ಎಸ್ ಎಸ್ ಎಲ್ ಸಿ ಯಲ್ಲಿ ಎ+ ಪಡೆದವರಿಗೆ ಸರೋಜಿನಿ ದಾಮೋದರನ್‌ ಫೌಂಡೇಷನ್‌ ‘ವಿದ್ಯಾದಾನ್‌' ವಿದ್ಯಾರ್ಥಿ ವೇತನ

ಸರೋಜಿನಿ ದಾಮೋದರನ್‌ ಫೌಂಡೇಷನ್‌ 'ವಿದ್ಯಾದಾನ್‌' ಕಾರ್ಯಕ್ರಮದಡಿ ವಿದ್ಯಾರ್ಥಿ ವೇತನಕ್ಕೆ ಅರ್ಜಿ ಆಹ್ವಾನಿಸಿದೆ.

ಆರ್ಥಿಕವಾಗಿ ಹಿಂದುಳಿದ ಕುಟುಂಬಗಳ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಕಾಲೇಜು ಶಿಕ್ಷಣಕ್ಕೆ ಬೆಂಬಲಿಸಲು ವಿದ್ಯಾರ್ಥಿ ವೇತನವನ್ನು ನೀಡಲಾಗುತ್ತಿದೆ.

ಈ ವಿದ್ಯಾರ್ಥಿ ವೇತನವು ವಿದ್ಯಾರ್ಥಿಗಳ 10 ನೇ ತರಗತಿಯ ಅರ್ಹತೆಯ ಹಾಗೂ ಆಯ್ಕೆ ಪ್ರಕ್ರಿಯೆಯ ಮೂಲಕ 2 ವರ್ಷಗಳ ಕಾಲದ ವಿದ್ಯಾರ್ಥಿ ವೇತನಕ್ಕೆ ಅರ್ಹತೆಯನ್ನು ಪಡೆಯುತ್ತದೆ ಹಾಗೂ ವಿದ್ಯಾರ್ಥಿಗಳ ಆಸಕ್ತಿಗೆ ಅನುಗುಣವಾಗಿ ಪದವಿಯವರೆಗೂ ಮುಂದುವರೆಸಲಾಗುವುದು.

ವಿದ್ಯಾರ್ಥಿ ವೇತನದ ವಿವರ

11ನೇ ಮತ್ತು 12ನೇ ತರಗತಿಯ ವಿದ್ಯಾರ್ಥಿ ವೇತನದ ಪ್ರಮಾಣವು ಗರಿಷ್ಠ ವಾರ್ಷಿಕ 6000/-ರೂ

ಯಾರು ಅರ್ಜಿ ಸಲ್ಲಿಸಬಹುದು?

• 2017ನೇ ಸಾಲಿನಲ್ಲಿ 10ನೇ ತರಗತಿ ತೇರ್ಗಡೆಯಾಗಿರಬೇಕು ಮತ್ತು ಶೇ.90 ರಷ್ಟು ಅಂಕ/A+ ಪಡೆದಿರಬೇಕು.
• ಕುಟುಂಬದ ವಾರ್ಷಿಕ ಆದಾಯ 2 ಲಕ್ಷಕ್ಕಿಂತ ಕಡಿಮೆ ಇರಬೇಕು.
• ಅಂಗ ವೈಕಲ್ಯತೆ ಹೊಂದಿರುವ ವಿದ್ಯಾರ್ಥಿಗಳು ಶೇ.75 ಅಂಕಗಳನ್ನು ಪಡೆದಿರಬೇಕು.

ಆಯ್ಕೆ ಪ್ರಕ್ರಿಯೆ

• ಸರೋಜಿನಿ ದಾಮೋದರನ್‌ ಫೌಂಡೇಷನ್‌ ವಿದ್ಯಾರ್ಥಿಗಳು ಒದಗಿಸಿದ ಶೈಕ್ಷಣಿಕ ಸಾಧನೆ ಹಾಗೂ ಅರ್ಜಿಯ ಮಾಹಿತಿಯನ್ನು ಆಧರಿಸಿ ಆಯ್ಕೆ ಪ್ರಕ್ರಿಯೆ ಮಾಡಲಾಗುವುದು.
• ಆಯ್ಕೆಯಾದ ವಿದ್ಯಾರ್ಥಿಗಳಿಗೆ ಪರೀಕ್ಷೆ/ ಸಂದರ್ಶನ ಮಾಡಲಾಗುವುದು.

