಳಲ್ಲಿ ವಾರಕ್ಕೆ 3-4 ಪರೀಕ್ಷೆಗಳನ್ನು ತೆಗೆದುಕೊಳ್ಳಿ. ಈಗ ಪರೀಕ್ಷೆಗೆ ಕೆಲವೇ ದಿನಗಳು ಉಳಿದಿರುವುದರಿಂದ ಅಣಕು ಪರೀಕ್ಷೆಗಳನ್ನು ಹೆಚ್ಚು ಅಭ್ಯಸಿಸಿ. ಇದರಿಂದ ನಿಮ್ಮ ಅಧ್ಯಯನ ಎಷ್ಟರ ಮಟ್ಟಿಗೆ ಪರಿಣಾಮಕಾರಿಯಾಗಿದೆ ಎಂಬುದನ್ನು ಮತ್ತು ನೀವು ಮಾಡುವ ತಪ್ಪುಗಳನ್ನು ಗಮನಿಸಿ ಸರಿಪಡಿಸಿಕೊಳ್ಳಲು ಅನುಕೂಲವಾಗಲಿದೆ.

4. ಗುಂಪು ಅಧ್ಯಯನ:

4. ಗುಂಪು ಅಧ್ಯಯನ:

ಸಾಮಾನ್ಯವಾಗಿ ಇತರರೊಡನೆ ಸೇರಿ ಅಧ್ಯಯನ ಮಾಡಿದರೆ ಗುಂಪು ಅಧ್ಯಯನವೆಂದು ಕರೆಯುತ್ತೇವೆ. ಇದರಿಂದ ಅಧ್ಯನ ಹೆಚ್ಚು ಉತ್ಸಾಹಯುತ ಮತ್ತು ಹೆಚ್ಚು ಪರಿಣಾಮಕಾರಿಯಾಗಿರುತ್ತದೆ. ನೀವು ಒಂದು ಸಣ್ಣ ಅಧ್ಯಯನ ಗುಂಪನ್ನು ರಚಿಸಕೊಂಡು ನಿರ್ದಿಷ್ಟ ವಿಷಯಕ್ಕೆ ಹೇಗೆ ಸಿದ್ಧವಾಗಬೇಕು ಅಥವಾ ವಿಷಯವನ್ನು ಎದುರಿಸಲು ಉತ್ತಮ ಮಾರ್ಗ ಯಾವುದು ಎಂಬುದರ ಕುರಿತು ಆಲೋಚನೆಗಳನ್ನು ಮಾಡಬಹುದು. ಸಮಸ್ಯೆಗಳನ್ನು ಚರ್ಚಿಸುವುದು, ನಿಮ್ಮ ಪ್ರಶ್ನೆಗಳು ಮತ್ತು ಕಾರ್ಯತಂತ್ರಗಳನ್ನು ಹಂಚಿಕೊಳ್ಳುವುದು ನಿಮಗೆ ಉತ್ತಮವಾಗಿ ತಯಾರಾಗಲು ಸಹಾಯ ಮಾಡುತ್ತದೆ. ನಿಮ್ಮ ಸ್ಟಡಿ ಗ್ರೂಪ್ ನಲ್ಲಿ ಕೋಚಿಂಗ್ ತೆಗೆದುಕೊಂಡವರನ್ನು ಹೊಂದಿದ್ದರೆ ಉತ್ತಮ. ಅವರು ನಿಮ್ಮ ಸಂದೇಹಗಳನ್ನು ತಜ್ಞರಿಂದ ಉತ್ತರಿಸುವ ಮೂಲಕ ಪರಿಹರಿಸುತ್ತಾರೆ. ವಿಷಯದ ಬಗ್ಗೆ ನಿಮ್ಮ ತಿಳುವಳಿಕೆಯನ್ನು ಉತ್ತಮಗೊಳಿಸಲು ಅಣಕು ಪರೀಕ್ಷೆಗಳನ್ನು ತೆಗೆದುಕೊಳ್ಳಿ ಮತ್ತು ಅಭ್ಯಾಸ ಪತ್ರಿಕೆಗಳನ್ನು ಒಟ್ಟಿಗೆ ಪರಿಹರಿಸಿ.

