Famous Yoga Gurus Of India : ಭಾರತದ ಪ್ರಸಿದ್ಧ ಯೋಗ ಗುರುಗಳ ಪಟ್ಟಿ ಇಲ್ಲಿದೆ

ಭಾರತದ ಪ್ರಸಿದ್ಧ ಯೋಗ ಗುರುಗಳ ಪಟ್ಟಿ

2014 ರ ಸೆಪ್ಟೆಂಬರ್‌ನಲ್ಲಿ ಯುಎನ್‌ಜಿಎದಲ್ಲಿ ಮಾಡಿದ ಭಾಷಣದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಅಂತಾರಾಷ್ಟ್ರೀಯ ಯೋಗದ ಪರಿಕಲ್ಪನೆಯ ಮೂಲವನ್ನು ಹಾಕಿದರು. ಈ ಆರಂಭಿಕ ಪ್ರಸ್ತಾಪದ ನಂತರ ಯುಎನ್‌ಜಿಎ ಕರಡು ನಿರ್ಣಯದ ಬಗ್ಗೆ ಅನೌಪಚಾರಿಕ ಸಮಾಲೋಚನೆ ನಡೆಸಿತು. ತದನಂತರದಲ್ಲಿ ಜೂನ್ 21 ಅನ್ನು ಅಂತ ರಾಷ್ಟ್ರೀಯ ಯೋಗ ದಿನವನ್ನಾಗಿ ಘೋಷಿಸಲಾಯಿತು. ತದನಂತರ ಪ್ರತಿ ವರ್ಷ ಜೂನ್ 21 ರಂದು ಅಂತರಾಷ್ಟ್ರೀಯ ಯೋಗ ದಿನವನ್ನು ಆಚರಿಸಲಾಗುತ್ತದೆ. ಈ ಸಂದರ್ಭದಲ್ಲಿ ಭಾರತದಲ್ಲಿ ಪ್ರಸಿದ್ಧಿ ಹೊಂದಿದ ಯೋಗ ಗುರುಗಳ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ.

 

ತಿರುಮಲೈ ಕೃಷ್ಣಮಾಚಾರ್ಯ (1888-1989) :

ತಿರುಮಲೈ ಕೃಷ್ಣಮಾಚಾರ್ಯ (1888-1989) :

ತಿರುಮಲೈ ಕೃಷ್ಣಮಾಚಾರ್ಯರನ್ನು ‘ಆಧುನಿಕ ಯೋಗದ ಪಿತಾಮಹ' ಎಂದು ಕರೆಯಲಾಗುತ್ತದೆ. ಅವರು ಭಾರತೀಯ ಆಯುರ್ವೇದ ವೈದ್ಯರು, ವಿದ್ವಾಂಸರು ಮತ್ತು ಯೋಗ ಶಿಕ್ಷಕರಾಗಿದ್ದರು. ಅವರು ಉಸಿರಾಟ ಮತ್ತು ಚಲನೆಯನ್ನು ಸಂಯೋಜಿಸಿ ಹಠ ಯೋಗವನ್ನು ಅಭಿವೃದ್ಧಿಪಡಿಸಿದರು. ಅವರ ಬೋಧನಾ ಶೈಲಿಗಳು ಪತಂಜಲಿ ಯೋಗ ಸೂತ್ರವನ್ನು ಆಧರಿಸಿವೆ ಮತ್ತು ಅವರ ಶಿಷ್ಯರು ಕೂಡ ನಿಜವಾಗಿಯೂ ಪ್ರಭಾವಶಾಲಿ ಯೋಗ ಶಿಕ್ಷಕರಾದರು. ಯೋಗವು ಆಧ್ಯಾತ್ಮಿಕ ಮತ್ತು ದೈಹಿಕ ಗುಣಪಡಿಸುವ ಅಭ್ಯಾಸವಾಗಿ ಅಸ್ತಿತ್ವದಲ್ಲಿದೆ ಮತ್ತು ಪ್ರತಿಯೊಬ್ಬ ವ್ಯಕ್ತಿಯು ಯೋಗದ ವಿಭಿನ್ನ ಮಾರ್ಗಗಳಲ್ಲಿ ನಡೆಯುತ್ತಾನೆ ಎಂದು ಅವರು ನಂಬಿದ್ದರು.

