ಐಐಸಿಡಿ ಎಂಟ್ರೇಂಸ್ ಎಕ್ಸಾಂ... ಯಾವ ಕೋರ್ಸ್ ಗಾಗಿ ಈ ಎಕ್ಸಾಂ ಗೊತ್ತಾ?

ಭಾರತದಲ್ಲಿರುವ ಫೇಮಸ್ ಪ್ರವೇಶಾತಿ ಪರೀಕ್ಷೆಗಳಲ್ಲಿ ದಿ ಇಂಡಿಯನ್ ಇನ್‌ಸ್ಟಿಟ್ಯುಟ್ ಆಫ್ ಕ್ರಾಫ್ಟ್ ಆಂಡ್ ಡಿಸೈನ್ ಪರೀಕ್ಷೆಯೂ ಒಂದು. ಡಿಸೈನ್ ಕೋರ್ಸ್ ಗಳಿಗೆ ಈ ಪರೀಕ್ಷೆ ಆಯೋಜಿಸಲಾಗುತ್ತದೆ. ರಾಜಸ್ತಾನ ಸರ್ಕಾರವು ಈ ಪರೀಕ್ಷೆಯನ್ನ ಆಯೋಜಿಸುತ್ತದೆ. ಕ್ರಾಫ್ಟ್ ಸೆಕ್ಟರ್ ನಲ್ಲಿ ಕೌಶಲ್ಯ ಹೆಚ್ಚಿಸುವ ಉದ್ದೇಶ ಈ ಕೋರ್ಸ್ ಹೊಂದಿದೆ.

ಸೆಂಟ್ರಲ್ ಯೂನಿವರ್ಸಿಟಿ ಆಫ್ ರಾಜಸ್ತಾನದಿಂದ ಅಧೀಕೃತಗೊಂಡ ಪದವಿ ಹಾಗೂ ಸ್ನಾತಕೋತ್ತರ ಪದವಿ ಕೋರ್ಸ್ ಗಳಿಗೆ ಪ್ರತಿವರ್ಷ ಈ ಪರೀಕ್ಷೆಯನ್ನ ನಡೆಸಲಾಗುತ್ತದೆ. ಈ ಎಕ್ಸಾಂ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ ಓದಿ.

ಐಐಸಿಡಿ ಕೋರ್ಸ್ ಏನೆಲ್ಲಾ ಆಫರ್ ಮಾಡುತ್ತೆ

• ಕ್ರಾಫ್ಟ್ ಹಾಗೂ ಡಿಸೈನ್‌ನಲ್ಲಿ ಬಿಡಿಇಸ್ (4 ವರ್ಷ) - ಹಾರ್ಡ್ ಮೆಟೀರಿಯಲ್ ಡಿಸೈನ್, ಫೈರಡ್ ಮೆಟೀರಿಯಲ್ ಡಿಸೈನ್, ಸಾಫ್ಟ್ ಮೆಟೀರಿಯಲ್ ಡಿಸೈನ್ ಮತ್ತು ಫ್ಯಾಶನ್ ಡಿಸೈನ್ ಕ್ರಾಫ್ಟ್

• ಡಿಸೈನ್‌ನಲ್ಲಿ ಎಂಡಿಇಸ್ (2ವರ್ಷ) -ಹಾರ್ಡ್ ಮೆಟೀರಿಯಲ್ ಸ್ಪೇಶಲೈಸೇಶನ್, ಫೈರಡ್ ಮೆಟೀರಿಯಲ್ ಸ್ಪೇಶಲೈಸೇಶನ್ ಹಾಗೂ ಸಾಫ್ಟ್ ಮೆಟೀರಿಯಲ್ ಸ್ಪೇಶಲೈಸೇಶನ್

ಐಐಸಿಡಿ ಪರೀಕ್ಷೆ ಮಾದರಿ ಹೀಗಿದೆ:

ಈ ಕೋರ್ಸ್ ಗೆ ಆಯ್ಕೆ ಹೀಗೆ ಮಾಡಲಾಗುತ್ತದೆ. ಎರಡು ಲಿಖಿತ ಪರೀಕ್ಷೆಯಿದ್ದು, ಒಂದು ವೈಯಕ್ತಿಕ ಸಂದರ್ಶನವಿರುತ್ತದೆ. ಪಾರ್ಟ್ ಎ ಪರೀಕ್ಷೆಯನ್ನ ಯಾವ ಅಭ್ಯರ್ಥಿ ಪಾಸ್ ಮಾಡಿರುತ್ತಾರೋ ಅಂತಹ ಅಭ್ಯರ್ಥಿಗಳಿಗೆ ಪಾರ್ಟ್ ಬಿ ಹಾಗೂ ಸಂದರ್ಶನಕ್ಕೆ ಕರೆಯಲಾಗುತ್ತದೆ.

