ದ್ವಿತೀಯ ಪಿಯುಸಿ ಫಲಿತಾಂಶ ಪ್ರಕಟ: ಬಾಲಕಿಯರೇ ಮೇಲುಗೈ

2017ನೇ ಸಾಲಿನ ದ್ವಿತೀಯ ಪಿಯುಸಿ ಫಲಿತಾಂಶ ಗುರುವಾರದಂದು ಪ್ರಕಟವಾಗಿದೆ. ಗುರುವಾರದಿಂದ ವೆಬ್‌ಸೈಟ್‌ನಲ್ಲಿ ಫಲಿತಾಂಶ ಲಭ್ಯವಿದೆ. ಮೇ 12ರಂದು ಕಾಲೇಜುಗಳಲ್ಲಿ ಫಲಿತಾಂಶವನ್ನು ಪ್ರಕಟಿಸಲಾಗುತ್ತದೆ.

ಈ ಬಾರಿ ಒಟ್ಟು ಶೇ 52.83 ರಷ್ಟು ಫಲಿತಾಂಶ ಬಂದಿದೆ. ಕಳೆದ ಬಾರಿ 57.20% ಫಲಿತಾಂಶ ಬಂದಿತ್ತು.

ಮಲ್ಲೇಶ್ವರದಲ್ಲಿರುವ ಪದವಿ ಪೂರ್ವ ಶಿಕ್ಷಣ ಇಲಾಖೆ ಕಚೇರಿಯಲ್ಲಿ ಗುರುವಾರ ಮಧ್ಯಾಹ್ನ 03.30ಕ್ಕೆ ಪತ್ರಿಕಾಗೋಷ್ಠಿ ನಡೆಸಿದ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ತನ್ವೀರ್ ಸೇಠ್ ಅವರು ಫಲಿತಾಂಶವನ್ನು ಪ್ರಕಟಿಸಿದರು.

ಫಲಿತಾಂಶ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ

ಬಾಲಕಿಯರೇ ಮೇಲುಗೈ

ಈ ಬಾರಿಯು ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಬಾಲಕಿಯರು ಮೇಲುಗೈ ಸಾಧಿಸಿದ್ದಾರೆ. ಈ ಬಾರಿಯ ಫಲಿತಾಂಶದಲ್ಲಿ ಬಾಲಕಿಯರು 60.28% ಪಡೆದು ಮೇಲುಗೈ ಸಾಧಿಸಿದ್ದಾರೆ. 44.74% ಬಾಲಕರು ಉತ್ತೀರ್ಣ.

ಈ ವರ್ಷ ಒಟ್ಟು 3,33,892 ಬಾಲಕಿಯರು ಪರೀಕ್ಷೆ ಬರೆದಿದ್ದು 2,01,273 ಬಾಲಕಿಯರು ತೇರ್ಗಡೆ ಹೊಂದಿದ್ದಾರೆ. 3,45,169 ಬಾಲಕರು ಹಾಜರಾಗಿದ್ದು 1,54,424 ಬಾಲಕರು ಪಾಸ್ ಆಗಿದ್ದಾರೆ.

ಜಿಲ್ಲಾವಾರು ಫಲಿತಾಂಶ

ಕಳೆದ ಬಾರಿ ಎರಡನೇ ಸ್ಥಾನ ಪಡೆದಿದ್ದ ಉಡುಪಿ ಈ ಬಾರಿ ಮೊದಲ ಸ್ಥಾನಗಳಿಸಿದೆ, ಇನ್ನು ಕಳೆದ ಸಾಲಿನಲ್ಲಿ ಮೊದಲ ಸ್ಥಾನದಲ್ಲಿದ್ದ ದಕ್ಷಿಣ ಕನ್ನಡ ಈ ಬಾರಿ ಎರಡನೇ ಸ್ಥಾನ ಪಡೆದಿದೆ. ಮೂರನೇ ಸ್ಥಾನದಲ್ಲಿ ಉತ್ತರ ಕನ್ನಡ ಜಿಲ್ಲೆ ಇದ್ದರೇ ಬೀದರ್ ಜಿಲ್ಲೆಗೆ ಕೊನೆಯ ಸ್ಥಾನ ಸಿಕ್ಕಿದೆ.

ಜಿಲ್ಲೆ	ಫಲಿತಾಂಶ
ಉಡುಪಿ	90.01
ದಕ್ಷಿಣ ಕನ್ನಡ	89.92
ಉತ್ತರ ಕನ್ನಡ	71.99
ಕೊಡಗು	70.83
ಚಿಕ್ಕಮಗಳೂರು	68.03
ಶಿವಮೊಗ್ಗ	68.00
ಬೆಂಗಳೂರು ಉತ್ತರ	67.17
ಬೆಂಗಳೂರು ದಕ್ಷಿಣ	66.63
ಚಾಮರಾಜನಗರ	65.34
ಬಾಗಲಕೋಟೆ	63.11
ಹಾಸನ	59.88
ಬೆಂಗಳೂರು ಗ್ರಾಮಾಂತರ	59.64
ಚಿಕ್ಕಬಳ್ಳಾಪುರ	59.63
ಮೈಸೂರು	59.03
ಕೋಲಾರ	57.87
ಕೊಪ್ಪಳ	56.84
ಮಂಡ್ಯ	56.43
ಧಾರವಾಡ	55.73
ದಾವಣಗೆರೆ	55.17
ಬಳ್ಳಾರಿ	55.13
ಹಾವೇರಿ	54.95
ತುಮಕೂರು	54.72
ಗದಗ್	53.11
ರಾಮನಗರ	51.55
ಚಿತ್ರದುರ್ಗ	47.31
ರಾಯಚೂರು	46.98
ಕಲಬುರ್ಗಿ	44.94
ಬೆಳಗಾವಿ	44.25
ವಿಜಯಪುರ	43.00
ಯಾದಗಿರಿ	42.007
ಬೀದರ್	42.05

ವಿಷಯವಾರು ಫಲಿತಾಂಶ

ವಿಜ್ಞಾನ ವಿಭಾಗದ ಶೇ.60.71 ರಷ್ಟು ವಿದ್ಯಾರ್ಥಿಗಳು, ವಾಣಿಜ್ಯ ವಿಭಾಗದ ಶೇ.60.09ರಷ್ಟು ವಿದ್ಯಾರ್ಥಿಗಳು ಹಾಗೂ ಕಲಾ ವಿಭಾಗದಲ್ಲಿ ಶೇ.35.05 ರಷ್ಟು ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ.

ಮಾರ್ಚ್ 9 ರಿಂದ 27 ರವರೆಗೆ 998 ಪರೀಕ್ಷಾ ಕೇಂದ್ರಗಳ ನಡೆದ ದ್ವಿತೀಯ ಪಿಯುಸಿ ಪರೀಕ್ಷೆ ಒಟ್ಟು 6.84 ಲಕ್ಷ ವಿದ್ಯಾರ್ಥಿ/ನಿಯರು ಪರೀಕ್ಷೆ ಬರೆದಿದ್ದರು.