Lovlina Borgohain : ಲೊವ್ಲಿನಾ ಯಾರು ? ಟೋಕಿಯೊ ಕಂಚು ಪದಕ ಗೆಲ್ಲುವ ಆಕೆಯ ಹಿಂದಿನ ಹಾದಿ ಹೇಗಿತ್ತು ?

ಟೋಕಿಯೋ ಒಲಿಂಪಿಕ್ಸ್ 2020 ಅಲ್ಲಿ ಭಾರತಕ್ಕೆ ಮತ್ತೊಂದು ಜಯ ಸಿಕ್ಕಿದೆ. ಟೋಕಿಯೋ ಒಲಿಂಪಿಕ್ಸ್‌ ಕ್ರೀಡಾಕೂಟದ 69 ಕೆ.ಜಿ. ವಿಭಾಗದ ಸೆಮಿಫೈನಲ್‌ನಲ್ಲಿ ಭಾರತದ ಅಸ್ಸಾಂನ ಯುವ ಮಹಿಳಾ ಲೊವ್ಲಿನಾ ಬೊರ್ಗೊಹೈನ್‌ ಹಾಲಿ ವಿಶ್ವ ಚಾಂಪಿಯನ್‌ ಟರ್ಕಿಯ ಬುಸಾನೆಜ್‌ ಸುರ್ಮೆನೆಲಿ ಎದುರು 5-0 ಅಂಕಗಳ ಅಂತರದಲ್ಲಿ ಎಡವಿದ್ದು, ಕಂಚಿನ ಪದವನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಒಲಿಂಪಿಕ್ಸ್‌ ಇತಿಹಾಸದಲ್ಲಿ ಪದಕ ಗೆದ್ದ ಭಾರತದ ಮೂರನೇ ಬಾಕ್ಸರ್ ಎನ್ನುವ ಕೀರ್ತಿಗೆ ಲೊವ್ಲಿನಾ ಬೊರ್ಗೊಹೈನ್‌ ಭಾಜನರಾಗಿದ್ದಾರೆ. ಈ ಮೊದಲು ವಿಜೇಂದರ್‌ ಸಿಂಗ್‌ (2008) ಹಾಗೂ ಮೇರಿ ಕೋಮ್‌ (2012) ಕಂಚಿನ ಪದಕವನ್ನು ಜಯಿಸಿದ್ದರು.

ಟೋಕಿಯೋ ಒಲಂಪಿಕ್ಸ್ ನಲ್ಲಿ ಲೊವ್ಲಿನಾ ಹೆಸರು ಕೇಳಿಬರುತ್ತಿದ್ದಂತೆಯೇ ಅವರ ತವರೂರಲ್ಲಿ ಅಸ್ಸಾಂ ಸರ್ಕಾರ ಎರಡನೇ ಬಾರಿ ರಸ್ತೆ ನಿರ್ಮಾಣ ಕಾರ್ಯ ಆರಂಭಿಸಿದೆ.

ಈ ಲೊವ್ಲಿನಾ ಯಾರು, ಆಕೆ ಎಲ್ಲಿಯವಳು , ಅವರ ಬದುಕಿನ ಹಾದಿ ಹೇಗಿತ್ತು ಮತ್ತು ಟೋಕಿಯೊ ಒಲಂಪಿಕ್ಸ್ ನ ಜರ್ನಿ ಬಗ್ಗೆ ನೀವು ತಿಳಿದುಕೊಂಡರೆ ಖಂಡಿತಾ ಅಚ್ಚರಿಗೊಳಗಾಗುತ್ತೀರಾ. ಲೊವ್ಲಿನಾ ಬದುಕು ಇನ್ನ್ನೊಬ್ಬರಿಗೆ ಸ್ಪೂರ್ತಿದಾಯಕವಾಗಿದೆ ಏಕೆ ಅಂತೀರಾ ಇಲ್ಲಿದೆ ಮಾಹಿತಿ.