ಸ್ವಾಮಿ ಶಿವಾನಂದ ಸರಸ್ವತಿ (1887-1963):

ಸ್ವಾಮಿ ಶಿವಾನಂದ ಸರಸ್ವತಿ (1887-1963):

ಯೋಗ ಪ್ರಪಂಚದಲ್ಲಿ ಪ್ರಸಿದ್ಧ ಹೆಸರು ಸ್ವಾಮಿ ಶಿವಾನಂದ ಸರಸ್ವತಿ. ಅವರು ದಕ್ಷಿಣ ಭಾರತದ ತಮಿಳುನಾಡಿನಲ್ಲಿ ಜನಿಸಿದರು. ಅವರು ವೈದ್ಯರು ಮತ್ತು ಆಧ್ಯಾತ್ಮಿಗಳಾಗಿದ್ದರು, ಅವರ 40 ನೇ ವಯಸ್ಸಿನಲ್ಲಿ ತನ್ನೆಲ್ಲಾ ಸೇವೆಗಳನ್ನು ತೊರೆದು ಯೋಗವನ್ನು ಜನರಿಗೆ ಹರಡುವ ಮತ್ತು ಸೇವೆ ಸಲ್ಲಿಸಲು ರಿಶಿಕೇಶಕ್ಕೆ ಹೋದರು. ಅವರು ರಿಶಿಕೇಶದಲ್ಲಿ ಸ್ವಯಂ ಸಾಕ್ಷಾತ್ಕಾರವನ್ನು ಪಡೆದು ಯೋಗ ಮತ್ತು ಧ್ಯಾನವನ್ನು ಕಟ್ಟುನಿಟ್ಟಾಗಿ ಅಭ್ಯಾಸ ಮಾಡಿದರು. ಡಿವೈನ್ ಲೈಫ್ ಸೊಸೈಟಿಯನ್ನು ಕೂಡ ಸ್ಥಾಪಿಸಿದರು ಇದು ಶಿವಾನಂದ ಆಶ್ರಮ ಎಂದು ಜನಪ್ರಿಯವಾಗಿದೆ.

ಶ್ರೀ ಕೆ, ಪಟ್ಟಾಭಿ ಜೋಯಿಸ್ (1915-2009) :
 

ಶ್ರೀ ಕೆ, ಪಟ್ಟಾಭಿ ಜೋಯಿಸ್ (1915-2009) :

ಯೋಗ ಜಗತ್ತಿನಲ್ಲಿ ಗುರುತಿಸಲ್ಪಟ್ಟ ಮತ್ತೊಂದು ಹೆಸರೇ ಶ್ರೀ ಕೆ, ಪಟ್ಟಾಭಿ ಜೋಯಿಸ್. ಜೋಯಿಸ್ ಅವರು ಅಷ್ಟಾಂಗ ಯೋಗವನ್ನು (ಮೈಸೂರು ಯೋಗ) ಅಭಿವೃದ್ಧಿಪಡಿಸಲು ಸಹಾಯ ಮಾಡಿದವರು. ಅವರು ಭಾರತೀಯ ಪ್ರಾಧ್ಯಾಪಕರು ಮತ್ತು ಯೋಗ ಶಿಕ್ಷಕರಾಗಿದ್ದರು. ಯಾವಾಗಲೂ ಸಂಸ್ಕೃತ, ಹಿಂದೂ ಆಚರಣೆಗಳು ಮತ್ತು ಯೋಗದ ಬಗ್ಗೆ ಆರಂಭಿಕ ಆಸಕ್ತಿಯನ್ನು ತೋರಿಸಿದ್ದವರು. ಅವುಗಳ ಅಧ್ಯಯನಕ್ಕಾಗಿ ಅವರು ತಮ್ಮ ಮನೆಯನ್ನು ತೊರೆದು ಹೋದರು.

ಅವರು ಕೃಷ್ಣಮಾಚಾರ್ಯರ ಅಡಿಯಲ್ಲಿ ಅಧ್ಯಯನ ಮಾಡಿದರು ಮತ್ತು ಅವರಿಗೆ ಸಹಕರಿಸಿದರು. ಸರ್ಕಾರಿ ಕಾಲೇಜಿನಲ್ಲಿ ಯೋಗದ ಗೌರವ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದರು. ಅವರು ಪ್ರಭಾವಿ ಯೋಗಿಯಾಗಿದ್ದರು, ಅವರ ನಂತರ ಅವರ ಪತ್ನಿ ಮತ್ತು ಮೂವರು ಮಕ್ಕಳು ಸಹ ಪ್ರಪಂಚದಾದ್ಯಂತ ಯೋಗವನ್ನು ಕಲಿಸಿದರು.