ಪರೀಕ್ಷೆಯಲ್ಲಿ ಏನೆಲ್ಲಾ ಕೇಳಲಾಗುತ್ತೆ:

• ಪಾರ್ಟ್ ಎ: ಈ ಪರೀಕ್ಷೆಯಲ್ಲಿ ಅಭ್ಯರ್ಥಿಗಳ ಸಾಮಾನ್ಯ ಜ್ಞಾನ, ಗ್ರಹಣ ಕೌಶಲ್ಯ, ದೃಶ್ಯ ವ್ಯಾಖ್ಯಾನ ಮತ್ತು ಗಾತ್ರದ ಅಂದಾಜು ಮತ್ತು ವಸ್ತುಗಳ ಪ್ರಮಾಣ ಮುಂತಾದವುಗಳ ಕುರಿತು ಪರೀಕ್ಷೆ ಮಾಡಲಾಗುತ್ತದೆ

• ಪಾರ್ಟ್ ಬಿ: ಅಭ್ಯರ್ಥಿಗಳ ಸಾಮರ್ಥ್ಯ ಪರೀಕ್ಷಿಸಲಾಗುತ್ತದೆ. ಗ್ರಹಣಾ ಶಕ್ತಿ, ಯೋಚನಾ ಸಾಮರ್ಥ್ಯ, ಐಡಿಯಾಗಳು, ಕ್ರಿಯೇಟಿಂಗ್ ಸೊಲ್ಯುಶನ್ಸ್ ಮುಂತಾದ ಸಾಮರ್ಥ್ಯದ ಕುರಿತು ಪರೀಕ್ಷಿಸಲಾಗುತ್ತದೆ. ಈ ಪರೀಕ್ಷೆಯಲ್ಲಿ ವಿವರಾಣ್ಮತಕವಾಗಿ ನೀವು ಬರೆಯಬೇಕು

• ಇನ್ನು ಸಂದರ್ಶನ ಸುತ್ತಿನಲ್ಲಿ, ಅಭ್ಯರ್ಥಿಗಳ ಸಂವಹನ ಸಾಮರ್ಥ್ಯ, ಸಾಮಾನ್ಯ ಜ್ಞಾನ, ಡೀಸೈನ್, ಐಕ್ಯೂ, ಸಾಧನೆ ಹಾಗೂ ವೈಯಕ್ತಿಕ ಮಾಹಿತಿಯ ಬಗ್ಗೆ ಕೇಳಲಾಗುವುದು

ಐಐಸಿಡಿ ಪರೀಕ್ಷೆಯಲ್ಲಿ ಹೆಚ್ಚು ಅಂಕ ಗಳಿಸಲು ಟಿಪ್ಸ್:

• ಐಐಸಿಡಿ ಪರೀಕ್ಷೆಯು ನಿಮ್ಮ ಕ್ರಿಯೇಟಿವಿಟಿ ಸಾಮರ್ಥ್ಯದ ಮೇಲೆ ನಡೆಯುತ್ತದೆ

• ಪ್ರತಿದಿನ ಸುದ್ದಿ ಪತ್ರಿಕೆ ಓದಿ ಹಾಗೂ ಕ್ರಾಫ್ಟ್ ಮತ್ತು ಡಿಸೈನ್ ಬಗ್ಗೆ ಒಂದು ಚಿಕ್ಕ ನೋಟ್ಸ್ ಮಾಡಿಟ್ಟುಕೊಳ್ಳಿ

• ಸಾಮಾನ್ಯ ಜ್ಞಾನದ ಒಂದು ಪುಸ್ತಕ ಖರೀದಿಸಿ ಓದಿ

• ಪಾರ್ಟ್ ಎ ಪರೀಕ್ಷೆಯಲ್ಲಿ ಯೂನಿಕ್ ಆಗಿ ಮಾಡಲು ಟ್ರೈ ಮಾಡಿ

• ಪರ್ಸನಲ್ ಸುತ್ತಿನಲ್ಲಿ ಕಾಂಫಿಡೆಂಟ್ ಆಗಿ ಮಾತನಾಡಿ