ಹೆಚ್ಚು ಕೆಲಸ ಮಾಡಿದಕ್ಕೆ ನೌಕರಿಯೇ ಹೋಯ್ತು!

Posted By:

ಓ ಟಿ ಮಾಡಿದಕ್ಕೆ ಕೆಲಸದಿಂದ ತೆಗೆದು ಹಾಕಿದ ಕಂಪನಿ, ಹೆಚ್ಚು ದುಡಿಯುವುದು ಕೂಡ ನಿಯಮ ಉಲ್ಲಂಘನೆ. ಇದೊಂದು ವಿಚಿತ್ರ ಪ್ರಕರಣ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ.

ಬಹುತೇಕ ಕಂಪನಿಗಳು ನೌಕರರು ಹೆಚ್ಚು ದುಡಿಯಲಿ, ಸಂಸ್ಥೆಗಾಗಿ ಹೆಚ್ಚು ಸಮಯ ಮೀಸಲಿಡಲಿ ಎಂದು ಬಯಸುತ್ತವೆ ಆದರೆ ಇಲ್ಲೊಂದು ಸಂಸ್ಥೆ ಹೆಚ್ಚು ದುಡಿಯುವ ನೌಕರನನ್ನು ಕೆಲಸದಿಂದ ತೆಗೆದು ಹಾಕಿದೆ.

ಓ ಟಿ ಮಾಡಿದಕ್ಕೆ ಕೆಲಸ ಕಟ್

ನಿಗದಿತ ಅವಧಿಗಿಂತ ಹೆಚ್ಚು ದುಡಿದರೆ ಕಂಪನಿಯ ಕೃಪೆಗೆ ಪಾತ್ರರಾಗಿ ಹೆಚ್ಚು ಹಣ ಅಥವಾ ಉತ್ತಮ ಕೆಲಸಗಾರ ಎನ್ನುವ ಪ್ರಶಂಸೆ ಪಡೆಯುವುದು ಸಹಜ. ಆದರೆ ಜೆರ್ಮನಿಯ ಲಿಡ್ಲ್ ಸಂಸ್ಥೆ ಹೆಚ್ಚು ಕೆಲಸ ಮಾಡಿದಕ್ಕಾಗಿ ನೌಕರನನ್ನೇ ತೆಗೆದು ಹಾಕಿದೆ.

ಲಿಡ್ಲ್ ಸಂಸ್ಥೆಯ ಜೀನ್ ಪಿ ಎಂಬ ಕೆಲಸಗಾರ ಹೆಚ್ಚು ಕೆಲಸ ಮಾಡಿ ಸಂಸ್ಥೆಯ ನಿಯಮ ಉಲ್ಲಂಘಿಸಿದ್ದಾನೆ ಎಂದು ಆತನನ್ನು ಕೆಲಸದಿಂದ ವಜಾ ಮಾಡಲಾಗಿದೆ. ಇದರಿಂದ ನೊಂದ ಜೀನ್ಸ್ ತನ್ನನ್ನು ಕೆಲಸದಿಂದ ತೆಗೆದ ಮಾಲೀಕನ ವಿರುದ್ಧ ಮೊಕದ್ದಮೆ ಹೂಡಿದ್ದಾನೆ.

ಲಿಡ್ಲ ಎಂಬ ಸೂಪರ್ ಮಾರುಕಟ್ಟೆಯ ಉದ್ಯೋಗಿಯಾದ ಜೀನ್ ಪಿ ಕಳೆದ 12 ವರ್ಷಗಳಿಂದ ಈ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾನೆ. ಬೆಳಗ್ಗೆ 5 ಗಂಟೆಗೆ ಕೆಲಸಕ್ಕೆ ಬಂದು ಸಹೋದ್ಯೋಗಿಗಳು ಬರುವುದಕ್ಕೂ ಮುನ್ನವೇ ಅಂದಿನ ವಸ್ತುಗಳನ್ನೆಲ್ಲಾ ಸರಿಯಾಗಿ ಜೋಡಿಸಿಡುತ್ತಿದ್ದನಂತೆ.

ಜೀನ್ ಶ್ರದ್ದೆ ಮತ್ತು ಕಾರ್ಯವೈಖರಿ ಗಮನಿಸಿದವರು ಈ ವರ್ಷದ ಅತ್ಯುತ್ತಮ ಉದ್ಯೋಗಿ ಪ್ರಶಸ್ತಿ ಇವನಿಗೇ ಬರುತ್ತದೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ ಆಗಿದ್ದೆ ಬೇರೆ. ಸಂಸ್ಥೆಯ ನಿಯಮ ಉಲ್ಲಂಘಿಸಿದ್ದಾನೆ ಎಂದು ಈತನನ್ನು ಕೆಲಸದಿಂದ ವಜಾ ಮಾಡಲಾಗಿದೆ.

ಸಂಸ್ಥೆಯ ಈ ಕ್ರಮದಿಂದ ಅಚ್ಚರಿಗೊಂಡ ಜೀನ್ಸ್ ಅದರ ವಿರುದ್ಧ ಮೊಕದ್ದಮೆ ಹೂಡಿದ್ದಾನೆ. ಜೀನ್ 12 ವರ್ಷಗಳಿಂದ ಈ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾನೆ. ಆದರೆ ಅವನಿಗೆ ಒಂದು ದಿನವೂ ಬೇಗ ಬರುವಂತೆ ಅಧಿಕಾರಿಗಳು ಸೂಚಿಸಿಲ್ಲ. ಮಾರಾಟ ಹಾಗೂ ಕಾರ್ಯಕ್ಷಮತೆಗೆ ಗುರಿ ನೀಡಲಾಗಿತ್ತು. ಅದಕ್ಕಾಗಿ ಜೀನ್ ಕೆಲಸಕ್ಕೆ ಬೇಗ ಬರುತ್ತಿದ್ದ ಎಂದು ಜೀನ್ ಪರ ವಕೀಲ ವಾದ ಮಂಡಿಸಿದ್ದಾರೆ.

ತನಿಖೆ ಶುರುವಾಗಿದ್ದು, ಲಿಡ್ಲ್ ಕಂಪನಿಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಗಮನಿಸಲಾಗಿದೆ. ಜೀನ್ ನಿಗದಿತ ಸಮಯಕ್ಕಿಂತ ಮುಂಚಿತವಾಗಿ ಬರುತ್ತಿದ್ದದ್ದು ತಿಳಿದುಬಂದಿದ್ದು , ತೀರ್ಪನ್ನು ಕಾಯ್ದಿರಿಸಲಾಗಿದೆ.

For Quick Alerts
ALLOW NOTIFICATIONS  
For Daily Alerts

    English summary
    Jean p was dismissed for breaching Lidl’s rules on unpaid overtime, and for being in the store alone – a further breach of company rules.

    ವೃತ್ತಿ ಬದುಕಿನ ಉತ್ತಮ ಅವಕಾಶಕ್ಕಾಗಿ, ಶಿಕ್ಷಣ, ವೃತ್ತಿ ಮತ್ತು ಉದ್ಯೋಗಕ್ಕೆ ಸಂಬಂಧಿಸಿದ ಇತ್ತೀಚಿನ ಮಾಹಿತಿಗಳನ್ನು ಪಡೆಯಿರಿ
    Kannada Careerindia

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Careerindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Careerindia website. However, you can change your cookie settings at any time. Learn more