ಎಸ್‌ಎಸ್‌ಸಿ ಸಿಜಿಎಲ್ ಪರೀಕ್ಷೆ ಎದುರಿಸುವವರು ಈ ಕಾಮನ್ ಮಿಸ್ಟೇಕ್ಸ್ ನಿಂದ ದೂರವಿರಿ !

ಒಂದೇ ಟೈಂ ಎರೆಡೆರಡು ಪರೀಕ್ಷೆ:

ಯಾರೆಲ್ಲಾ ಎಸ್ಎಸ್‌ಸಿ ಸಿಜಿಎಲ್ ಪರೀಕ್ಷೆಗೆ ತಯಾರಾಗುತ್ತಿದ್ದಿರೋ, ಅವರಲ್ಲಿ ಹೆಚ್ಚಿನ ಮಂದಿ ಇತರೆ ಪರೀಕ್ಷೆಗಳನ್ನು ಕೂಡಾ ಎದುರಿಸಲಿದ್ದಾರೆ. ಆದ್ರೆ ನಿಮಗೆ ಒಂದು ವಿಚಾರ ಹೇಳ್ತೇವೆ ಕೇಳಿ, ಯಾವತ್ತೂ ಎರಡು ದೋಣಿಯಲ್ಲಿ ಕಾಲಿಡಲು ಸಾಧ್ಯವಿಲ್ಲ.

ಹಾಗಾಗಿ ನಾವು ನಿಮಗೆ ಏನು ಸಲಹೆ ನೀಡುತ್ತಿದ್ದೇವೆ ಅಂದ್ರೆ ಒಂದೇ ಪರೀಕ್ಷೆಯತ್ತ ಹೆಚ್ಚು ಫೋಕಸ್ ಮಾಡಿ. ಗುರಿಯಿಟ್ಟುಕೊಂಡು ಅದಕ್ಕಾಗಿ ಶ್ರಮವಹಿಸಿ. 

ಹಲವಾರು ರೆಫರೆನ್ಸ್ ಪುಸ್ತಕ ಓದುವುದು:

ಪ್ರಿಪರೇಶನ್ ಗೆ ಯಾವುದೇ ಕೊನೆ ಎಂಬುವುದಿಲ್ಲ. ಜನರಲ್ ಅವೇರ್‌ನೆಸ್ ಸೆಕ್ಷನ್ ಗೆ ಟೈಯರ್ -1 ಹಾಗೂ ಜನರಲ್ ಸ್ಟಡೀಸ್ ಸೆಕ್ಷನ್ ಟೈಯರ್ -2. ಒಂದೇ ಸಬ್‌ಜೆಕ್ಟ್ ಗೆ ಹಲವಾರು ಪುಸ್ತಕಗಳನ್ನ ಓದುವುದು ಒಳ್ಳೆಯ ಐಡಿಯಾ ಅಲ್ಲ. ಅದಕ್ಕಿಂತ ಒಂದು ಕ್ವಾಲಿಟಿ ಇರುವ ಪುಸ್ತಕ ಖರೀದಿಸಿ, ಓದಲು ಪ್ರಾರಂಭಿಸಿ. 

ಆನ್‌ಲೈನ್ ಮಾಕ್ ಟೆಸ್ಟ್ ಮಾಡಿಕೊಳ್ಳದೇ ಇರುವುದು:

ಆಫ್‌ಲೈನ್ ಗಿಂತ ಆನ್‌ಲೈನ್ ಎಕ್ಸಾಂ ಕಂಪ್ಲೀಟ್ ಡಿಫರೆಂಟ್ ಆಗಿರುತ್ತದೆ. ಎಸ್ಎಸ್‌ಸಿ ಸಿಜಿಎಲ್ ಪರೀಕ್ಷೆ ಇದೀಗ ಆನ್‌ಲೈನ್ ಪರೀಕ್ಷೆಯಾಗಿದೆ. ಆಫ್‌ಲೈನ್ ಪರೀಕ್ಷೆಯಲ್ಲಿ ಒಂದು ಪ್ರಶ್ನೆಗೆ ಉತ್ತರ ಗೊತ್ತಿಲ್ಲ ಅಂದ್ರೆ ಸ್ಕಿಪ್ ಮಾಡಿ ಮತ್ತೊಂದು ಪ್ರಶ್ನೆಗೆ ಉತ್ತರ ಬರೆಯಬಹುದು. ಮತ್ತೆ ಬೇಕಾದ್ರೆ ಮೊದಲು ಸ್ಕಿಪ್ ಮಾಡಿರುವ ಪ್ರಶ್ನೆಗೆ ಉತ್ತರ ಬರೆಯಬಹುದು. ಆದ್ರೆ ಆನ್‌ಲೈನ್ ಪರೀಕ್ಷೆಯಲ್ಲಿ ಅದು ಸಾಧ್ಯವಿಲ್ಲ.

ಒಂದೊಂದು ಪ್ರಶ್ನೆಗೆ ಕೇವಲ ಸೆಕೆಂಡ್ಸ್ ಟೈಂ ಇರುತ್ತದೆ. ಬಳಿಕ ತನ್ನಂತಾನೆ ಕ್ಲೋಸ್ ಆಗುತ್ತದೆ. ಹಾಗಾಗಿ ಆನ್‌ಲೈನ್ ಪರೀಕ್ಷೆಗೆ ಆನ್‌ಲೈನ್ ಮೂಲಕ ಪ್ರ್ಯಾಕ್ಟೀಸ್ ಮಾಡಿಕೊಳ್ಳಿ.

ತಪ್ಪು ಉತ್ತರ ಬರೆಯುವುದು ತಪ್ಪಿಸಿಕೊಳ್ಳಿ:

ಎಸ್‌ಎಸ್‌ಸಿ ಸಿಜಿಎಲ್ ಪರೀಕ್ಷೆಗೆ ಕೇಳಿರುವ ಎಲ್ಲಾ ಪ್ರಶ್ನೆಗೆ ಉತ್ತರ ಬರೆಯುವುದು ಒಳ್ಳೆಯ ವಿಚಾರ. ಆದ್ರೆ ನೆಗೇಟಿವ್ ಅಂಕಗಳು ಇರುತ್ತದೆ. ಪ್ರತಿ ತಪ್ಪು ಉತ್ತರಕ್ಕೆ 0.50 ಅಂಕಗಳನ್ನ ಕಳೆಯಲಾಗುತ್ತದೆ. ಹಾಗಾಗಿ ಸರಿಯಾಗಿ ಉತ್ತರ ಗೊತ್ತಿದ್ರೆ ಮಾತ್ರ ಯೋಚಿಸಿ ಬರೆಯಿರಿ.

ಕೊನೆಯಲ್ಲಿ ಪ್ರಮುಖ ಟಾಪಿಕ್ ಓದಿಕೊಳ್ಳುವುದು:

ಯಾವಾಗಲೂ ಸ್ಮಾರ್ಟ್ ಆಗಿ ಪ್ರಿಪರೇಶನ್ ಮಾಡಿಕೊಳ್ಳಿ. ಹಳೆಯ ಪ್ರಶ್ನಾಪತ್ರಿಕೆಯನ್ನ ರಿವಿಜನ್ ಮಾಡಿಕೊಳ್ಳಿ. ಪ್ರಮುಖ ಪ್ರಶ್ನೆಗಳನ್ನ ಕೊನೆಯಲ್ಲಿ ಓದುವುದಕ್ಕಿಂತ ಮೊದಲೇ ಓದಿ ಮುಗಿಸುವುದು ಬೆಸ್ಟ್.