ಎಫ್‌ಡಿಎ ಮತ್ತುಎಸ್‌ಡಿಎ ಪರೀಕ್ಷೆಗಳ ತಯಾರಿ ಹೀಗೆ ಮಾಡಿ

By Kavya

ಕೆಪಿಎಸ್‌ಸಿ ನಡೆಸುವ ಎಫ್‌ಡಿಎ ಮತ್ತು ಎಸ್‌ಡಿಎ ಪರೀಕ್ಷೆಗಳಿಗೆ ಅರ್ಜಿ ಸಲ್ಲಿಸುತ್ತಿರುವ ಅಭ್ಯರ್ಥಿಗಳು ಪರೀಕ್ಷೆಗೆ ಹೇಗೆ ತಯಾರಾಗಬೇಕು ಮತ್ತು ಯಾವ ವಿಷಯಗಳನ್ನು ಓದಬೇಕು ಅಂತ ತಲೆಕೆಡಿಸಿಕೊಳ್ಳುತ್ತಿದ್ದೀರಾ? ಸಿಕ್ಕ ಸಿಕ್ಕ ಪುಸ್ತಕಗಳನ್ನೆಲ್ಲಾ ಓದಲು ಶುರು ಮಾಡಿದ್ದೀರಾ? ಪ ರೀಕ್ಷೆಗೆ ಏನೆಲ್ಲಾ ಪ್ರಶ್ನೆಗಳು ಬರಬಹುದು ಅಂತ ಚಿಂತಿಸುತ್ತಿದ್ದೀರಾ? ಹಾಗಿದ್ರೆ ಇಲ್ಲಿ ಕೇಳಿ ನೀವು ಪರೀಕ್ಷೆಗೆ ತಯಾರಾಗಲು ಬೇಕಿರುವ ಕಂಪ್ಲೀಟ್ ಮಾಹಿತಿಯನ್ನು ನಾವು ನೀಡಲಿದ್ದೇವೆ.

ಪರೀಕ್ಷೆಗೆ ಯಾವೆಲ್ಲಾ ವಿಷಯಗಳು ಮುಖ್ಯ:

ಪರೀಕ್ಷೆಗೆ ಯಾವೆಲ್ಲಾ ವಿಷಯಗಳು ಮುಖ್ಯ ಮತ್ತು ಯಾವೆಲ್ಲಾ ವಿಷಯಗಳನ್ನು ಓದಬೇಕಿದೆ ಅನ್ನುವುದನ್ನು ಇಲ್ಲಿ ತಿಳಿಯಿರಿ

*ಭಾರತದ ಇತಿಹಾಸ, ಪ್ರಮುಖ ಘಟನೆ ಗಳು, ಸ್ವಾತಂತ್ರ್ಯ ಸಂಗ್ರಾಮ, ಸ್ವಾತಂತ್ರ್ಯೋತ್ತರ ಭಾರತ

*ಕರ್ನಾಟಕದ ಇತಿಹಾಸ, ಪರಂಪರೆ, ಸಾಹಿತ್ಯ-ಸಂಸ್ಕೃತಿ ಇತ್ಯಾದಿ

*ಭಾರತೀಯ ಸಂಸ್ಕೃತಿ, ಸಾಹಿತ್ಯ, ಭೌಗೋಳಿಕತೆ, ಪರಂಪರೆ, ನೈಸರ್ಗಿಕ ಸಂಪನ್ಮೂಲ, ಕೃಷಿ, ಶಿಕ್ಷಣ

*ಸಾರ್ವಜನಿಕ ಉದ್ಯಮಗಳು, ಆರ್ಥಿಕತೆ, ಪ್ರಮುಖ ಹುದ್ದೆಯಲ್ಲಿರುವ ವ್ಯಕ್ತಿಗಳು.

*ಸಂವಿಧಾನ, ಯೋಜನೆಗಳು, ನೀತಿಗಳು, ಕೇಂದ್ರ ಮತ್ತು ರಾಜ್ಯ ಸರಕಾರದಲ್ಲಿನ ಪ್ರಮುಖರು, ಬದಲಾದ ಧೋರಣೆಗಳು

*ರಾಜ್ಯ, ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಪ್ರಶಸ್ತಿಗಳು, ಪುರಸ್ಕಾರಗಳು ಹಾಗೂ ಪಡೆದ ಗಣ್ಯರು. ಪ್ರಖ್ಯಾತ ಕೃತಿಗಳು ಮತ್ತು ಕೃತಿಕಾರರು, ಪಡೆದ ಪ್ರಶಸ್ತಿಗಳು

*ಕ್ರೀಡೆ, ಕ್ರೀಡಾಕೂಟಗಳು, ಸಂಗೀತ, ಕಲೆ ,ಸಿನಿಮಾ, ಜನಪದ, ಈ ಕ್ಷೇತ್ರದಲ್ಲಿನ ವಿದ್ಯಮಾನಗಳು.

