ಫಸ್ಟ್ ಡೇ ಜಾಬ್ ತಯಾರಿ ಹೇಗಿರಬೇಕು ಗೊತ್ತಾ ?

ನಿಮ್ಮ ಜಾಬ್ ಪ್ರೊಫೈಲ್ ಗೆ ತಕ್ಕಂತೆ ಸ್ಟಡಿ ಮಾಡಿಕೊಳ್ಳಿ:

ಹೌದು ಜಾಬ್ ಪ್ರೊಫೈಲ್ ಗೆ ತಕ್ಕಂತೆ ಸ್ಟಡಿ ಮಾಡಿಕೊಳ್ಳಿ ಎಂದ ತಕ್ಷಣ ಮತ್ತೆ ಕಾಲೇಜಿನಲ್ಲಿ ಓದಿದ ಪುಸ್ತಕಗಳನ್ನ ಹುಡುಕಾಡಲು ಹೆಣಗಾಡಬೇಡಿ. ಬದಲಿಗೆ ಗೂಗಲ್ ಮೊರೆ ಹೋಗಿ. ನಿಮ್ಮ ಫಸ್ಟ್ ಜಾಬ್ ಬಗ್ಗೆ ಸರ್ಚ್ ಮಾಡಿ. ಅಷ್ಟೇ ಅಲ್ಲ ನೋಟ್ ಕೂಡಾ ಮಾಡಿಕೊಳ್ಳಿ. ಇದರಿಂದ ಜಾಬ್ ಗೆ ಸೇರಿದ ಮೊದಲ ದಿನವೇ ಯಾರಾದ್ರೂ ಇಂದು ಏನು ಮಾಡುತ್ತೀಯಾ ಎಂದು ಪ್ರಶ್ನಿಸಿದ್ರೆ ಆರಾಮವಾಗಿ ನೀವು ಉತ್ತರಿಸಬಹುದು.

ಅದೇ ಫೀಲ್ಡ್ ನ ಜನರನ್ನ ಮೀಟ್ ಮಾಡಿ ಮಾತನಾಡಿ:

ಇದು ಬೆಸ್ಟ್ ವಿಚಾರ. ಯಾಕೆಂದ್ರೆ ಅದೇ ಫೀಲ್ಡ್‌ನಲ್ಲಿ ಈಗಾಗಲೇ ಕೆಲಸ ಮಾಡುತ್ತಿರುವವರು, ಆ ಜಾಬ್ ಬಗ್ಗೆ ಚೆನ್ನಾಗಿ ತಿಳಿದುಕೊಂಡಿರುತ್ತಾರೆ. ಜಾಬ್ ಚ್ಯಾಲೇಂಜಸ್, ಟಾಸ್ಕ್, ಕಷ್ಟಗಳು ಹೀಗೆ ಜಾಬ್ ಗೆ ಸಂಬಂಧಪಟ್ಟ ಯಾವುದೇ ಸಂದೇಹ ವಿದ್ದರೂ ಇವರ ಬಳಿ ಅದಕ್ಕೆ ಸರಿಯಾದ ಉತ್ತರವಿರುತ್ತದೆ. ಇವರು ಯಾವುದೇ ಟಾಸ್ಕ್ ಆದ್ರೂ ಸರಿ ಅದನ್ನ ಪ್ರ್ಯಾಕ್ಟಿಕಲ್ ಆಗಿ ಹೇಗೆ ಹ್ಯಾಂಡಲ್ ಮಾಡಬಹುದು ಎಂದು ತಿಳಿಸಿಕೊಡುತ್ತಾರೆ.

More Read: ಈ 8 ವಿಧಾನ ಮೂಲಕ ಸುಲಭವಾಗಿ ಹಣ ಸಂಪಾದನೆ ಮಾಡಬಹುದು!