5. ಇಂಟರ್‌ನೆಟ್‌ನೊಂದಿಗೆ ಕಲಿಕೆ:

5. ಇಂಟರ್‌ನೆಟ್‌ನೊಂದಿಗೆ ಕಲಿಕೆ:

ಕ್ಯಾಟ್ ಪರೀಕ್ಷೆಯ ಅಧ್ಯಯನಕ್ಕೆ ಶಿಕ್ಷಣ ವೆಬ್‌ಸೈಟ್‌ಗಳು, ಸುದ್ದಿ ವೆಬ್‌ಸೈಟ್‌ಗಳು ಮತ್ತು ಸಾಮಾಜಿಕ ಮಾಧ್ಯಮ ಗುಂಪುಗಳಿಂದ ಸಹಾಯವಾಗಲಿದೆ. ಈ ಹೆಚ್ಚಿನ ವೆಬ್‌ಸೈಟ್‌ಗಳಲ್ಲಿ ಲೇಖನಗಳು, ಮಾದರಿ ಪತ್ರಿಕೆಗಳು, ಅಧ್ಯಯನ ಸಾಮಗ್ರಿಗಳು ಲಭ್ಯವಿವೆ ಮತ್ತು ಅವುಗಳನ್ನು ಉಚಿತವಾಗಿ ಡೌನ್‌ಲೋಡ್ ಕೂಡ ಮಾಡಬಹುದು. ಕ್ಯಾಟ್ ಪರೀಕ್ಷೆಗೆ ಸಂಬಂಧಿಸಿದಂತೆ ನವೀಕರಿಸಿದ ವಿವಿಧ ಫೋರಮ್‌ಗಳು ಮತ್ತು ಗುಂಪುಗಳನ್ನು ಅನುಸರಿಸಿ ಹಾಗೂ ಸೇರಿಕೊಳ್ಳಿ ಈ ಮೂಲಕ ಅಧ್ಯಯನ ಮಾಡಿ.

6. ಆತ್ಮವಿಶ್ವಾಸ ಮತ್ತು ಪ್ರೇರಣೆ:

6. ಆತ್ಮವಿಶ್ವಾಸ ಮತ್ತು ಪ್ರೇರಣೆ:

ಪ್ರಮುಖವಾಗಿ ಕ್ಯಾಟ್ ಪರೀಕ್ಷೆಗೆ ಹಾಜರಾಗುವವರಿಗೆ ಆತ್ಮವಿಶ್ವಾಸ ಮತ್ತು ಪ್ರೇರಣೆ ಅತೀ ಮುಖ್ಯ. ಯಾವಾಗಲೂ ನಿಮ್ಮನ್ನು ಪ್ರೇರೇಪಿಸುವಂತಹ ನಿಮ್ಮ ಸಾಮರ್ಥ್ಯಗಳಲ್ಲಿ ವಿಶ್ವಾಸವಿಡಿ, ಇದರಿಂದ ನಿಮ್ಮ ಅಧ್ಯಯನ ಇನ್ನಷ್ಟು ಬಲವಾಗುತ್ತದೆ. ನೀವು ಸ್ವಂತವಾಗಿ ಅಧ್ಯಯನ ಮಾಡುತ್ತಿದ್ದಲ್ಲಿ ಎಂತಹ ಅಡೆತಡೆಗಳು ಬಂದರೂ ಅದನ್ನು ಬಗೆಹರಿಸಿಕೊಂಡು ಮುನ್ನಡೆಯುವುದು ಮುಖ್ಯ. ಪರೀಕ್ಷಾರ್ಥಿಗಳು ತಮ್ಮ ಸಕಾರಾತ್ಮಕ ದೃಷ್ಟಿಕೋನ ಮತ್ತು ಉತ್ತಮ ಮನೋಭಾವದಿಂದ ಕ್ಯಾಟ್ ಪರೀಕ್ಷೆಯನ್ನು ಎದುರಿಸುವುದು ಅತೀ ಪ್ರಮುಖ ಮಾರ್ಗ.

ಈ ಎಲ್ಲಾ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಇನ್ನುಳಿದ ಕೆಲವೇ ದಿನಗಳಲ್ಲಿ ಹೆಚ್ಚು ಸಿದ್ಧತೆಯನ್ನು ನಡೆಸಿ ಪರೀಕ್ಷೆಗೆ ಹಾಜರಾಗಿ ಮತ್ತು ಉತ್ತಮ ರೀತಿಯಲ್ಲಿ ಫಲಿತಾಂಶವನ್ನು ಪಡೆಯಲು ಪ್ರಯತ್ನ ಮಾಡಿ.

For Quick Alerts
ALLOW NOTIFICATIONS  
For Daily Alerts

English summary
CAT exam is on november 28. Here is the effective tips to crack the exam.
--Or--
Select a Field of Study
Select a Course
Select UPSC Exam
Select IBPS Exam
Select Entrance Exam
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X