*ವಿಶ್ವದ ಸಂಕ್ಷಿಪ್ತ ಇತಿಹಾಸ, ಪ್ರಮುಖ ಘಟನೆಗಳು, ಚಳವಳಿಗಳು ಇತ್ಯಾದಿ

*ಪ್ರಮುಖ ಸಂಶೋಧನೆ, ಮೂಲ ವಿಜ್ಞಾನ, ವೈಜ್ಞಾನಿಕ ಸಂಶೋಧನೆ.

*ಪ್ರಚಲಿತ ವಿದ್ಯಮಾನ, ವಿದೇಶಿ ನೀತಿ, ಅಂತಾರಾಷ್ಟ್ರೀಯ ಸಂಬಂಧ ಇತ್ಯಾದಿ.

ಇದಿಷ್ಟೂ ಪರೀಕ್ಷೆಯಲ್ಲಿ ಕೇಳಲಾಗುವ ವಿಷಯಗಳು ಈ ವಿಷಯಗಳನ್ನ ಅಭ್ಯರ್ಥಿಗಳು ಯತೇಚ್ಛವಾಗಿ ಅಧ್ಯಯನವನ್ನು ಕೈಗೊಂಡಲ್ಲಿ ಖಂಡಿತವಾಗಿ ಉತ್ತಮ ಫಲಿತಾಂಶ ಲಭಿಸುವುದು. ಇನ್ನೂ ಈ ವಿಷಯಗಳನ್ನ ಯಾವ ರೀತಿಯಾಗಿ ಓದಬೇಕು ಅನ್ನೋದನ್ನ ಇಲ್ಲಿ ತಿಳಿಸ್ತೇವೆ

 

 

ಓದುವಾದ ಪ್ರಮುಖ ವಿಷಯಗಳನ್ನ ನೋಟ್ ಮಾಡಿ:

ಅಭ್ಯರ್ಥಿಗಳು ಯಾವುದೇ ವಿಷಯವನ್ನು ಓದುವಾಗ ಪ್ರಮುಖವಾದುದನ್ನು ಗುರುತು ಮಾಡಿ ಅದನ್ನು ಬರೆದಿಡಿ. ಪ್ರತಿ ವಿಷಯಕ್ಕೂ ಪ್ರತ್ಯೇಕ ನೋಟ್ ಮಾಡಿಡುವುದು ಉತ್ತಮ ಏಕೆಂದರೆ ಮುಂದೆ ಅನೇಕ ಪರೀಕ್ಷೆಗಳಿಗೂ ನೀವು ನೋಟ್ ಮಾಡಿರುವ ಮಾಹಿತಿಗಳು ಉಪಯುಕ್ತವಾಗಬಹುದು. ಅಲ್ಲದೆ ಯಾವುದೇ ವಿಚಾರವನ್ನು ಓದಿದಾಗಿಗಿಂತಲೂ ಒಮ್ಮೆ ಬರೆದಾಗ ಆ ವಿಷಯ ಹೆಚ್ಚು ನೆನಪಿನಲ್ಲಿ ಉಳಿಯುತ್ತದೆ ಹಾಗಾಗಿ ಪ್ರಮುಖ ವಿಷಯಗಳನ್ನು ನೋಟ್ ಮಾಡಿಟ್ಟುಕೊಳ್ಳಿ ಇದರಿಂದ ಪರೀಕ್ಷಾ ಸಮಯದಲ್ಲಿ ಕೂಡ ಹೆಚ್ಚು ಪ್ರಯೋಜನವಾಗಲಿದೆ.

