ನೀವು ವಿವಾಹವಾಗುವ ಹುಡುಗಿ ಸಂಸ್ಕಾರ ಕಲಿತಿರಬೇಕಾದ್ರೆ ಇಲ್ಲಿಗೆ ಭೇಟಿ ನೀಡಿ!

ಎಲ್ಲಿದೆ ಈ ಕೋರ್ಸ್

ಭೂಪಾಲ್‌ನ ಬರ್ಖಾತುಲ್ಲಾ ವಿಶ್ವವಿದ್ಯಾನಿಲಯವೇ ಈ ಹೊಸತೊಂದು ವಿಶೇಷವಾದ ಕೋರ್ಸನ್ನ ವಿದ್ಯಾರ್ಥಿಗಳಿಗೆ ಪರಿಚಯಸುತ್ತಿದೆ. ಅದುವೇ ಆದರ್ಶ ಸೊಸೆ. ಇನ್ನು ಕೋರ್ಸ್ ಹೊಸತ್ತಾದ್ರೂ ಈಗಾಗಲೇ ಸಿಕ್ಕಾಪಟ್ಟೆ ಫೇಮಸ್ ಕೂಡಾ ಆಗಿದೆ

ಕೋರ್ಸ್ ಅವಧಿ

ಹೌದು ಈ ಕೋರ್ಸ್ ಅವಧಿ ಕೇವಲ ಮೂರು ತಿಂಗಳು ಅಷ್ಟೇ. ಈ ಮೂರು ತಿಂಗಳಿನಲ್ಲಿ ವಿದ್ಯಾರ್ಥಿಗಳು ಮದುವೆಯಾದ ಬಳಿಕ ಗಂಡನ ಮನೆಯಲ್ಲಿ ಹೇಗೆ ನಡೆದುಕೊಳ್ಳಬೇಕು ಎಂದು ತಿಳಿಸಿಕೊಡಲಾಗುತ್ತದೆಯಂತೆ.

ಯಾವಾಗ ಕೋರ್ಸ್ ಆರಂಭ

ಸದ್ಯ ಈ ಕೋರ್ಸ್ ಬಗ್ಗೆ ಇನ್ನೂ ಮಾತುಕತೆ ನಡೆಯುತ್ತಿದ್ದು, ಇದೀಗ ಕೋರ್ಸ್ ಪ್ರಾರಂಭಿಸಲು ಚಿಂತನೆ ನಡೆಸಲಾಗಿದೆಯಂತೆ. ಮುಂದಿನ ಅಕಾಡೆಮಿಕ್ ವರ್ಷದಿಂದ ಈ ಕೋರ್ಸ್ ಪ್ರಾರಂಭಮಾಡಲಾಗುವುದು ಎಂದು ಮೂಲಗಳಿಂದ ತಿಳಿದು ಬಂದಿದೆ.

ಈ ಬಗ್ಗೆ ಉಪಕುಲಪತಿಗಳು ಏನೆನ್ನುತ್ತಾರೆ

ಉಪಕುಲಪತಿ ಡಿಸಿ, ಗುಪ್ತಾ ಅವರು ಈ ಬಗ್ಗೆ ಮಾತನಾಡುತ್ತಾ, ಮದುವೆಯ ನಂತ್ರ ಹುಡುಗಿಯರು ಹೊಸ ವಾತಾವರಣದಲ್ಲಿ ಹೊಂದಿಕೊಂಡು ಜೀವನ ನಡೆಸಬೇಕಾಗುತ್ತದೆ. ಅದಕ್ಕಾಗಿ ಹುಡುಗಿಯರು ಮದುವೆ ಅಂದ್ರೆ ಭಯ ಪಡುತ್ತಾರೆ. ಉತ್ತಮ ಸೊಸೆಯನ್ನ ಸಮಾಜಕ್ಕೆ ನೀಡುವ ಉದ್ದೇಶದಿಂದ ಈ ಕೋರ್ಸ್ ಜಾರಿಗೆ ತರಲಾಗುವುದು ಎಂದಿದ್ದಾರೆ.

ಅಷ್ಟೇ ಅಲ್ಲ ಈ ಕೋರ್ಸ್ ಜತೆ ಸೈಕಾಲಾಜಿ, ಸೋಶಾಲಾಜಿ, ವುಮೆನ್ ಸ್ಟಡೀಸ್ ಬಗ್ಗೆಯೂ ಕಲಿಸಿಕೊಡಲಾಗುವುದು. ಈ ಕೋರ್ಸ್ ಮುಗಿಯುವಷ್ಟರಲ್ಲಿ ಹುಡುಗಿಯರು ಕುಟುಂಬದ ಮೌಲ್ಯ, ಹಾಗೂ ಫ್ಯಾಮಿಲಿಯನ್ನ ಹೇಗೆ ನಿಭಾಯಿಸುವುದು ಎಂಬುವುದು ತಿಳಿದುಕೊಂಡಿರುತ್ತಾರೆ ಎಂದು ತಿಳಿಸಿದ್ದಾರೆ