ಶಾಲೆ ವರ್ಸಸ್ ಕಾಲೇಜು... ಯಾವುದು ಬೆಸ್ಟ್!

ಶಾಲೆ ಹಾಗೂ ಕಾಲೇಜು ಎಂಬುವುದು ಬರೀ ಶಿಕ್ಷಣ ನೀಡುವ ಸಂಸ್ಥೆಯಲ್ಲ. ಬದಲಿಗೆ ಶಾಲೆ ಹಾಗೂ ಕಾಲೇಜು ದಿನಗಳು ನಮ್ಮ ಜೀವನದಲ್ಲಿ ತುಂಬಾ ಪ್ರಮುಖವಾದ ಘಟ್ಟ. ನೀವು ಈ ಎರಡ ಜತೆಯೂ ಭಾವನಾತ್ಮಕವಾಗಿ ಸಂಬಂಧಹೊಂದಿರುತ್ತೀರಿ. ಈ ಎರಡೂ ಘಟ್ಟಗಳು ವಿದ್ಯಾರ್ಥಿಗಳಿಗೆ ವಿಭಿನ್ನ ಅನುಭವ ನೀಡುತ್ತದೆ.

ಕಾಲೇಜು ಎಂಬುವುದು ನಮ್ಮ ಜೀವನದ ಅದ್ಭುತ ಕ್ಷಣ. ಹಾಗಾಗಿ ಯಂಗ್ ಸ್ಟರ್ಸ್ ಗಳು ಕಾಲೇಜಿಗೆ ಕಾಲಿಡುತ್ತಿದ್ದಂತೆ ಏನೇನೋ ನಿರೀಕ್ಷೆಯನ್ನ ಇಟ್ಟುಕೊಂಡು ಕಾಲಿಡುತ್ತಿದ್ದಾರೆ.ಆದ್ರೆ ಈಗ ಪ್ರಶ್ನೆ ಏನಂದ್ರೆ ಈ ಎರಡರಲ್ಲಿ ಯಾವ ದಿನಗಳು ಬೆಸ್ಟ್ ದಿನಗಳು ಎಂದು. ಇದರ ಉತ್ತರ ವ್ಯಕ್ತಿಯಿಂದ ವ್ಯಕ್ತಿಗೆ ವಿಭಿನ್ನವಾಗಿದೆ. ಇದೀಗ ಕೆರಿಯರ್ ಇಂಡಿಯಾ ಇದೆರಡನ್ನೂ ಕೂಡಾ ಹೋಲಿಸಿ ಯಾವುದು ಬೆಸ್ಟ್ ಎಂಬ ಮಾಹಿತಿ ನೀಡುತ್ತಿದೆ ಮುಂದಕ್ಕೆ ಓದಿ.

ಬೆಳಗ್ಗೆ ಎದ್ದೇಳುವ ಸಮಯ:

ಶಾಲಾದಿನಗಳಲ್ಲಿ ಬೆಳಗ್ಗೆ 6.05 ಗಂಟೆಗೆ ಎದ್ದರೂ ಕೂಡಾ ಅದು ತಡವೇ ಆಗಿರುತ್ತದೆ ಹಾಗೆಯೇ ಕಾಲೇಜು ದಿನಗಳಲ್ಲಿ ನೀವು ಬೆಳಗ್ಗೆ 11.00 ಗಂಟೆಗೆ ಎದ್ದರೂ ಅದು ಬೇಗನೇ ಎಂದೆನಿಸಿಕೊಳ್ಳುತ್ತದೆ.

ಡ್ರೆಸ್ ಕೋಡ್:

ನೀವು ನಿಮ್ಮ ಬಾಲ್ಯದ ಹೆಚ್ಚಿನ ದಿನವನ್ನ ಯೂನಿಫಾರ್ಮ್ ಅಲ್ಲಿಯೇ ಕಳೆದಿರುತ್ತೀರಿ. ಆದ್ರೆ ಕಾಲೇಜು ಲೈಫ್ ಡಿಫರೆಂಟ್. ಇಲ್ಲಿ ಕಲರ್ ಉಡುಗೆ ಧರಿಸಲು ಅವಕಾಶ ಇರುವುದರಿಂದ ನೀವು ಪ್ರತೀ ದಿನ ಹೊಸತಾಗಿ ಏನು ಧರಿಸುವುದು ಎಂದು ಚಿಂತಿಸುತ್ತಾ ಇರುತ್ತೀರಿ.

ನಿಯಮಗಳು:

ಶಾಲಾ ದಿನಗಳಲ್ಲಿ ತರಗತಿಯಲ್ಲಿ ಕದ್ದು ಮುಚ್ಚಿ ಟಿಫಿನ್ ಬಾಕ್ಸ್ ತಿಂದ್ರೆ ಅದು ದೊಡ್ಡ ತಪ್ಪು, ಆದ್ರೆ ಕಾಲೇಜುದಿನಗಳಲ್ಲಿ ಕ್ಯಾಂಪಸ್ ನಲ್ಲೇ ಪಾರ್ಟಿ ಮಾಡಿಕೊಂಡು ತಿಂದು ತೇಗುತ್ತಾರೆ.

