ಕೇವಲ ನಟನೆ ಮಾತ್ರವಲ್ಲ ಬಣ್ಣದ ಜಗತ್ತಿನಲ್ಲಿ ಈ ಕೆಲಸದಿಂದಲೂ ಹುಡುಗಿಯರು ಹೆಚ್ಚು ಸಂಪಾದಿಸಬಹುದು

ಎಡಿಟರ್

ಹೌದು ಎಡಿಟಿಂಗ್ ಅಂದಾಗ ಯಾಕೋ ಕಷ್ಟದ ಹಾಗೂ ಟೆಕ್ನಿಕಲ್ ವರ್ಕ್ ಇರಬಹುದೆಂದು ಹುಡುಗಿಯರು ಹಿಂದೇಟು ಹಾಕಬಹುದು. ಆದ್ರೆ ನೋ ವರಿ ಈಗಾಗಲೇ ಪುರುಷರು ಹೆಚ್ಚು ಟ್ಯಾಲೆಂಟ್ ತೋರಿರುವ ಈ ಫೀಲ್ಡ್‌ನಲ್ಲಿ ಹುಡುಗಿಯರು ಕೂಡಾ ವರ್ಕ್ ಮಾಡಿ ತಾವೂ ಕೂಡಾ ಯಾರಿಗೆ ಕಮ್ಮಿ ಇಲ್ಲ ಎಂದು ಸಾಬೀತುಪಡಿಸಿದ್ದಾರೆ. ಫಿಲ್ಮ್ ಎಡಿಟಿಂಗ್ ಫೀಲ್ಡ್‌ನಲ್ಲಿ ನೀವು ದುಡಿಯಬೇಕು ಎಂದುಕೊಂಡಿದ್ದರೆ, ಎಫ್‌ಟಿಐಐ ಯಿಂದ ಎಡಿಟಿಂಗ್ ಗೆ ಸಂಬಂಧಪಟ್ಟ ಕೋರ್ಸ್ ಪಡೆಯುವುದು ಉತ್ತಮ.

ಬರಹಗಾರ

ಟ್ಯಾಲೇಂಟೆಡ್ ಬರಹಗಾರರಿಗೆ ಟಿವಿ ಕ್ಷೇತ್ರದಲ್ಲಿ ಹೆಚ್ಚಿನ ಬೇಡಿಕೆ ಇದೆ. ನಿಮಗೆ ಇಮೇಜಿನ್ ಮಾಡಿ ಬರೆಯುವ ಕಲೆ ತಿಳಿದಿದ್ದರೆ, ನೀವು ಇಲ್ಲಿ ಹೆಚ್ಚಿನ ದುಡ್ಡು ಸಂಪಾದಿಸಬಹುದು.

ಕ್ರಿಯೇಟೀವ್ ಹೆಡ್

ಸ್ಕ್ರಿಪ್ಟಿಂಗ್, ಪ್ರೊಡಕ್ಷನ್, ಡಿಸೈನಿಂಗ್, ಲಾಜಿಸ್ಟಿಕ್, ಕಾಸ್ಟಿಂಗ್ ಸೇರಿದಂತೆ ಬಣ್ಣದ ಜಗತ್ತಿಗೆ ಸಂಬಂಧಪಟ್ಟ ವಿವಿಧ ವಿಭಾಗಗಳಲ್ಲಿ ಕೆಲಸ ಮಾಡಿ ತಿಳಿದಿರುವ ಅಭ್ಯರ್ಥಿಗಳಿಗೆ ಟಿವಿ ಶೋಗಳಲ್ಲಿ ಹೆಚ್ಚಿನ ಉದ್ಯೋಗವಕಾಶವಿರುತ್ತದೆ. ಇನ್ನು ಮಹಿಳೆಯರಂತೂ ಮಲ್ಟಿಟಾಸ್ಕ್ ವಿಚಾರದಲ್ಲಿ ಎತ್ತಿದ ಕೈ. ಹಾಗಾಗಿ ಕ್ರಿಯೇಟಿವ್ ಹೆಡ್ ಪೋಸ್ಟ್‌ ನಲ್ಲಿ ಹೆಚ್ಚಾಗಿ ಹುಡುಗಿಯರೇ ಇರುತ್ತಾರೆ.

ಎಕ್ಸ್‌ಕ್ಯುಟೀವ್ ಪ್ರೊಡ್ಯುಸರ್

ಈ ಹುದ್ದೆ ಕ್ರಿಯೇಟಿವ್ ಹುದ್ದೆಗೆ ಹತ್ತಿರದ ಹುದ್ದೆಯಾಗಿರುತ್ತದೆ. ಇನ್ನು ಈ ಹುದ್ದೆಗೆ ಸಂಬಂಧಪಟ್ಟ ಕೋರ್ಸ್ ಗಳು ಕೂಡಾ ಇವೆ. ಫ್ರೀಲೈನ್ಸ್ ಆಗಿ ನೀವು ದುಡಿಯಬಹುದು ಇಲ್ಲ ಪ್ರೊಡಕ್ಷನ್ ಹೌಸ್‌ನಲ್ಲಿಯೂ ಕೆಲಸ ಮಾಡಬಹುದು. ಫಿಲ್ಮ್ ಮೇಕಿಂಗ್ ಕೋರ್ಸ್ ನೀವು ಮಾಡಿದ್ದರೆ, ನಿಮಗೆ ಈ ಹುದ್ದೆ ಬೆಸ್ಟ್. ಇಲ್ಲಂದ್ರೆ ಈಗಾಗಲೇ ಈ ವೃತ್ತಿ ಮಾಡಿಕೊಂಡಿರುವವರ ಸಹಾಯ ಪಡೆದು ನೀವು ಕಲಿತುಕೊಳ್ಳಬಹುದು.

ಡ್ರೆಸ್ ಡಿಸೈನರ್ ಹಾಗೂ ಮೇಕಪ್ ಆರ್ಟಿಸ್ಟ್

ನಿಮ್ಮ ಲುಕ್ ಶೋನಲ್ಲಿ ಹೇಗೆ ಕಂಡ್ರೆ ಚೆನ್ನ ಎಂದು ಪುರುಷನಿಗಿಂತ ಮಹಿಳೆ ಚೆನ್ನಾಗಿ ಹೇಳಬಲ್ಲಳು. ಹಾಗಾಗಿ ಡ್ರೆಸ್ ಡಿಸೈನರ್ ಹಾಗೂ ಮೇಕಪ್ ಆರ್ಟಿಸ್ಟ್ ಆಗಿ ಮಹಿಳೆಯರಿಗೆ ಹೆಚ್ಚಿನ ಬೇಡಿಕೆ ಇದೆ. ಈ ಹಿಂದೆಲ್ಲಾ ಪುರುಷನೇ ಈ ಕ್ಷೇತ್ರವನ್ನ ನಿಭಾಯಿಸುತ್ತಿದ್ದ. ಆದ್ರೆ ಇದೀಗ ಮಹಿಳೆ ಕೂಡಾ ಈ ಕ್ಷೇತ್ರದಲ್ಲಿ ಮಿಂಚಲಾರಂಭಿಸಿದ್ದಾಳೆ.