ಒಲಂಪಿಕ್ ಪದಕ ಗೆಲ್ಲಲು ಭತ್ತದ ಗದ್ದೆಯಲ್ಲಿ ಕೆಲಸ :

ಕಳೆದ ವರ್ಷ ಲಾಕ್‌ಡೌನ್ ಸಮಯದಲ್ಲಿ ಲೊವ್ಲಿನಾ ತನ್ನ ತಂದೆ ಟಿಕೆನ್ ಬೊರ್ಗೊಹೈನ್‌ಗೆ ಭತ್ತದ ಗದ್ದೆಗಳಲ್ಲಿ ಸಹಾಯ ಮಾಡುತ್ತಿದ್ದಳು. ಆಕೆಯ ತಂದೆ ಅವಳ ಬೇರುಗಳೊಂದಿಗೆ ಸಮನ್ವಯದಲ್ಲಿರಲು ಸಹಾಯ ಮಾಡುತ್ತದೆ ಎಂದು ಹೇಳುತ್ತಾರೆ.

"ಭತ್ತದ ಗದ್ದೆಯಲ್ಲಿ ಕೆಲಸ ಮಾಡುವುದು ಅವಳಿಗೆ ಹೊಸ ವಿಷಯವಲ್ಲ. ಅವಳು ಇದನ್ನು ಬಹಳ ಸಮಯದಿಂದ ಮಾಡುತ್ತಿದ್ದಾಳೆ. ಇದನ್ನು ಮಾಡಬೇಡಿ ಎಂದು ನಾವು ಅವಳಿಗೆ ಹೇಳಿದ್ದೇವೆ ಆದರೂ ಆಕೆ ಸಹಾಯ ಮಾಡುತ್ತಾಳೆ" ಎಂದು ಟಿಕೆನ್ ಬೊರ್ಗೊಹೈನ್ ಹೇಳಿದ್ದಾರೆ.

ಲೊವ್ಲಿನಾ ನಡೆದು ಬಂದ ಹಾದಿ ಅಷ್ಟೊಂದು ಸುಲಭವಾದುದಲ್ಲ, ಒಲಿಂಪಿಕ್ ಪದಕ ಗೆಲ್ಲಲು ಆಕೆ ಹಲವಾರು ತೊಂದರೆಗಳನ್ನು ದಾಟಿ ಬಂದಿದ್ದಾಳೆ.

ಕಳೆದ ವರ್ಷ ಜುಲೈನಲ್ಲಿ ಆಕೆಯ ನೆಚ್ಚಿನ ಗೆಳತಿಯರೆಲ್ಲರೂ ಪಟಿಯಾಲಾದ ರಾಷ್ಟ್ರೀಯ ಶಿಬಿರದಲ್ಲಿ ಪಾಲ್ಗೊಂಡಿದ್ದರು. ಆದರೆ ಲೊವ್ಲಿನಾ ಮಾತ್ರ ಅನಾರೋಗ್ಯಕ್ಕೆ ಒಳಗಾದ ತನ್ನ ತಾಯಿಗೆ ಸಹಾಯ ಮಾಡುವುದರಲ್ಲಿ ನಿರತರಾಗಿದ್ದರು.

ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಹಿನ್ನಡೆ :

ಸಾಂಕ್ರಾಮಿಕ ರೋಗವು ಎಲ್ಲೆಡೆ ಹರಡಿದ್ದ ಕಾರಣ ಭಾರತದಲ್ಲಿ ಶಿಬಿರಗಳು ತೆರೆದ ನಂತರವೂ ಬಾಕ್ಸರ್‌ಗಳು ಸ್ವಲ್ಪ ಸಮಯದವರೆಗೆ ತಯಾರಿ ನಡೆಸಲು ಅವಕಾಶ ನೀಡಿರಲಿಲ್ಲ.

ಲೋವ್ಲಿನಾ ಳನ್ನು ಒಲಿಂಪಿಕ್ಸ್‌ಗೆ ಸಿದ್ಧಪಡಿಸಲು ಭಾರತೀಯ ಕ್ರೀಡಾ ಪ್ರಾಧಿಕಾರವು ತನ್ನ ತರಬೇತಿ ಸಲಕರಣೆಗಳನ್ನು ಕಳುಹಿಸುವ ಮೊದಲು ಅವಳಿಗೆ ಖಾಲಿ LPG ಸಿಲಿಂಡರ್‌ನೊಂದಿಗೆ ತರಬೇತಿ ನೀಡಿತು.

ಆದರೆ ತನ್ನ ಸಹ ಆಟಗಾರರಿಂದ ದೂರವಾಗಿ ಆಕೆಗೆ ತಾನಾಗಿಯೇ ಎಲ್ಲವನ್ನು ರೂಪಿಸಿಕೊಳ್ಳುವುದು ಕಷ್ಟಕರವಾಗಿತ್ತು.

