Short Term Courses After Class 12 : ಅಲ್ಪಾವಧಿಯಲ್ಲಿ ಅಧ್ಯಯನ ಮಾಡಬಹುದಾದ ಬೆಸ್ಟ್‌ ಕೋರ್ಸ್ ಗಳು

ಡಿಪ್ಲೊಮಾ ಇನ್ ಜಾಹೀರಾತು ಮತ್ತು ಮಾರ್ಕೆಟಿಂಗ್ ಸಂವಹನ:

ಜಾಹೀರಾತು ಮತ್ತು ಮಾರ್ಕೆಟಿಂಗ್ ಸಂವಹನಗಳಲ್ಲಿ ಡಿಪ್ಲೊಮಾ ವಿದ್ಯಾರ್ಹತೆ ಹೊಂದುವ ವಿದ್ಯಾರ್ಥಿಗಳು ಮಾಧ್ಯಮ ಸಂವಹನ, ಸಿದ್ಧಾಂತಗಳು, ಮಾದರಿಗಳು ಮತ್ತು ಜಾಹೀರಾತು ಪ್ರಚಾರಗಳನ್ನು ಹೇಗೆ ರಚಿಸುವುದು ಎಂಬುದರ ಕುರಿತು ಕಲಿಯುತ್ತಾರೆ. ಈ ಕೋರ್ಸ್‌ನಲ್ಲಿ ಸಂಸ್ಥೆಗಳು ಮತ್ತು ಅವರ ಗ್ರಾಹಕರ ನಡುವೆ ಇರುವ ಪರಸ್ಪರ ಕ್ರಿಯೆಯ ಉತ್ತಮ ಜ್ಞಾನವನ್ನು ಪಡೆಯುವುದರ ಮೇಲೆ ಕೇಂದ್ರೀಕರಿಸಲಾಗಿದೆ. ಕಾರ್ಪೊರೇಟ್ ಸಂವಹನದಲ್ಲಿ ಕೆಲಸ ಮಾಡಲು ಮತ್ತು ಯಶಸ್ವಿ ವೃತ್ತಿಜೀವನವನ್ನು ಹೊಂದಲು ಬಯಸುವ ಅಭ್ಯರ್ಥಿಗಳಿಗೆ ಈ ಪದವಿ ಸೂಕ್ತ.

ಡಿಪ್ಲೊಮಾ ಇನ್ ವೆಬ್ ಡಿಸೈನಿಂಗ್:

ವೆಬ್ ಡಿಸೈನ್ ಮತ್ತು ವೆಬ್ ಡೆವಲಪ್‌ಮೆಂಟ್ ಬಹುತೇಕ ವಲಯಗಳಲ್ಲಿ ಅಗತ್ಯವಾಗಿದೆ. ಅಗತ್ಯವಾದ ಜ್ಞಾನ ಮತ್ತು ಅನುಭವ ಹೊಂದಿರುವ ವೃತ್ತಿಪರರನ್ನು ಪ್ರತಿ ವ್ಯಾಪಾರವು ನಿರಂತರವಾಗಿ ಹುಡುಕುತ್ತಿರುತ್ತದೆ. ಹಾಗಾಗಿ 12 ನೇ ತರಗತಿಯ ನಂತರ ಮಾಡಬಹುದಾದ ಅತ್ಯಂತ ಜನಪ್ರಿಯ ಅಲ್ಪಾವಧಿ ಕೋರ್ಸ್‌ಗಳಲ್ಲಿ ಇದೂ ಕೂಡ ಒಂದಾಗಿದೆ.

 

ಡಿಪ್ಲೊಮಾ ಇನ್ ಹೋಟೆಲ್ ಮ್ಯಾನೇಜ್‌ಮೆಂಟ್:

ಪ್ರಸ್ತುತ ದಿನಗಳಲ್ಲಿ ಹೋಟೆಲ್ ಮತ್ತು ಆತಿಥ್ಯ ವಲಯದಲ್ಲಿನ ಬೇಡಿಕೆಗಳು ಹೆಚ್ಚುತ್ತಿದೆ. ಹಾಗಾಗಿ ಈ ಕ್ಷೇತ್ರದಲ್ಲಿ ಹಲವಾರು ಉದ್ಯೋಗಾವಕಾಶಗಳು ಉಂಟಾಗುವ ಸಾಧ್ಯತೆಗಳಿವೆ. ಆಸಕ್ತ ಅಭ್ಯರ್ಥಿಗಳು ಅಲ್ಪಾವಧಿಯಲ್ಲಿ ಡಿಪ್ಲೋಮಾ ಇನ್ ಹೋಟೆಲ್ ಮ್ಯಾನೇಜ್ಮೆಂಟ್ ಕೋರ್ಸ್ ಮಾಡಿದಲ್ಲಿ ಉತ್ತಮ ಉದ್ಯೋಗಗಳನ್ನು ಪಡೆದುಕೊಳ್ಳಬಹುದು.

ಡಿಪ್ಲೊಮಾ ಇನ್ 3D ಅನಿಮೇಷನ್:

2017ರ KPMG ವಿಶ್ಲೇಷಣೆಯ ಪ್ರಕಾರ 3D ಅನಿಮೇಷನ್ ಮತ್ತು VFX ವಲಯವು ಬಹು ಎತ್ತರ ಮಟ್ಟಕ್ಕೆ ಬೆಳೆಯುತ್ತಿದೆ ಮತ್ತು ಅಭಿವೃದ್ಧಿ ಹೊಂದುತ್ತಿದೆ. ಟೆಲಿವಿಷನ್ ಮತ್ತು ಚಲನಚಿತ್ರಗಳಲ್ಲಿ ಅನಿಮೇಷನ್ ಗೆ ಹೆಚ್ಚಿನ ಬೇಡಿಕೆಯಿದೆ. 12ನೇ ತರಗತಿಯ ನಂತರ ಅಲ್ಪಾವಧಿಯ ಕೋರ್ಸ್‌ಗಳನ್ನು ಹುಡುಕುತ್ತಿರುವವರಿಗೆ 3D ಅನಿಮೇಷನ್‌ನಲ್ಲಿ ಡಿಪ್ಲೊಮಾ ಉತ್ತಮ ಆಯ್ಕೆಯಾಗಿದೆ.