ಬಿ.ಕೆ.ಎಸ್. ಅಯ್ಯಂಗಾರ್ (1918-2014):

ಬಿ.ಕೆ.ಎಸ್. ಅಯ್ಯಂಗಾರ್ (1918-2014):

ಬೆಲ್ಲೂರ್ ಕೃಷ್ಣಮಾಚಾರ್ ಸುಂದರರಾಜ ಅಯ್ಯಂಗಾರ್ ಅಥವಾ ಬಿ.ಕೆ.ಎಸ್. ಅಯ್ಯಂಗಾರ್ ಯೋಗದಲ್ಲಿ ಪ್ರಸಿದ್ಧ ಹೆಸರು ಹೊಂದಿದವರು. ಮತ್ತು ಇವರು ಅಯ್ಯಂಗಾರ್ ಯೋಗದ ಸ್ಥಾಪಕರಾಗಿದ್ದರು. ಪಶ್ಚಿಮದಲ್ಲಿ ಹಠ ಯೋಗವನ್ನು ಹರಡುವ ಮತ್ತು ಜನಪ್ರಿಯಗೊಳಿಸುವಲ್ಲಿ ಅವರು ಮಹತ್ವದ ಪಾತ್ರ ವಹಿಸಿದ್ದಾರೆ. ಅವರ ಅಪಾರ ಕೊಡುಗೆಯಿಂದಾಗಿ ಅವರನ್ನು ವಿಶ್ವದಾದ್ಯಂತ ಅತ್ಯಂತ ಪ್ರತಿಷ್ಠಿತ ಯೋಗ ಶಿಕ್ಷಕರಲ್ಲಿ ಒಬ್ಬರೆಂದು ಪರಿಗಣಿಸಲಾಗಿದೆ.

ಅವರು ತಮ್ಮ ಸೋದರ ಮಾವ ಶ್ರೀ ತಿರುಮಲೈ ಕೃಷ್ಣಮಾಚಾರ್ಯರಿಂದ ಪ್ರೇರಿತರಾದರು ಮತ್ತು ಅವರ ಆರೋಗ್ಯಕ್ಕಾಗಿ ಯೋಗವನ್ನು ಪ್ರಾರಂಭಿಸಿದರು. ತದನಂತರದಲ್ಲಿ ಅವರು ಯೋಗ ಶಿಕ್ಷಕರಾದರು. ಅವರು ಯೋಗಕ್ಕಾಗಿ ಇನ್ಸ್ಟಿಟ್ಯೂಟ್ ಮತ್ತು ಟ್ರಸ್ಟ್ ಅನ್ನು ಸ್ಥಾಪಿಸಿದರು, ನಂತರದಲ್ಲಿ ಅವರ ಮಕ್ಕಳು ಅವರ ಯೋಗ ಪರಂಪರೆಯನ್ನು ಮುಂದುವರಿಸಿದರು.

ಶ್ವಾಸ ಗುರು ವಚನಾನಂದ:

ಶ್ವಾಸ ಗುರು ವಚನಾನಂದ:

ಸಾಮಾನ್ಯವಾಗಿ ಶ್ವಾಸ ಗುರು ಎಂದು ಕರೆಯಲ್ಪಡುವ ಸ್ವಾಮಿ ವಚಾನಂದ ಅವರು ಯೋಗಿ, ಸಾಮಾಜಿಕ ಕಾರ್ಯಕರ್ತ, ಲೋಕೋಪಕಾರಿ ಮತ್ತು ಭಾರತದಲ್ಲಿರುವ ಕರ್ನಾಟಕದ ಸನ್ಯಾಸಿ. ತನ್ನ ತಂದೆಯ ಕುಟುಂಬದ ಪೂರ್ವಜರ ಪ್ರಮಾಣವಚನದಿಂದಾಗಿ, ಪ್ರತಿ ತಲೆಮಾರಿನ ಒಂದು ಗಂಡು ಮಗುವನ್ನು ಸನ್ಯಾಸದ ಮಡಿಲಿಗೆ ಅರ್ಪಿಸುವ ರೂಢಿಯಿತ್ತು. ಹಾಗಾಗಿ ತನ್ನ ತಾಯಿಯ ಗರ್ಭದಲ್ಲಿದ್ದಾಗ, ಅವರ ತಾಯಿ ಗರ್ಭಭೀಕ್ಷ ಎಂಬ ಪ್ರತಿಜ್ಞೆಯನ್ನು ತೆಗೆದುಕೊಂಡಳು.