ಪ್ರಮುಖ ದಿನಾಂಕಗಳು

• ಅರ್ಜಿ ಹಾಕಲು ಕೊನೆಯ ದಿನಾಂಕ: 10-06-2017
• ಪರೀಕ್ಷೆ/ ಸಂದರ್ಶನದ ದಿನಾಂಕ: 20-06-2017 ರಿಂದ 20-07-2017
• ಪರೀಕ್ಷೆ/ಸಂದರ್ಶನ ನಡೆಯುವ ಸ್ಥಳ ಮತ್ತು ದಿನಾಂಕವನ್ನು ಅಭ್ಯರ್ಥಿಗಳಿಗೆ ಪ್ರತ್ಯೇಕವಾಗಿ ತಿಳಿಸಲಾಗುವುದು ಹಾಗೂ ಪರೀಕ್ಷೆಗೆ ಹಾಜರಾಗುವ ಅಭ್ಯರ್ಥಿಗಳು ಜೂನ್ 15 ರೊಳಗೆ ತಮ್ಮ ಪ್ರವೇಶ ಪತ್ರವನ್ನು ವಿದ್ಯಾದಾನ್ ವೆಬ್ ಮೂಲಕ ಪಡೆದಕೊಳ್ಲಬಹುದಾಗಿದೆ.

ಅಗತ್ಯ ದಾಖಲೆಗಳು

• 10ನೇ ತರಗತಿಯ ಅಂಕಪಟ್ಟಿ (ಮೂಲ ಪ್ರತಿ ಇಲ್ಲದಿದ್ದಾಗ ತಾತ್ಕಾಲಿಕ ಅಂಕಪಟ್ಟಿ/ ಆನ್-ಲೈನ್ ಅಂಕಪಟ್ಟಿ ನೀಡಬಹುದು)
• ಇತ್ತೀಚಿನ ಆದಾಯ ಪ್ರಮಾಣ ಪತ್ರ (ರೇಷನ್ ಕಾರ್ಡ್ ಅಂಗೀಕರಿಸುವುದಿಲ್ಲ)
• ಇತ್ತೀಚಿನ ಭಾವಚಿತ್ರ
• ಅಂಗವಿಕಲ ಪ್ರಮಾಣ ಪತ್ರ

ಅರ್ಜಿ ಸಲ್ಲಿಕೆ

ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ತಮ್ಮ ಸ್ವಂತ ಇ-ಮೇಲ್ ಐಡಿ ಮೂಲಕ ವಿದ್ಯಾದನ್ ವೆಬ್ಸೈಟ್ ನಲ್ಲಿ ಆನ್-ಲೈನ್ ಅರ್ಜಿ ಸಲ್ಲಿಸತಕ್ಕದ್ದು.

ಹೆಚ್ಚಿನ ವಿವರಗಳಿಗೆ

ಮಾಹಿತಿಗೆ [email protected] ಹಾಗೂ ದೂರವಾಣಿ ಸಂಖ್ಯೆ 080-42995222, 9986325234 ಸಂಪರ್ಕಿಸಬಹುದು.

ವೆಬ್ಸೈಟ್ ವಿಳಾಸ www.vidyadhan.org ಗಮನಿಸಿ

ಸರೋಜಿನಿ ದಾಮೋದರನ್ ಫೌಂಡೇಷನ್ ವಿದ್ಯಾದಾನ್

ಸರೋಜಿನಿ ದಾಮೋದರನ್‌ ಫೌಂಡೇಷನ್‌ 'ವಿದ್ಯಾದಾನ್‌' ಕಾರ್ಯಕ್ರಮದಡಿ ಆರ್ಥಿಕವಾಗಿ ಹಿಂದುಳಿದ ಕುಟುಂಬಗಳ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಕಾಲೇಜು ಶಿಕ್ಷಣಕ್ಕೆ ಬೆಂಬಲಿಸಲು ವಿದ್ಯಾರ್ಥಿ ವೇತನವನ್ನು ನೀಡಲಾಗುತ್ತಿದೆ. ಪ್ರಸ್ತುತ ಈ ಕಾರ್ಯಕ್ರಮದಡಿಯಲ್ಲಿ ಕರ್ನಾಟಕ, ಕೇರಳ, ತಮಿಳುನಾಡು, ಆಂದ್ರಪ್ರದೇಶ ಹಾಗೂ ತೆಲಂಗಾಣ ರಾಜ್ಯದ ಒಟ್ಟು 1500 ವಿದ್ಯಾರ್ಥಿಗಳು ವೇತನವನ್ನು ಪಡೆಯುತ್ತಿದ್ದಾರೆ.

ಕರ್ನಾಟಕ ರಾಜ್ಯದಲ್ಲಿ 2014 ರಲ್ಲಿ ಈ ಕಾರ್ಯಕ್ರಮವನ್ನು ಪ್ರಾರಂಭಿಸಲಾಗಿದ್ದು ಒಟ್ಟು 362 ವಿದ್ಯಾರ್ಥಿಗಳ ಇದರ ಪ್ರಯೋಜನ ಪಡೆಯುತ್ತಿದ್ದಾರೆ. ಈ ವಿದ್ಯಾರ್ಥಿ ವೇತನವು ಫೌಂಡೇಷನ್ ನೋಂದಣಿ ಮಾಡಿದ ದಾನಿಗಳು ಹಾಗೂ ಬಾಹ್ಯ ದಾನಿಗಳ/ ಪ್ರಾಯೋಜಕರ ಮೂಲಕ ನೇರವಾಗಿ ವಿದ್ಯಾರ್ಥಿಗಳಿಗೆ ನೀಡಲಾಗುವುದು.