ಟ್ರಾವೆಲ್ ಪ್ರಿಯರಿಗೆ ಯಾವುದು ಬೆಸ್ಟ್ ಜಾಬ್ ಗೊತ್ತಾ?

ಕ್ಯಾಂಡೀಡ್ ವೆಡ್ಡಿಂಗ್ ಫೋಟೋಗ್ರಾಫರ್

ತಮ್ಮ ಮದುವೆ ಎಲ್ಲರಿಗಿಂತಲೂ ಬೆಸ್ಟ್ ಆಗಬೇಕೆಂದು ಯಾರಿಗೆ ತಾನೇ ಇಷ್ಟ ಇರಲ್ಲ ಹೇಳಿ.ಕ್ಯಾಂಡೀಡ್ ಫೋಟೋಗ್ರಾಫರ್ಸ್ ಜೋಡಿಗಳ ಕೆಲವೊಂದು ಅಮೂಲ್ಯ ಕ್ಷಣಗಳನ್ನ ಹಾಗೂ ಣೋಡಿದವರ ಮನಸೆಳೆಯುವ ರೀತಿಯಲ್ಲಿ ಕ್ಯಾಂಡೀಡ್ ಆಗಿ ಫೋಟೋ ಕ್ಲಿಕ್ಕಿಸಿತ್ತಾರೆ. ಹಾಗಾಗಿ ನಿಮಗೂ ಕ್ಯಾಂಡೀಡ್ ಆಗಿ ಫೋಟೋ ಕ್ಲಿಕ್ಕಿಸುವ ಕಲೆ ತಿಳಿದ್ದರೆ ನೀವು ಕೂಡಾ ಈ ಜಾಬ್ ಗೆ ಟ್ರೈ ಮಾಡಬಹುದು. ಕೆಲವೊಂದು ಸಂಸ್ಥೆಗಳು ಟ್ರಾವೆಲ್ ಮಾಡಿ ಫೋಟೋ ಕ್ಲಿಕ್ಕಿಸುವ ಫೋಟೋಗ್ರಾಫರ್ ಗಳನ್ನ ಕ್ಯಾಂಡೀಡ್ ವೆಡ್ಡಿಂಗ್ ಫೋಟೋಗ್ರಾಫರ್ ಆಗಿ ನೇಮಿಸಿಕೊಳ್ಳುತ್ತಾರೆ, ಇವರು ಜೋಡಿಗಳು ಇರುವಲ್ಲಿಗೆ ಹೋಗಿ ಫೋಟೋ ಕ್ಲಿಕ್ಕಿಸಬೇಕಿರುತ್ತದೆ. ಇಂತಹ ಫೋಟೋಗ್ರಾಫರ್ ದೊಡ್ಡ ದೊಡ್ಡ ಸೆಲಬ್ರೇಶನ್ ಒಂದು ಭಾಗವಾಗಿರುತ್ತಾರೆ. ಗೋವಾ, ಸಿಂಗಾಪೂರ್ ಸೇರಿದಂತೆ ಹಲವಾರು ಫೇಮಸ್ ಲೊಕೇಶನ್‌ಗಳಲ್ಲಿ ಕೆಲವು ಮಂದಿ ಇದೀಗ ಥೀಮ್ಡ್ ವೆಡ್ಡಿಂಗ್ ಆಯ್ಕೆ ಮಾಡಿಕೊಳ್ಳುತ್ತಾರೆ. ಇಂತಹ ಟೈಂನಲ್ಲಿ ಜೋಡಿಗಳ ಜತೆ ಫೋಟೋಗ್ರಾಫರ್ಸ್ ಕೂಡಾ ತೆರಳಬೇಕಾಗುತ್ತದೆ.