ದಿನಪತ್ರಿಕೆಗಳನ್ನು ಓದಿ:

ಅಭ್ಯರ್ಥಿಗಳು ಅನೇಕ ಪುಸ್ತಕಗಳನ್ನು ಓದುವ ಜೊತೆಗೆ ದಿನಪತ್ರಿಕೆಗಳನ್ನು ಓದುವುದು ಮುಖ್ಯವಾಗಿದೆ. ಪ ರೀಕ್ಷೆಯ ಪತ್ರಿಕೆಗಳಲ್ಲಿ ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನವನ್ನೊಳಗೊಂಡ ಪ್ರಶ್ನೆ ಗಳು ಇರುತ್ತವೆ ಹಾಗಾಗಿ ಅಭ್ಯರ್ಥಿಗಳು ದಿನಪತ್ರಿಕೆಯನ್ನು ಓದುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ಆದಷ್ಟು ಪತ್ರಿಕೆಯನ್ನ ಓದಿದ ಬಳಿಕವೇ ಪ್ರಮುಖ ವಿಷಯಗಳನ್ನು ನೋಟ್ ಮಾಡಿ ಇಡಿ. ಇದು ಎಫ್‌ಡಿಎ ಮತ್ತು ಎಸ್‌ಡಿಎ ಪರೀಕ್ಷೆಗಳಿಗೆ ಮಾತ್ರ ಅಲ್ಲದೇ ಅನೇಕ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೂ ಕೂಡ ಸಹಾಯಕವಾಗುವುದು.

 

 

ಹೈಸ್ಕೂಲ್ ಪಠ್ಯಕ್ರಮಗಳನ್ನು ಒಮ್ಮೆ ಗಮನಿಸಿ:

ಈ ಸ್ಪರ್ಧಾತ್ಮಕ ಪರೀಕ್ಷೆಗಳು ನಾವು ಶೈಕ್ಷಣಿಕ ಹಂತದಲ್ಲಿ ಓದಿರುವ ಪಠ್ಯಕ್ರಮ ಆಧಾರಿತ ಪ್ರಶ್ನೆಗಳನ್ನೇ ಹೆಚ್ಚು ಒಳಗೊಂಡಿರುತ್ತವೆ. ಹಾಗಾಗಿ ಶಾಲಾ ಪಠ್ಯಕ್ರಮಗಳನ್ನು ಓದುವುದು ಮತ್ತು ಮುಖ್ಯ ವಿಷಯಗಳನ್ನು ನೋಟ್ ಮಾಡಿ. ಒಮ್ಮೆಲೇ ಎಲ್ಲವೂ ಓದಲಸಾಧ್ಯವಾದುದರಿಂದ ಪ್ರತಿನಿತ್ಯ ವಿಷಯಗಳನ್ನು ಓದಲು ಟೈಂ ಟೇಬಲ್ ಹಾಕಿಕೊಳ್ಳಿ.

 

 

ಹಿಂದಿನ ಪ್ರಶ್ನೆ ಪತ್ರಿಕೆಗಳನ್ನು ಗಮನಿಸಿ:

ಕಳೆದ ವರುಷ ನಡೆದ ಪರೀಕ್ಷೆಯಲ್ಲಿ ಯಾವೆಲ್ಲಾ ಪ್ರಶ್ನೆಗಳನ್ನು ಕೇಳಲಾಗಿದೆ ಎಂಬುದನ್ನು ನೋಟ್ ಮಾಡಿ ಇದರಿಂದ ನಿಮಗೆ ಯಾವ ವಿಷಯಗಳನ್ನು ಅಧಿಕವಾಗಿ ಕೇಳಲಾಗಿದೆ ಮತ್ತು ಪರೀಕ್ಷಾ ಪಠ್ಯಕ್ರಮ ಹೇಗಿದೆ ಎಂಬುದನ್ನು ಅರಿಯಲು ಸಹಾಯಕವಾಗುವುದು.

 

 

ನೀವು ಓದುವುದಲ್ಲದೇ ಇತರರೊಂದಿಗೆ ಚರ್ಚಿಸಿ:

ಅಭ್ಯರ್ಥಿಗಳು ಯಾವುದೇ ಪರೀಕ್ಷೆಗಳನ್ನು ತೆಗೆದುಕೊಂಡಾಗ ಪ್ರತಿನಿತ್ಯ ಓದುವುದು ಮತ್ತು ಪ್ರಮುಖವಾದ ವಿಷಯಗಳನ್ನು ನೋಟ್ ಮಾಡಿಕೊಳ್ಳುವುದರ ಜೊತೆಗೆ ಓದಿದನ್ನು ಇತರರೊಡನೆ ಚರ್ಚಿಸಿ ಆಗ ಓದಿದ ವಿಷಯವು ಇನ್ನಷ್ಟು ಆಳವಾಗಿ ನೆನಪಿನಲ್ಲಿ ಉಳಿಯುವುದರ ಜೊತೆಗೆ ಚರ್ಚೆ ನಡೆಸಿದಾಗ ಇತರರಿಂದ ಇನ್ನಷ್ಟು ಉಪಯುಕ್ತ ಮಾಹಿತಿ ಸಿಗುತ್ತದೆ.

