ಫೆಶರ್ಸ್ ನೀವಾಗಿದ್ರೆ ಕಾರ್ಪೋರೇಟಿವ್ ಆಫೀಸ್‌ನಲ್ಲಿ ಹೇಗೆ ದುಡಿದ್ರೆ ನಿಮ್ಮ ಸೀಟು ಉಳಿಯುತ್ತೆ

ಟೈಂ ಬಗ್ಗೆ ಇರಲಿ ಹೆಚ್ಚಿನ ಗಮನ:

ಇದು ಮೊದಲಿಗೆ ನೆನಪಿಟ್ಟುಕೊಳ್ಳ ಬೇಕಾದ ಅಂಶ. ಒಂದು ವಿಷಯ ನೆನಪಿಟ್ಟುಕೊಳ್ಳಿ ನೀವು ಆಫೀಸ್‌ನಲ್ಲಿ ಎಲ್ಲರಿಗಿಂತಲೂ ಜ್ಯೂನಿಯರ್ ಆಗಿರುತ್ತೀರಿ ಹಾಗಾಗಿ ಯಾವುದೇ ಸೀನಿಯರ್ ಅಧಿಕಾರಿಗಳು ನಿಮ್ಮನ್ನ ಕಾಯುವಂತೆ ಮಾಡುವ ಅಧಿಕಾರ ನಿಮಗೆ ಇಲ್ಲ. ಟ್ರಾಫಿಕ್ ಜಾಮ್ ಇರಬಹುದು ಇಲ್ಲ ಆಫೀಸ್‌ನಿಂದ ನಿಮ್ಮ ಮನೆ ತುಂಬಾ ದೂರದಲ್ಲಿ ಇರಬಹುದು. ಹಾಗಾಂತಹ ಈ ಕಾರಣಗಳನ್ನ ಹೇಳಿ ತಪ್ಪಿಸಿಕೊಳ್ಳಬೇಡಿ. ಯಾಕೆಂದ್ರೆ ಇದೆಲ್ಲಾ ಕಾರಣವೇ ಅಲ್ಲ. ಬದಲಿಗೆ ಸರಿಯಾದ ಟೈಂಗೆ ಆಫೀಸ್‌ಗೆ ಬರಲು ಯತ್ನಿಸಿ.

ಅಷ್ಟೇ ಅಲ್ಲ ಕಚೇರಿಯಲ್ಲಿ ಮೀಟಿಂಗ್ ಏರ್ಪಡಿಸಿದ್ದಾಗ ಸರಿಯಾದ ಟೈಂ ಗೆ ನೀವು ಹಾಜರಾಗಿ. ನೀವು ನಿಮ್ಮ ಮೊದಲ ದಿನ ಕಚೇರಿಗೆ ಸರಿಯಾದ ಟೈಂ ಗೆ ತೆರಳಿದ್ರೆ ನಿಮ್ಮ ಕೆರಿಯರ್ ಬೆಳವಣಿಗೆಗೆ ಯಾವುದೇ ಅಡೆ-ತಡೆ ಇರುವುದಿಲ್ಲ.