ಕಳೆದ ತಿಂಗಳು ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಅವಳು ತನ್ನ ಮೊದಲ ಪಂದ್ಯದಲ್ಲೇ ಸೋತಳು. ಆದರೆ ಸಣ್ಣ ಗಾತ್ರದ ಡ್ರಾ ನಿಂದಾಗಿ ಆಕೆ ಕಂಚಿನ ಪದಕವನ್ನು ಪಡೆದಳು.

ಬದಲಾವಣೆಯ ನಿರೀಕ್ಷೆಯಲ್ಲಿರುವ ಲೊವ್ಲಿನಾ :

2009 ರಲ್ಲಿ ತರಬೇತುದಾರ ಪ್ರಶಾಂತ್ ಕುಮಾರ್ ದಾಸ್ ಅವರ ಅಡಿಯಲ್ಲಿ ಮುವಾಯ್ ಥಾಯ್ ಕಲಿಯಲು ಯುವ ಲವ್ಲಿನಾ ತನ್ನ ಸಹೋದರಿಯೊಬ್ಬಳೊಂದಿಗೆ ಹೇಗೆ ಬರ್ಪಥರ್‌ಗೆ ಹೋಗುತ್ತಿದ್ದಳು ಎಂದು ಅವಳ ತಂದೆ ಟಿಕೆನ್ ಬೊರ್ಗೊಹೈನ್ ನೆನಪಿಸಿಕೊಳ್ಳುತ್ತಾರೆ.

3 ರಿಂದ 4 ಕಿ.ಮೀ ದೂರದಲ್ಲಿರುವ ಬರ್ಪಥರ್ ಗೆ ಈ ಹುಡುಗಿಯರು ಸೈಕಲ್ ನಲ್ಲಿಯೇ ಹೋಗಬೇಕಿತ್ತು. ಅನೇಕ ಬಾರಿ ಗಾಯಗಳಾಗಿವೆ ಮತ್ತು ಅದೆಷ್ಟೋ ಬಾರಿ ಹೋಗಲಾರದೆ ಹಿಂದಿರುಗಿದ್ದಾರೆ ಹೀಗಾಗಿ ಪ್ರಯಾಣವೆಂಬುದೇ ಕಷ್ಟಕರವಾಗಿತ್ತು ಎಂದು ಅವರ ತಂದೆ ಹೇಳುತ್ತಾರೆ.

ಸಣ್ಣ ಚಹಾ ತೋಟವನ್ನು ಹೊಂದಿರುವ ಬೊರ್ಗೊಹೈನ್ ಇಂದಿನಿಂದ ಎಲ್ಲವೂ ಉತ್ತಮವಾಗಬಹುದು ಮತ್ತು ಮುಂದಿನ ವರ್ಷಗಳಲ್ಲಿ ಹಳ್ಳಿಯು ಇನ್ನೂ ಹಲವು ಲೋವ್ಲಿನಾಗಳನ್ನು ಹುಟ್ಟಿಹಾಕಬಹುದು ಎಂದು ಆಶಿಸಿದ್ದಾರೆ.

ಲೊವ್ಲಿನಾ ಬೊರ್ಗೊಹೈನ್‌ ಅವರ ಬಗ್ಗೆ ಹೆಚ್ಚಿನ ಮಾಹಿತಿ :

ಪೂರ್ಣ ಹೆಸರು: ಲೊವ್ಲಿನಾ ಬೊರ್ಗೊಹೈನ್‌
ಜನನ: ಅಸ್ಸಾಂನ ಗೊಲಾಘಾಟ್‌ನಲ್ಲಿ ಅಕ್ಟೋ 2, 1997ರಲ್ಲಿ ಜನಿಸಿದರು
ಸಾಧನೆ: 2017ರ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಕಂಚು
2018ರ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಕಂಚು
2018ರ ನೂತನ ವಿಶ್ಚ ಚಾಂಪಿಯನ್ಶಿಪ್‌ನಲ್ಲಿ ಕಂಚು
2020: ಅರ್ಜುನ ಪ್ರಶಸ್ತಿ
2020 ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ವಿಜೇತೆ