 

 

ಸ್ನೇಹಿತರ ಸಹಾಯ ತೆಗೆದುಕೊಳ್ಳಿ:

ಈಗಾಗಲೇ ಈ ಪರೀಕ್ಷೆಯನ್ನು ತೆಗೆದುಕೊಂಡ ಸ್ನೇಹಿತರು ಅಥವಾ ಈಗಾಗಲೇ ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ಉತ್ತಮ ಉದ್ಯೋಗದಲ್ಲಿರುವವರ ಸಹಾಯ ತೆಗೆದುಕೊಳ್ಳಿ. ಅವರೊಡನೆ ಈ ಬಗೆಗೆ ಚರ್ಚಿಸಿ ಮತ್ತು ಪರೀಕ್ಷೆಯನ್ನು ಹೇಗೆ ಎದುರಿಸಬೇಕೆಂಬ ಮಾರ್ಗದರ್ಶನ ಪಡೆದುಕೊಳ್ಳಿ.

ಸಮಯ ನಿರ್ವಹಣೆಯನ್ನು ಅರಿತುಕೊಳ್ಳಿ:

ಪರೀಕ್ಷೆಯನ್ನು ತೆಗೆದುಕೊಳ್ಳುವ ಪ್ರತಿಯೊಬ್ಬ ಅಭ್ಯರ್ಥಿಯು ಸಮಯ ನಿರ್ವಹಣೆ ಮಾಡುವುದನ್ನು ಅರಿಯುವುದು ಪ್ರಮುಖವಾದುದು. ಪ ರೀಕ್ಷಾ ಸಮಯದಲ್ಲಿ ಅಥವಾ ಪರೀಕ್ಷೆಗೆ ತಯಾರಾಗುವ ಸಂದರ್ಭದಲ್ಲಿಯೇ ಆಗಲಿ ಸಮಯ ನಿರ್ವಹಣೆಯ ಬಗೆಗೆ ಕೂಡ ತಿಳಿದಿರುವುದು ಒಳಿತು.

ಇದಿಷ್ಟು ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡು ಅಭ್ಯರ್ಥಿಗಳು ನಿರಂತರ ಅಧ್ಯಯನ ನಡೆಸಿದ್ದಲ್ಲಿ ಉತ್ತಮ ಫಲಿತಾಂಶ ಲಭಿಸುತ್ತದೆ . ಇದರ ಜೊತೆಗೆ ಅಭ್ಯರ್ಥಿಗಳು ತಮ್ಮ ಆರೋಗ್ಯದ ಬಗೆಗೆ ಹೆಚ್ಚಿನ ಕಾಳಜಿ ವಹಿಸುವುದು ಕೂಡ ಅತ್ಯಗತ್ಯವಾದ ವಿಚಾರವಾಗಿರುತ್ತದೆ. ಹಾಗಾಗಿ ಅಭ್ಯರ್ಥಿಗಳು ಈ ವಿಚಾರಗಳ ಬಗೆಗೆ ಎಚ್ಚರವಹಿಸುವುದರ ಜೊತೆಗೆ ಅಧ್ಯಯನ ಕೈಗೊಳ್ಳುವುದು ಉತ್ತಮ.

 

 

For Quick Alerts
ALLOW NOTIFICATIONS  
For Daily Alerts

    English summary
    Here we are sharing the exam preparation tips for FDA and SDA exams. Take a look.SDA and FDA exams.
    --Or--
    Select a Field of Study
    Select a Course
    Select UPSC Exam
    Select IBPS Exam
    Select Entrance Exam

    ವೃತ್ತಿ ಬದುಕಿನ ಉತ್ತಮ ಅವಕಾಶಕ್ಕಾಗಿ, ಶಿಕ್ಷಣ, ವೃತ್ತಿ ಮತ್ತು ಉದ್ಯೋಗಕ್ಕೆ ಸಂಬಂಧಿಸಿದ ಇತ್ತೀಚಿನ ಮಾಹಿತಿಗಳನ್ನು ಪಡೆಯಿರಿ
    Kannada Careerindia

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Careerindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Careerindia website. However, you can change your cookie settings at any time. Learn more