ಸಿಇಟಿ-2017 ರ ಮೊದಲ ಸುತ್ತಿನಲ್ಲಿ ಸೀಟು ಹಂಚಿಕೆಯಾ ಅಭ್ಯರ್ಥಿಗಳಿಗೆ ಛಾಯ್ಸ್ ಗಳ ಆಯ್ಕೆ, ಶುಲ್ಕ ಪಾವತಿ ಮತ್ತು ಕಾಲೇಜುಗಳಲ್ಲಿ ಪ್ರವೇಶ ಪಡೆಯುವ ಕೊನೆಯ ದಿನಾಂಕವನ್ನು 07-07-2017 ರವರೆಗೆ ವಿಸ್ತರಿಸಲಾಗಿದೆ.
ಮೊದಲ ಸುತ್ತಿನಲ್ಲಿ ಸೀಟು ಹಂಚಿಕೆಯಾದ ನಂತರ ಇಲ್ಲಿಯವರೆಗೆ ಛಾಯ್ಸ್ ಗಳ ಆಯ್ಕೆ ಮಾಡಿರುವ ಅಭ್ಯರ್ಥಿಗಳು ಸೂಕ್ತವಾದ ಛಾಯ್ಸ್ ಆಯ್ಕೆ ಮಾಡಿ ಅದರಂತೆ ಕ್ರಮ ವಹಿಸಬಹುದಾಗಿದೆ.
ಮೊದಲ ಸುತ್ತಿನ ದಿನಾಂಕ ವಿಸ್ತರಣೆ ಜೊತೆಗೆ ಎರಡನೇ ಸುತ್ತಿನ ಸೀಟು ಹಂಚಿಕೆಯ ವೇಳಾಪಟ್ಟಿಯನ್ನು ಮಾರ್ಪಡು ಮಾಡಿ ಪ್ರಕಟಿಸಲಾಗಿದೆ.
ಎರಡನೇ ಸುತ್ತಿನ ಸೀಟು ಹಂಚಿಕೆಯ ಪರಿಷ್ಕೃತ ವೇಳಾಪಟ್ಟಿ
ಸಿಇಟಿ-2017 ರ ಬ್ರೋಚರ್ನಲ್ಲಿ ನೀಡಿರುವ ಎರಡನೇ ಸುತ್ತಿನ ಸೀಟು ಹಂಚಿಕೆಯ ವೇಳಾಪಟ್ಟಿಯನ್ನು ಪರಿಷ್ಕರಿಸಲಾಗಿದೆ. ಅರ್ಹ ಅಭ್ಯರ್ಥಿಗಳು ಪರಿಷ್ಕೃತ ವೇಳಾಪಟ್ಟಿಯಂತೆ ಎರಡನೇ ಸುತ್ತಿನ ಸೀಟು ಹಂಚಿಕೆಯಲ್ಲಿ ಭಾಗವಹಿಸಬಹುದಾಗಿದೆ.
ಮೊದಲನೇ ಸುತ್ತಿನ ಸೀಟು ಹಂಚಿಕೆಯ ನಂತರ ಉಳಿದಿರುವ/ರದ್ದುಪಡಿಸಿಕೊಂಡಿರುವ ಅಥವಾ ಯಾವುದಾದರು ಸೀಟುಗಳು ಹೊಸದಾಗಿ ಸೇರಿಸಲ್ಪಟ್ಟಿದ್ದರೆ ಅಂತಹ ಸೀಟುಗಳನ್ನು ಈ ಸುತ್ತಿನಲ್ಲಿ ಹಂಚಿಕೆಗೆ ಲಭ್ಯಮಾಡಲಾಗುವುದು.
ಛಾಯ್ಸ್ 2 ಮತ್ತು ಛಾಯ್ಸ್ 3 ಗಳನ್ನು ಆಯ್ಕೆ ಮಾಡಿರುವ ಮತ್ತು ಯಾವುದೇ ಸೀಟುಗಳನ್ನು ಇಲ್ಲಿಯವರೆಗೆ ಹಂಚಿಕೆಯಾಗದೇ ಇರುವ ಅಭ್ಯರ್ಥಿಗಳು ಈ ಸುತ್ತಿನಲ್ಲಿ ಭಾಗವಹಿಸಲು ಅರ್ಹಗೊಳ್ಳುತ್ತಾರೆ.
ಪರಿಷ್ಕೃತ ವೇಳಾಪಟ್ಟಿ
ಅಭ್ಯರ್ಥಿಗಳು ಸೀಟುಗಳ ಬದಲಾವಣೆ ಮಾಡಲು ಅವಕಾಶ | ದಿನಾಂಕ 11-07-2017(ಬೆಳಗ್ಗೆ 11 ರಿಂದ) ರಿಂದ 14-07-2017 ಬೆಳಗ್ಗೆ 11 ರವರೆಗೆ |
ಸೀಟು ಹಂಚಿಕೆಯ ಪ್ರಕಟಣೆ | 17-07-2017 ಬೆಳಗ್ಗೆ 11 ಗಂಟೆಗೆ |
ಸೀಟುಗಳನ್ನು ಖಾತ್ರಿ ಪಡಿಸಿಕೊಳ್ಳಲು, ಶುಲ್ಕ ಪಾವತಿಸಲು ಮತ್ತು ದಾಖಲಾತಿ ಪ್ರತಿ ಡೌನ್ಲೋಡ್ ಮಾಡಿಕೊಳ್ಳಲು | 18-07-2017 ರಿಂದ 20-07-2017 |
ಕಾಲೇಜುಗಳಲ್ಲಿ ರಿಪೋರ್ಟ್ ಮಾಡಿಕೊಳ್ಳಲು ಕೊನೆಯ ದಿನಾಂಕ | 21-07-2017 ಸಂಜ 5.30ರವರೆಗೆ |
ಶುಲ್ಕ ಪಾವತಿಗೆ ಅವಧಿ ವಿಸ್ತರಣೆ
ಮೊದಲ ಸುತ್ತಿನಲ್ಲಿ ಸೀಟು ಹಂಚಿಕೆಯಾದ ಅಭ್ಯರ್ಥಿಗಳಿಗೆ ಶುಲ್ಕ ಪಾವತಿಸಲು ಜುಲೈ 07 ರವರೆಗೂ ಅವಕಾಶ ನೀಡಲಾಗಿದೆ.
ಅಭ್ಯರ್ಥಿಗಳು ಹೆಚ್ಚಿನ ವಿವರಗಳಿಗಾಗಿ ವೆಬ್ಸೈಟ್ kea.kar.nic.in ಗಮನಿಸಲು ಕೋರಿದೆ.