ಟ್ರಾವೆಲ್ ಗೈಡ್/ಟೂರ್ ಆಪರೇಟರ್

ಟ್ರಾವೆಲ್ ಗೈಡ್ ಅಥವಾ ಟೂರ್ ಆಪರೇಟರ್ ಯಾರು ಇರುತ್ತಾರೆ ಎಂದ್ರೆ ಇವರು ಟೂರಿಸ್ಟ್ ಗಳಿಗೆ ಪ್ರವಾಸದ ಬಗ್ಗೆ ಗೈಡ್ ಮಾಡುವವರು ಆಗಿರುತ್ತಾರೆ. ಇವರು ಜಗತ್ತಿನಾದ್ಯಂತ ತಿರುಗಾರಬೇಕಾಗುತ್ತದೆ. ಅಷ್ಟೇ ಅಲ್ಲ ಇವರು ತಿರುಗಾಡುವುದಕ್ಕೂ ಕೂಡಾ ಸಂಪಾದನೆ ಪಡೆಯುತ್ತಾರೆ. ಟ್ರಾವೆಲ್ ಗೈಡ್ ಆಗಬೇಕಾದ್ರೆ ಏನು ಮುಖ್ಯವಾದ ಅರ್ಹತೆ ಇರಬೇಕು ಎಂದ್ರೆ ಅವರು ಗೈಡ್ ಮಾಡುವ ಜಾಗದ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿದುಕೊಂಡು, ಪ್ರತಿಯೊಂದು ಫ್ಯಾಕ್ಟ್ ಜತೆ ಸಂಪೂರ್ಣ ಮಾಹಿತಿ ಕ್ಲಿಯರ್ ಆಗಿ ನೀಡುವ ಟ್ಯಾಲೆಂಟ್ ಅವರಲ್ಲಿ ಇರಬೇಕು.

ಪುರಾತನಶಾಸ್ತ್ರಜ್ಞ

ಪುರಾತನಶಾಸ್ತ್ರಜ್ಞರು ಇತಿಹಾಸ ಹಿನ್ನೆಲೆ ಇರುವ ಸ್ಥಳಗಳಿಗೆ ಹೋಗಬೇಕಾಗುತ್ತದೆ. ಐತಿಹಾಸಿಕ ಸ್ಥಳಗಳಿಗೆ ಭೇಟಿ ನೀಡಿ ರಿಸರ್ಚ್ , ಅನಾಲೈಸ್ ಮಾಡಬೇಕಾಗುತ್ತದೆ. ಪುರಾತನ ಸ್ಥಳಗಳಿಗೆ ಭೇಟಿ ಮಾಡಿ, ಸರ್ವೇ ಮಾಡಿ ಸರ್ಕಾರಕ್ಕೆ ಮಾಹಿತಿ ನೀಡುವುದು ಇವರ ಕೆಲಸವಾಗಿರುತ್ತದೆ. ನೀವು ಟ್ರಾವೆಲ್ ಪ್ರಿಯರಾಗಿದ್ದರೆ ಈ ಹುದ್ದೆಗೆ ಟ್ರೈ ಮಾಡಬಹುದು.

ಅಂತಾರಾಷ್ಟ್ರೀಯ ಸ್ವಯಂ ಸೇವಕರು

ಹಿಂದುಳಿದ ರಾಷ್ಟಗಳನ್ನ ಅಭಿವೃದ್ಧಿ ಪಡಿಸಲು ಕೆಲವೊಂದು ಅಂತಾರಾಷ್ಟ್ರೀಯ ಮಟ್ಟದ ಸಂಘ ಸಂಸ್ಥೆಗಳು ಇರುತ್ತದೆ. ನೀವು ಅಂತಹ ಸಂಘಸಂಸ್ಥೆಗಳಿಗೆ ಸೇರಿದ್ದರೆ, ಸಿರಿಯಾ, ಅಫಘಾನಿಸ್ತಾನ ಹೀಗೆ ಹಿಂದುಳಿದ ರಾಷ್ಟ್ರಗಳಿಗೆ ಭೇಟಿ ನೀಡಿ, ಅಲ್ಲಿ ಸೇವೆ ಸಲ್ಲಿಸಬಹುದಾಗಿದೆ. ಪ್ರಾಕೃತಿಕ ವಿಕೋಪ ಸೇರಿದಂತೆ ಹಲವಾರು ಸಮಸ್ಯೆಗಳು ತಲೆ ದೋರಿದಾಗ ಇಂತಹ ಸಂಘ ಸಂಸ್ಥೆಗಳು ಸ್ವಯಂ ಸೇವಕರನ್ನ ಸೇವೆ ಮಾಡಲು ಅಲ್ಲಿಗೆ ಕಳುಹಿಸುತ್ತಾರೆ. ನೀವು ಟ್ರಾವೆಲ್ ಪ್ರಿಯರಾಗಿದ್ದರೆ ಇಂತಹ ಸಂಘಸಂಸ್ಥೆಗಳ ಜತೆ ಕೈ ಜೋಡಿಸಬಹುದು.