ಇತರ ಉದ್ಯೋಗಿಗಳ ಕೆಲಸದ ಮೊದಲ ಅನುಭವ ಕೇಳಿಕೊಳ್ಳಿ

ಈಗಾಗಲೇ ಅದೇ ಫೀಲ್ಡ್‌ನಲ್ಲಿ ಕೆಲಸ ಮಾಡುತ್ತಿರುವವರ ಪರಿಚಯ ನಿಮಗೆ ಇದ್ದಲ್ಲಿ, ಅವರ ಬಳಿ ಅವರ ಮೊದಲ ದಿನದ ಕೆಲಸದ ಅನುಭವ ಕೇಳಿ ತಿಳಿದುಕೊಳ್ಳಿ. ಮೊದಲ ದಿನ ಅವರು ಏನೆಲ್ಲಾ ಕೆಲಸ ಮಾಡಿದ್ದರೂ, ಅವರಿಗೆ ಆ ದಿನ ಹೇಗನಿಸಿತ್ತು ಎಂದು ಕೇಳಿ ಮಾಹಿತಿ ಪಡೆಯಿರಿ. ಇದರಿಂದ ನೀವು ಮೊದಲ ದಿನ ಯಾವ ರೀತಿ ತಯಾರು ಮಾಡಿಕೊಳ್ಳಬಹುದು ಎಂದು ತಿಳಿದುಕೊಳ್ಳಬಹುದು.

ಪ್ರ್ಯಾಕ್ಟಿಕಲ್ ಆಗಿ ಯೋಚಿಸಿ

ಕಾಲೇಜಿನಲ್ಲಿ ಕಲಿತಿರುವುದೆಲ್ಲಾ ಬರೀ ಥಿಯರಿ ಆಗಿರುತ್ತದೆ. ಹಾಗಾಗಿ ಮೊದಲ ದಿನ ಜಾಬ್ ಗೆ ತೆರಳುವ ಮುನ್ನ ಸ್ವಲ್ಪ ಪ್ರ್ಯಾಕ್ಟಿಕಲ್ ಆಗಿ ಯೋಚಿಸಿ. ಜಾಬ್ ಬಗ್ಗೆ ಥಿಯರಿ ಓದುದರ ಬದಲು, ಪ್ರ್ಯಾಕ್ಟಕಿಲ್ ಆಗಿ ಯೋಚಿಸಿ, ಅರ್ಥ ಮಾಡಿಕೊಳ್ಳುವುದು ತುಂಬಾ ಅಗತ್ಯವಿದೆ.

More Read: ಆಫೀಸ್‌ನಲ್ಲಿ ಬಾಸ್ ಗಮನ ನಿಮ್ಮತ್ತ ಸೆಳೆಯುವುದು ಹೇಗೆ?

ಓವರ್ ಸ್ಟ್ರೆಸ್ ಆಗಿರದೇ ಕೆಲಸ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳಿ

ಯಾವುದೇ ತಯಾರಿ ಮಾಡಿಕೊಳ್ಳದೇ ಮೊದಲ ಜಾಬ್ ಗೆ ತೆರಳುವಾಗ ಸಾಮಾನ್ಯವಾಗಿ ಜನರು ಹೆಚ್ಚು ಸ್ಟ್ರೆಸ್ ಗೆ ಒಳಗಾಗುತ್ತಾರೆ. ಹಾಗಾಗಿ ಯಾವುದೇ ಕಾರಣಕ್ಕೂ ಆ ತಪ್ಪು ಮಾಡಲು ಹೋಗಬೇಡಿ. ಬದಲಿಗೆ ಹೋಗುವ ಮೊದಲು ಸ್ವಲ್ಪ ಹಾರ್ಡ್ ವರ್ಕ್ ಮಾಡಿ ಆ ಜಾಬ್ ಬಗ್ಗೆ ಸ್ಟಡಿ ಮಾಡಿಕೊಳ್ಳಿ. ಮೊದಲ ದಿನ ಯಾವುದೇ ವಾತಾವರಣ ನಿಮ್ಮ ಮುಂದೆ ಸೃಷ್ಟಿಯಾಗ ಬಹುದು ಅದರ ಬಗ್ಗೆ ಟೆನ್ಶನ್ ಮಾಡಿಕೊಳ್ಳಬೇಡಿ ಬದಲಿಗೆ ಕೂಲ್ ಆಗಿ ಹ್ಯಾಂಡಲ್ ಮಾಡಿ.