ರಜೆ:

ಶಾಲಾ ದಿನಗಳಲ್ಲಿ ಫ್ಯಾಮಿಲಿ ಟೂರ್ ಎಂಬುವುದು ಬೆಸ್ಟ್ ವಿಚಾರ. ಆದ್ರೆ ಕಾಲೇಜು ದಿನಗಳಲ್ಲಿ ಇಂಟರ್ನ್ ಶಿಪ್ ಎಂಬುವುದು ರಜೆಯನ್ನ ತಿಂದು ಬಿಡುತ್ತದೆ.

ಹಾಜರಾತಿ:

ಶಾಲೆಗಳಲ್ಲಿ ಪ್ರತಿಯೊಬ್ಬ ವಿದ್ಯಾರ್ಥಿಯೂ 100 ಕ್ಕೆ 100 ಹಾಜರಾತಿ ಗಳಿಸಿ ಟ್ರೋಫಿ ತಮ್ಮದಾಗಿಸಿಕೊಳ್ಳಲು ಬಯಸುತ್ತಾರೆ. ಅದೇ ರೀತಿ ಕಾಲೇಜು ದಿನಗಳಲ್ಲಿ ರಜೆಗಾಗಿಯೇ ಅದೆಷ್ಟೋ ಫೇಕ್ ಮೆಡಿಕಲ್ ಸರ್ಟಿಫಿಕೇಟ್ ಗಳು ಕಾಲೇಜಿಗೆ ಸಬ್‌ಮಿಟ್ ಆಗುತ್ತದೆ.

ಜೀವನದ ಗುರಿ:

ಇನ್ನು ಶಾಲಾದಿನಗಳಲ್ಲಿ ನಾವು ಹೆತ್ತವರಿಗೆ ಹೆಮ್ಮೆ ತರವಂತಹ ಕೆಲಸಗಳನ್ನೇ ಮಾಡುತ್ತೇವೆ. ಆದ್ರೆ ಕಾಲೇಜು ದಿನಗಳಲ್ಲಿ ಇವೆಲ್ಲಾ ಬರೀ ಫಿಲೋಸಫಿಗಳಾಗಿರುತ್ತದೆ.

ಬ್ಯಾಗ್:

ಶಾಲಾ ಬ್ಯಾಗ್‌ಗಳು ಕಡಿಮೆ ಅಂದ್ರೂ 100 ಕೆಜಿ ತೂಕವಿರುತ್ತದೆ. ಆದ್ರೆ ಕಾಲೇಜು ಲೈಫ್ ನಲ್ಲಿ ಬರೀ ಒಂದು ನೋಟ್ ಬುಕ್ ನಲ್ಲಿ ಎಲ್ಲಾ ಸೆಮಿಸ್ಟರ್ ಕಂಪ್ಲೀಟ್ ಮಾಡುತ್ತಾರೆ ವಿದ್ಯಾರ್ಥಿಗಳು.

ಅಂಕಗಳು:

ಶಾಲಾ ದಿನಗಳಲ್ಲಿ ಕಡಿಮೆ ಅಂದ್ರೂ ಶೇ.90 ರಷ್ಟು ಅಂಕಗಳಿಸುತ್ತಾರೆ ವಿದ್ಯಾರ್ಥಿಗಳು, ಅದೇ ಕಾಲೇಜು ಮೆಟ್ಟಿಲು ಹತ್ತಿದ ನಂತರ ವಿದ್ಯಾರ್ಥಿಗಳಿಗೆ ಜಸ್ಟ್ ಪಾಸಾದ್ರೆ ಸಾಕು ಪಾರ್ಟಿ ಮಾಡುತ್ತಾರೆ

ಸಮಯ:

ಶಾಲೆಗಳಿಗೆ ಹೋಗುವಾಗ ಸಮಯವನ್ನ ಕಡ್ಡಾಯವಾಗಿ ಫಾಲೋ ಮಾಡಬೇಕು ಅದೇ ರೀತಿ ಕಾಲೇಜುದಿನಗಳಲ್ಲಿ ನೀವು ಲೇಟ್ ಆದ್ರೆ ಫಸ್ಟ್ ಕ್ಲಾಸ್ ಬಂಕ್ ಆಗುತ್ತೆ ಅಷ್ಟೇ ಕೂಲ್.

ಸ್ನೇಹಿತರು:

ಶಾಲೆಗಳಲ್ಲಿ ಬರೀ ತನ್ನ ಕ್ಲಾಸ್ ನ ವಿದ್ಯಾರ್ಥಿಗಳು ಮಾತ್ರ ಸ್ನೇಹಿತರು ಎಂದು ಬಿಂಬಿತವಾಗುತ್ತಿತ್ತು ಆದ್ರೆ ಕಾಲೇಜು ದಿನಗಳಲ್ಲಿ ಹಾಗಲ್ಲ ಬದಲಿಗೆ ಗಲ್ಲಿ ಗಲ್ಲಿಯಲ್ಲೂ ಸ್ನೇಹಿತರು ಇರುತ್ತಾರೆ