8 ವರ್ಷ ವಯಸ್ಸಿನಲ್ಲಿ ಜೀವನ, ಆಧ್ಯಾತ್ಮಿಕತೆ ಮತ್ತು ಯೋಗದ ಜ್ಞಾನವನ್ನು ಪಡೆದುಕೊಂಡು ತಮ್ಮ ಮನೆಯನ್ನು ತೊರೆದರು. 2012 ರಲ್ಲಿ ಅವರು ಸ್ವಾಸಾ ಆಶ್ರಮವನ್ನು ಸ್ಥಾಪಿಸಿದರು. ಇದು ಜಗತ್ತಿನಾದ್ಯಂತ ಸ್ವಾಸ್ಥ್ಯದ ಸಂಪತ್ತನ್ನು ಹರಡಲು ಉದ್ದೇಶಿಸಿದೆ.

ಸ್ವಾಮಿ ಕುವಲಯಾನಂದ:

ಸ್ವಾಮಿ ಕುವಲಯಾನಂದ:

ಸ್ವಾಮಿ ಕುವಲಯಾನಂದರು ಯೋಗದ ಸಂಶೋಧನಾ ವೈಜ್ಞಾನಿಕ ಅಡಿಪಾಯಕ್ಕೆ ಹೆಸರುವಾಸಿಯಾಗಿದ್ದಾರೆ ಮತ್ತು ಆಧುನಿಕ ಯೋಗದ ಮೇಲೆ ಅಗಾಧ ಪ್ರಭಾವ ಬೀರಿದ್ದಾರೆ. ಶ್ರೀ ಅರಬಿಂದೋ ಅವರ ವಿದ್ಯಾರ್ಥಿ ದಿನಗಳಲ್ಲಿ ಅವರು ಬಲವಾಗಿ ಪ್ರಭಾವಿತರಾಗಿದ್ದರು. ವ್ಯಾಯಾಮವಾಗಿ ಯೋಗ ಮಾಡುವುದು ಅವರ ಮೇಲೆ ಹೆಚ್ಚು ಪ್ರಭಾವ ಬೀರಿದೆ. ಹೀಗಾಗಿ ಅವರು ಯೋಗ ಪ್ರಕ್ರಿಯೆಗಳ ಹಿಂದಿನ ವೈಜ್ಞಾನಿಕ ಆಧಾರವನ್ನು ಕಂಡುಹಿಡಿಯಲು ಮುಂದಾದರು. ಇದರಿಂದ ಅವರು ಸಂಶೋಧನಾ ಕೇಂದ್ರವನ್ನು ಸ್ಥಾಪಿಸಲು ಕಾರಣವಾಯಿತು. ಯೋಗ ಮತ್ತು ಯೋಗದ ಬಗ್ಗೆ ವೈಜ್ಞಾನಿಕ ತನಿಖೆಯನ್ನು ಅಧ್ಯಯನ ಮಾಡಲು ಸಂಪೂರ್ಣವಾಗಿ ಮೀಸಲಾದ ಮೊದಲ ಜರ್ನಲ್ ಯೋಗ ಮಿಮಾಮ್ಸಾವನ್ನು ಸಹ ಪ್ರಾರಂಭಿಸಿದರು.