ಚೆನ್ನಾಗಿ ಉಡುಗೆ ಧರಿಸಿ

ಇದೀಗ ನಿಮ್ಮ ಕಾಲೇಜು ದಿನಗಳು ಮುಗಿದು ಹೋದವು. ಕಾಲೇಜು ಟೈಂನಲ್ಲಿ ಬಣ್ಣ ಬಣ್ಣದ ಟೀ ಶರ್ಟ್, ತಲೆ ತುಂಬಾ ಫ್ಯಾನ್ಸಿ ಕ್ಲಿಪ್ ಗಳನ್ನ ಧರಿಸಿ, ಫುಲ್ ಮೇಕಪ್ ಮಾಡಿಕೊಂಡು ಓಡಾಡಿರುತ್ತೀರಿ. ಆದ್ರೆ ಅದೆಲ್ಲಾ ಇಲ್ಲಿಗೆ ಮ್ಯಾಚ್ ಆಗಲ್ಲ, ಬದಲಿಗೆ ಫಾರ್ಮಲ್ ಉಡುಗೆಯಲ್ಲಿ ಕೆಲಸಕ್ಕೆ ತೆರಳಿ. ಕಾರ್ಪೋರೇಟಿವ್ ಜಗತ್ತಿನಲ್ಲಿ ನೀವು ಕೆಲಸ ಮಾಡಬೇಕೆಂದಿದ್ದೆ, ನೀವು ಫಾರ್ಮಲ್ಸ್ ಇಲ್ಲ ಸ್ಮಾರ್ಟ್ ಕ್ಯಾಶುವಲ್ಸ್ ಧರಿಸುವುದು ಬೆಸ್ಟ್. ಅದು ಬಿಟ್ಟು ಅಸಭ್ಯ ಉಡುಗೆಯನ್ನ ಧರಿಸಿ ಕಚೇರಿಗೆ ತೆರಳಿ ಮೊದಲ ದಿನವೇ ನಿಮ್ಮ ಇಂಪ್ರೇಶನ್ ಹಾಳು ಮಾಡಿಕೊಳ್ಳಬೇಡಿ.

ಬಾಸ್ ಜತೆ ಉತ್ತಮ ಸಂಬಂಧ ಬೆಳೆಸಿ

ವರದಿ ಪ್ರಕಾರ, ಹೆಚ್ಚಿನ ಉದ್ಯೋಗಿಗಳು ಬಾಸ್ ಜತೆಗಿನ ಅಸಮಾಧಾನಕಾರ ಸಂಬಂಧದಿಂದ ಕೆಲಸ ಬಿಟ್ಟು ಹೋಗುತ್ತಾರೆ. ನೀವು ಯಾವಾಗ ಫ್ರೆಶರ್ಸ್ ಆಗಿ ಕೆಲಸಕ್ಕೆ ಸೇರುತ್ತೀರೋ ಹಾಗೂ ಆ ಕೆಲಸದಲ್ಲೇ ಕೆರಿಯರ್ ಬೆಳೆಸಬೇಕೆಂದು ಯೋಚಿಸಿದ್ದರೆ, ಮೊದಲಿಗೆ ನಿಮ್ಮ ಸ್ಥಾನವನ್ನ ಗಟ್ಟಿ ಮಾಡಿಕೊಳ್ಳಬೇಕು. ಹಾಗಾಗಿ ನಿಮ್ಮ ಬಾಸ್ ಜತೆ ಉತ್ತಮ ಸಂಬಂಧ ಬೆಳೆಸಿಕೊಳ್ಳಬೇಕು.

ಗಾಸಿಪ್ ನಿಂದ ದೂರವಿರಿ

ಆಫೀಸ್ ಪಾಲಿಟಿಕ್ಸ್ ನಿಂದಾಗಿ ಹೆಚ್ಚಿನ ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳುತ್ತಾರೆ. ಫ್ರೇಶರ್ ಆಗಿ ನೀವು ಕೆಲಸಕ್ಕೆ ಸೇರಿದ್ರೆ ಯಾವುದೇ ಗಾಸಿಪ್ ಮಾಡಲು ಹೋಗಬೇಡಿ. ಹಾಗೂ ಇತರರು ಗಾಸಿಪ್ ಮಾಡಿದ್ರೆ ಅದರಲ್ಲಿ ನೀವು ಸೇರಿಕೊಳ್ಳಬೇಡಿ. ಆದಷ್ಟು ಗಾಸಿಪ್ ನಿಂದ ದೂರವಿರಿ. ಇಲ್ಲವಾದ್ರೆ ಈ ಕಾರಣದಿಂದ ನೀವು ಕೆಲಸ ಕಳೆದುಕೊಳ್ಳುವ ಸಂಭವವಿರುತ್ತದೆ