ಈ ಮಾತುಗಳನ್ನ ನೀವು ಬಾಸ್ ಮುಂದೆ ಹೇಳಿ ನೋಡಿ ಆಮೇಲೆ ನೀವು ಕೇಳಿದ್ದಕ್ಕೆಲ್ಲಾ ಗ್ರೀನ್ ಸಿಗ್ನಲ್!

ನನ್ನ ಬಳಿ ಪರಿಹಾರ (ಸೊಲ್ಯುಶನ್ ) ಇದೆ

ಪ್ರತೀ ದಿನ ಬಾಸ್ ವರ್ಕರ್ಸ್ ಗಳಿಂದ ತುಂಬಾ ಸಮಸ್ಯೆಗಳನ್ನ ಆಲಿಸುತ್ತಾ ಇರುತ್ತಾರೆ. ಅವರ ಬಳಿ ಸಮಸ್ಯೆಗಳನ್ನ ಹೇಳುವವರೇ ಹೆಚ್ಚು ಮಂದಿ ಇರುತ್ತಾರೆ. ಆದ್ರೆ ಅವರು ಯಾರು ಸೊಲ್ಯುಶನ್ ತರುತ್ತಾರೆ ಎಂದು ನಿರೀಕ್ಷಿಸುತ್ತಾ ಇರುತ್ತಾರೆ. ಬಾಸ್ ಗಮನ ನಿಮ್ಮತ್ತ ಸೆಳೆಯಬೇಕಾದ್ರೆ ಇದು ಬೆಸ್ಟ್ ವಿಧಾನ. ಸಿಂಪಲ್ ಆದ ಸೊಲ್ಯುಶನ್ ಇದ್ರೆ ಬಾಸ್ ಬಳಿ ಹೇಳಿಕೊಳ್ಳಿ. ಇದರಿಂದ ಬಾಸ್ ಫುಲ್ ಖುಶ್ ಆಗುತ್ತಾರೆ.

ನಾನು ಹೊಣೆ ಹೊತ್ತುಕೊಳ್ಳುತ್ತೇನೆ

ಆಫೀಸ್‌ನಲ್ಲಿ ಪ್ರತಿಯೊಬ್ಬರು ತಪ್ಪುಗಳನ್ನ ಮಾಡುತ್ತಾರೆ. ಹಾಗಾಗಿ ತಪ್ಪು ಮಾಡಿದಾಗ ಇನ್ಯಾರೋ ಅದನ್ನ ಬಾಸ್ ಗೆ ತಿಳಿಸುವ ಮುನ್ನ ನಾವೇ ಬಾಸ್ ಬಳಿ ಹೋಗಿ ತಪ್ಪಾಗಿದೆ.. ಅದಕ್ಕೆ ನಾನೇ ಹೊಣೆ. ನಾನೇ ಆ ತಪ್ಪನ್ನ ಸರಿಪಡಿಸಿಕೊಳ್ಳುತ್ತೇನೆ ಎಂದು ಹೇಳಿ. ಅಷ್ಟೇ ಅಲ್ಲ ಆ ತಪ್ಪಾಗಲು ಕಾರಣವೇನು ಎಂದು ಕೂಡಾ ತಿಳಿಸಿ. ಇನ್ನೂ ಆ ತಪ್ಪು ಆಗದಂತೆ ನೋಡಿಕೊಳ್ಳುವುದಾಗಿಯೂ ತಿಳಿಸಿ. ಬಾಸ್ ನೀವು ತಪ್ಪು ಮಾಡಿದಾಗ ನಿಮ್ಮಿಂದ ಈ ಮೇಲಿನ ಮಾತುಗಳನ್ನ ಕೇಳಲು ಇಚ್ಛಿಸುತ್ತಾರೆ.

ಇದನ್ನ ನಾನು ಮಾಡುತ್ತೇನೆ

ವಿಶೇಷವಾಗಿ ಯಾವಾಗ ನೀವು ಹೆಚ್ಚು ಒತ್ತಡದ ಸ್ಥಾನದ ಹುದ್ದೆಯಲ್ಲಿ ಇರುತ್ತೀರೋ ಆವಾಗ ಇನ್ನೂ ಹೆಚ್ಚಿನ ಜವಬ್ದಾರಿ ತೆಗೆದುಕೊಳ್ಳಲು ನೀವು ಸಿದ್ಧರಿರುವುದಿಲ್ಲ. ಆದ್ರೆ ನೀವು ಇನ್ನೊಂದು ಆಂಗಲ್ ನಿಂದ ಅದನ್ನ ನೋಡಿ. ಅದು ನಿಮ್ಮ ಟ್ಯಾಲೆಂಟ್ ತೋರಿಸಲು ನಿಮಗೆ ಸಿಕ್ಕಿರುವ ಒಂದು ಅವಕಾಶ ಎಂದು ತಿಳಿದುಕೊಳ್ಳಿ. ಹೌದು ಇದು ಎಕ್ಸ್‌ಟ್ರಾ ವರ್ಕ್ ಆಗುತ್ತೆ ಆದ್ರೂ ಈ ಟೈಂನಲ್ಲಿ ನೀವು ಎಸ್ ನಾನು ಇದನ್ನ ಮಾಡುತ್ತೇನೆ ಎಂದು ಹೇಳಬೇಕೆಂದು ಬಾಸ್ ನಿಮ್ಮಿಂದ ಬಯಸುತ್ತಾರೆ.

ನಾನು ಸಹಾಯ ಮಾಡಲೇ

ನಿಮ್ಮ ಸಹದ್ಯೋಗಿಗಳು ಏನಾದ್ರೂ ವರ್ಕ್ ವಿಚಾರದಲ್ಲಿ ಸ್ಟಕ್ ಆದಾಗ ನೀವು ಅವರಿಗೆ ಸಹಾಯ ಮಾಡಿ. ಇದರಿಂದ ಅವರು ಮಾತ್ರವಲ್ಲದೇ ನಿಮ್ಮ ಬಾಸ್ ಕೂಡಾ ನಿಮ್ಮ ಬಗ್ಗೆ ಹೆಮ್ಮೆ ಪಡುತ್ತಾರೆ.

ನನ್ನ ಬಳಿ ಐಡಿಯಾ ಇದೆ

ವರ್ಕ್ ಗೆ ಸಂಬಂಧಪಟ್ಟಂತೆ ಏನಾದ್ರೂ ಸಮಸ್ಯೆ ತಲೆದೋರಿದಾಗ ಯಾರು ನನ್ನ ಬಳಿ ಐಡಿಯಾ ಇದೆ ಎಂದು ಹೇಳಿ ಬರುತ್ತಾರೋ ಅವರು ಬಾಸ್ ನ ನೆಚ್ಚಿನ ಎಂಪ್ಲಾಯ್ ಆಗಿರುತ್ತಾರೆ. ಸಮಸ್ಯೆ ತಲೆದೋರಿದ್ದ ಸಂದರ್ಭದಲ್ಲಿ ಬಾಸ್ ನಿಮ್ಮಿಂದ ಈ ಮಾತನ್ನ ನಿರೀಕ್ಷಿಸುತ್ತಾರೆ.