ಮಾತಾಜಿ ನಿರ್ಮಲಾ ದೇವಿ:

ಮಾತಾಜಿ ನಿರ್ಮಲಾ ದೇವಿ:

ನಿರ್ಮಲಾ ಸಾಲ್ವೆ ಶ್ರೀವಾಸ್ತವರಾಗಿ ಜನಿಸಿದ ಮಾತಾಜಿ ನಿರ್ಮಲಾ ದೇವಿಯವರು ಸುಳ್ಳು ಗುರುಗಳಿಂದ ಜನರಿಗೆ ಮತ್ತು ಸಮಾಜಕ್ಕೆ ಆಗುತ್ತಿರುವ ಹಾನಿಯನ್ನು ಸರಿಪಡಿಸಲು ಹೆಜ್ಜೆಯನ್ನು ಇಟ್ಟವರು. ಅವರು ಹೆಚ್ಚು ಧ್ಯಾನವನ್ನು ಮಾಡಿದರು ಹಾಗೆಯೇ ಜನಸಾಮಾನ್ಯರನ್ನು ಪ್ರೇರೇಪಿಸಲು ತನ್ನ ಸ್ವಯಂ-ಅರಿವಿನ ಅನುಭವವನ್ನು ಅವರೊಂದಿಗೆ ಹಂಚಿಕೊಂಡರು. ನಂತರ ಅವರು ಸುಳ್ಳು ಗುರುಗಳ ಬಗ್ಗೆ ಜನರಿಗೆ ಅರಿವು ಮೂಡಿಸಲು ಪಶ್ಚಿಮಕ್ಕೆ ತೆರಳಿದರು ಮತ್ತು ಲಂಡನ್ ಹಿಪ್ಪಿಗಳೊಂದಿಗೆ ಕೆಲಸ ಮಾಡಿದರು ಮತ್ತು ಅವರು ಮೊದಲ ಪಾಶ್ಚಿಮಾತ್ಯ ಸಹಜಾ ಯೋಗಿಗಳಾದರು.

ಬಾಬಾ ರಾಮ್‌ದೇವ್:

ಬಾಬಾ ರಾಮ್‌ದೇವ್:

ರಾಮ್‌ಕಿಶೆನ್ ಯಾದವ್ ಆಗಿ ಜನಿಸಿದ ಬಾಬಾ ರಾಮ್‌ದೇವ್ ಕಳೆದ ಎರಡು ದಶಕಗಳಲ್ಲಿ ಭಾರತ ಮತ್ತು ಪಶ್ಚಿಮದಲ್ಲಿ ಯೋಗದ ಏರಿಕೆಯ ಮೇಲೆ ಪ್ರಭಾವ ಬೀರಿದವರು. ಯೋಗಾಭ್ಯಾಸದ ಪ್ರಯೋಜನಗಳನ್ನು ಅವರು 1995 ರಲ್ಲಿ ತಮ್ಮ ದಿವ್ಯಾ ಯೋಗ ಮಂದಿರ ಟ್ರಸ್ಟ್‌ನಿಂದ ಪ್ರಾರಂಭಿಸಿ, ನಿಧಾನವಾಗಿ ದೂರದರ್ಶನದ ಮೂಲಕ ಯೋಗವನ್ನು ಕಲಿಸಲು ಪ್ರಾರಂಭಿಸಿದರು. ಸೆಲೆಬ್ರಿಟಿಗಳು ಸೇರಿದಂತೆ ಜಗತ್ತಿನಾದ್ಯಂತ ಸಾಕಷ್ಟು ಅನುಯಾಯಿಗಳನ್ನು ಹೊಂದಿದ್ದಾರೆ.

90 ರ ದಶಕದಲ್ಲಿ ಅವರು ಕಂಖಾಲ್‌ನ ಹರಿದ್ವಾರದಲ್ಲಿ ನೆಲೆಸಿದ್ದರು, ಎಲ್ಲರೂ ಯೋಗ ಮತ್ತು ಆಯುರ್ವೇದವನ್ನು ಅಭ್ಯಾಸ ಮಾಡಲು ಉತ್ತೇಜಿಸುವ ನಿಟ್ಟಿನಲ್ಲಿ ಪತಂಜಲಿ ಯೋಗಪೀತ್ ಎಂಬ ಸಂಸ್ಥೆಯನ್ನು ಸ್ಥಾಪಿಸಿದರು. ಇತರ ಸ್ಥಳಗಳಾದ ಯುಕೆ, ಯುಎಸ್, ನೇಪಾಳ, ಕೆನಡಾ ಮತ್ತು ಮಾರಿಷಸ್ ನಲ್ಲಿ ಅವರು ಪತಂಜಲಿ ಆಯುರ್ವೇದವನ್ನು ಸ್ಥಾಪಿಸಿದರು, ಈ ಪ್ರಯತ್ನವು ಅವರನ್ನು ಯೋಗಿ ಉದ್ಯಮಿಗಳನ್ನಾಗಿ ಮಾಡಿತು. ಅವರು ಭಾರತ್ ಸ್ವಾಭಿಮಾನ್ ಎಂಬ ರಾಜಕೀಯ ಪಕ್ಷವನ್ನೂ ಸ್ಥಾಪಿಸಿದರು.

