ಅಖಿಲ ಭಾರತ ಬಾನುಲಿ ಕೇಂದ್ರ (AIR) ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ನಡೆಸುತ್ತಿರುವ ಅಭ್ಯರ್ಥಿಗಳಿಗಾಗಿ ಸಾಪ್ತಾಹಿಕ ಸಂವಾದಾತ್ಮಕ ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ. ಪ್ರತಿ ಶನಿವಾರದಂದು ಈ ಕಾರ್ಯಕ್ರಮವು ಪ್ರಸಾರವಾಗಲಿದ್ದು, ವಿದ್ಯಾರ್ಥಿಗಳು ಮತ್ತು ಉದ್ಯೋಗಾಕಾಂಕ್ಷಿಗಳಿಗೆ ವಿವಿಧ ಪರೀಕ್ಷೆಗಳಿಗೆ ತಯಾರಿ ನಡೆಸಲು ಸಹಾಯ ಮಾಡುವ ಗುರಿಯನ್ನು ಹೊಂದಿದೆ.
ಅಖಿಲ ಭಾರತ ಬಾನುಲಿ ಕೇಂದ್ರ ಪ್ರಸಾರ ಮಾಡುವ 30 ನಿಮಿಷಗಳ ಈ ಕಾರ್ಯಕ್ರಮವನ್ನು ಹಿಂದಿಯಲ್ಲಿ 'ಅಭ್ಯಾಸ್' ಎಂದು ಹೆಸರಿಸಲಾಗಿದೆ. ಇಂಗ್ಲಿಷ್ನಲ್ಲಿ ಇದರರ್ಥ 'ಅಭ್ಯಾಸ' ಮತ್ತು ಈ ಕಾರ್ಯಕ್ರಮವನ್ನು ಪ್ರತಿ ವಾರ 100.1 FM ಗೋಲ್ಡ್ ನಲ್ಲಿ ರಾತ್ರಿ 9:30 ರಿಂದ 10:00 ರವರೆಗೆ ಪ್ರಸಾರ ಮಾಡಲಾಗುತ್ತಿದೆ. ಕಾರ್ಯಕ್ರಮದ ಮೊದಲ ಸಂಚಿಕೆಯು ಏಪ್ರಿಲ್ 2 ರಂದು ಪ್ರಸಾರಗೊಂಡಿದೆ. ಮೊದಲ ಎಪಿಸೋಡ್ ನಲ್ಲಿ ಆಧುನಿಕ ಇತಿಹಾಸದ ಬಗ್ಗೆ ಪ್ರಸಾರ ಮಾಡಲಾಗಿದೆ ಎಂದು AIR ನ ಸುದ್ದಿ ಸೇವೆಗಳ ವಿಭಾಗದವರು ಮಾಹಿತಿ ನೀಡಿದ್ದಾರೆ.
ಕಾರ್ಯಕ್ರಮ ವೀಕ್ಷಿಸುವುದು ಹೇಗೆ ?:
ಸ್ಪರ್ಧಾತ್ಮಕ ಪರೀಕ್ಷೆ ಮತ್ತು ವಿವಿಧ ಪರೀಕ್ಷೆಗಳ ತಯಾರಿಗಾಗಿ AIR ನ ಸಾಪ್ತಾಹಿಕ ಸಂವಾದಾತ್ಮಕ ಕಾರ್ಯಕ್ರಮವನ್ನು ವೀಕ್ಷಿಸಲು ಅಭ್ಯರ್ಥಿಗಳು AIR ನ Twitter ಹ್ಯಾಂಡಲ್ '@airnewsalerts' ಅಥವಾ YouTube ಚಾನೆಲ್ 'airnewsofficial' ಅಥವಾ ನ್ಯೂಸನ್ ಏರ್ ಅಪ್ಲಿಕೇಶನ್ಗೆ ಭೇಟಿ ನೀಡಬಹುದು.
ಅಖಿಲ ಭಾರತ ಬಾನುಲಿ ಕೇಂದ್ರ ಹೇಳಿಕೆ :
ಅಖಿಲ ಭಾರತ ಬಾನುಲಿ ಕೇಂದ್ರ ತನ್ನ ಅಧಿಕೃತ ಹೇಳಿಕೆಯಲ್ಲಿ,"ಸಾಪ್ತಾಹಿಕ ಸಂವಾದಾತ್ಮಕ ಕಾರ್ಯಕ್ರಮವು ಎಕ್ಸ್ಪ್ಲೇನರ್ಗಳು, ಫ್ಯಾಕ್ಟ್ಫೈಲ್, ಪರೀಕ್ಷಾ ಕ್ಯಾಲೆಂಡರ್ ಮತ್ತು ಸಂಗೀತ ವಿರಾಮದೊಂದಿಗೆ ವಾರದ ಪ್ರಶ್ನೆಯಂತಹ ವಿಭಾಗಗಳನ್ನು ಒಳಗೊಂಡಿರುತ್ತದೆ.
ಪ್ರಮುಖ ಶಿಕ್ಷಣತಜ್ಞರು ಕೇಳುಗರ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸುತ್ತಾರೆ. ಹಾಗೂ ಏಪ್ರಿಲ್ 9 ರಂದು ಮುಂದಿನ ಸಂಚಿಕೆ ಪ್ರಸಾರವಾಗಲಿದ್ದು, ವಿದ್ಯಾರ್ಥಿಗಳು ತಮ್ಮ ಪ್ರಶ್ನೆಗಳನ್ನು WhatsApp ಸಂಖ್ಯೆ 928 909 4044 ಗೆ ಕಳುಹಿಸಬಹುದು ಅಥವಾ ಏಪ್ರಿಲ್ 5 ರವರೆಗೆ [email protected] ಗೆ ಮೇಲ್ ಮಾಡಬಹುದು" ಎಂದು ತಿಳಿಸಿದೆ.