ಮಹರ್ಷಿ ಮಹೇಶ್ ಯೋಗಿ (1918-2008):

ಮಹರ್ಷಿ ಮಹೇಶ್ ಯೋಗಿ (1918-2008):

ಮಹರ್ಷಿ ಮಹೇಶ್ ಯೋಗಿ ಅವರು ಭಾರತ ಗುರು ಮತ್ತು ಯೋಗಿಯಾಗಿದ್ದು, ಅವರು 60 ರ ದಶಕದಲ್ಲಿ ಅತೀಂದ್ರಿಯ ಧ್ಯಾನವನ್ನು ಅಭಿವೃದ್ಧಿಪಡಿಸಿದರು ಮತ್ತು ದಿ ಬೀಟಲ್ಸ್ ಸೇರಿದಂತೆ ಹಲವಾರು ಪಾಶ್ಚಾತ್ಯ ಗಣ್ಯರಿಗೆ ಪ್ರಸಿದ್ಧ ಗುರು. ಸ್ವಾಮಿ ಬ್ರಹ್ಮಾನಂದ ಸರಸ್ವತಿಯ ಶಿಷ್ಯರಾಗಿದ್ದ ಅವರು ಸಮೃದ್ಧ ಬರವಣಿಗೆಗೆ ಪ್ರಸಿದ್ಧರಾಗಿದ್ದರು ಮತ್ತು 20 ಕ್ಕೂ ಹೆಚ್ಚು ಪುಸ್ತಕಗಳು ಮತ್ತು ಹಲವಾರು ನಿಯತಕಾಲಿಕೆ ಲೇಖನಗಳನ್ನು ಬರೆದಿದ್ದಾರೆ. ಅವರು ಯೋಗ ಮತ್ತು ಧ್ಯಾನಕ್ಕೆ ಸಂಬಂಧಿಸಿದ ಅತ್ಯಂತ ಪ್ರಸಿದ್ಧರಲ್ಲಿ ಒಬ್ಬರಾಗಿದ್ದಾರೆ. ಅವರು ಯೋಗ, ಧ್ಯಾನ ಮತ್ತು ಯೋಗ ಪಠಣಗಳ ಪ್ರಯೋಜನಗಳ ಬಗ್ಗೆ ವೈಜ್ಞಾನಿಕ ಅಧ್ಯಯನಗಳನ್ನು ಪ್ರೋತ್ಸಾಹಿಸಿದವರು.

ಸದ್ಗುರು ಜಗ್ಗಿ ವಾಸುದೇವ್:

ಸದ್ಗುರು ಜಗ್ಗಿ ವಾಸುದೇವ್:

ಇಶಾ ಫೌಂಡೇಶನ್‌ನ ಸ್ಥಾಪಕ ಸದ್ಗುರು ಜಗ್ಗಿ ವಾಸುದೇವ್ ಜ್ಞಾನ, ಯೋಗ ಮತ್ತು ಆಧ್ಯಾತ್ಮಿಕತೆಯಲ್ಲಿ ಹೆಚ್ಚು ತೊಡಗಿಕೊಂಡವರು. ವೈವಿಧ್ಯಮಯ ಕಾರ್ಯಕ್ರಮಗಳನ್ನು ಮಾಡುವ ಮೂಲಕ ಜನರಿಗೆ ಸಹಾಯ ಮಾಡುತ್ತಾ ಬಂದಿದ್ದಾರೆ.

For Quick Alerts
ALLOW NOTIFICATIONS  
For Daily Alerts

English summary
International yoga day is on june 21. Here is the list of famous yoga gurus of india.
--Or--
Select a Field of Study
Select a Course
Select UPSC Exam
Select IBPS Exam
Select Entrance Exam
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X