SSLC Exam 2020: ವಿಜ್ಞಾನ ವಿಷಯದಲ್ಲಿ ಹೈಸ್ಕೋರ್ ಮಾಡೋಕೆ ಇಲ್ಲಿದೆ ಸಿಂಪಲ್ ಟಿಪ್ಸ್

ಪ್ರಮುಖ ವಿಷಯಗಳ ಕಿರು ಪಟ್ಟಿ:

ವಿದ್ಯಾರ್ಥಿಗಳು ತಾವು ಓದಿರುವ ವಿಷಯಗಳನ್ನು ಒಂದು ಕಡೆ ನೋಟ್ ಮಾಡಿಕೊಳ್ಳುವುದು ಮತ್ತು ನೋಟ್ ಮಾಡಿಕೊಂಡುವ ಪ್ರಮುಖ ವಿಷಯಗಳನ್ನು ಮಾತ್ರ ಓದಿ ಸಂಪೂರ್ಣವಾದ ಸಾರವನ್ನು ನೆನಪು ಮಾಡಿಕೊಳ್ಳುವುದು. ಇನ್ನೂ ಫ್ಲೋ ಚಾರ್ಟ್ ತಯಾರಿಸಿದ್ದಲ್ಲಿ ಇನ್ನಷ್ಟು ವಿಷಯವನ್ನು ಸುಲಭವಾಗಿ ನೆನಪಿಡಲು ಸಹಾಯಕವಾಗುವುದು. ವರ್ಷವೆಲ್ಲಾ ಓದಿದ ವಿಷಯಗಳನ್ನು ಈಗ ಕಿರು ಪಟ್ಟಿಯನ್ನು ಮಾಡಿ ಪರೀಕ್ಷಾ ಹಿಂದಿನ ದಿನದವರೆಗೆ ಓದುವುದು ಹೆಚ್ಚಿಗೆ ಲಾಭವಾಗುವುದು. 

ಪ್ರಮುಖ ಅಂಶಗಳನ್ನು ಹೆಚ್ಚು ಅಭ್ಯಸಿಸಿ:

ವಿದ್ಯಾರ್ಥಿಗಳು ವಿಜ್ಞಾನದ ವಿಷಯದ ಭೌತಶಾಸ್ತ್ರದಲ್ಲಿ ಬರುವ ಲೆಕ್ಕಗಳನ್ನು, ರಸಾಯನ ಶಾಸ್ತ್ರದಲ್ಲಿರುವ ಕೆಮಿಕಲ್ ರಿಯಾಕ್ಷನ್‌ ಮತ್ತು ಪರಿಯಾಟಿಕ್ ಟೇಬಲ್ ನೆನಪಿನಲ್ಲಿಡುವುದು ಮತ್ತು ಜೀವಶಾಸ್ತ್ರದಲ್ಲಿ ಬರುವ ಎಲ್ಲಾ ಡೈಯಾಗ್ರಾಮ್‌ ಗಳನ್ನು ಬರೆದು ಹೆಚ್ಚು ಪ್ರಯತ್ನ ಮಾಡುವುದು ಇದರಿಂದ ಹೆಚ್ಚಿನ ಅಂಕಗಳನ್ನು ಸುಲಭವಾಗಿ ಪಡೆಯಲು ಸಹಾಯವಾಗುವುದು.

ಯಾವುದೇ ಗೊಂದಲ ಮತ್ತು ತಪ್ಪುಗಳನ್ನು ನಿಯಂತ್ರಿಸಿ:

ವಿಜ್ಞಾನವು ಪ್ರಾಯೋಗಿಕ ಅಂಶಗಳನ್ನು ಹೆಚ್ಚು ಹೊಂದಿದ್ದು ಅವುಗಳನ್ನು ಉತ್ತರಿಸುವಾಗ ಯಾವುದೇ ರೀತಿಯ ಗೊಂದಲ ಮತ್ತು ತಪ್ಪುಗಳಿಗೆ ಎಡೆಮಾಡದೇ ವಿದ್ಯಾರ್ಥಿಗಳು ಉತ್ತರಿಸುವುದು ಒಳಿತು. ಇಲ್ಲವಾದಲ್ಲಿ ಯಾವುದೋ ಒಂದು ಹಂತದಲ್ಲಿ ಮಾಡುವ ಸಣ್ಣ ತಪ್ಪಿಗೆ ಸರಿಯಾದ ಉತ್ತರ ಬರೆಯಲಾಗದೆ ಅಂಕಗಳ ನಷ್ಟವನ್ನು ಪಡೆಯುವ ಸಾಧ್ಯತೆ ಹೆಚ್ಚಿರುತ್ತದೆ ಹಾಗಾಗಿ ಆ ತಪ್ಪುಗಳು ಆಗದಂತೆ ಎಚ್ಚರ ವಹಿಸಲು ಹೆಚ್ಚು ಅಧ್ಯಯನ ಕೈಗೊಳ್ಳಿ. 

ಹಿಂದಿನ ಪ್ರಶ್ನೆ ಪತ್ರಿಕೆಯನ್ನು ಒಮ್ಮೆ ಪರಿಶೀಲಿಸಿ:

ವಿದ್ಯಾರ್ಥಿಗಳು ಪರೀಕ್ಷಾ ಸಮಯದಲ್ಲಿ ಏನನ್ನೂ ಹೆಚ್ಚಾಗಿ ಓದಲು ಸಾಧ್ಯವಿರುವುದಿಲ್ಲ ಹಾಗಾಗಿ ಓದಿರುವುದನ್ನು ನೆನಪು ಮಾಡಿಕೊಳ್ಳುವ ಉದ್ದೇಶದಿಂದ ಹಿಂದಿನ ಪ್ರಶ್ನೆ ಪತ್ರಿಕೆಗಳ ಪ್ಯಾಟ್ರನ್‌ ಮತ್ತು ಪ್ರಶ್ನೆಗಳನ್ನು ಒಮ್ಮೆ ಪರಿಶೀಲಿಸಿ.

ಪರೀಕ್ಷಾ ಹಿಂದಿನ ದಿನ ಓದಲು ಪ್ರಾರಂಭಿಸದಿರಿ:

ವರ್ಷವೆಲ್ಲಾ ಅಧ್ಯಯನ ಮಾಡಿರುವ ವಿದ್ಯಾರ್ಥಿಗಳು ಈ ಎರಡು ದಿನಗಳನ್ನು ಓದಲು ಮೀಸಲಿಡಿ ಆದರೆ ಪರೀಕ್ಷೆಯ ಹಿಂದಿನ ರಾತ್ರಿ ಓದುವುದಕ್ಕೆ ಪ್ರಾರಂಭಿಸಬೇಡಿ. ಇದರಿಂದ ಅನೇಕ ಸಂಶಯಗಳು ಗೊಂದಲಗಳು ತಲೆಯಲ್ಲಿ ಹುಟ್ಟಿಕೊಂಡು ಇನ್ನಷ್ಟು ಭಯಕ್ಕೆ ದಾರಿ ಮಾಡುತ್ತವೆ.

ಪರೀಕ್ಷಾ ಹಿಂದಿನ ದಿನ ಚೆನ್ನಾಗಿ ನಿದ್ದೆ ಮಾಡಿ:

ವಿದ್ಯಾರ್ಥಿಗಳು ವಿಜ್ಞಾನ ವಿಷಯದ ಪರೀಕ್ಷೆ ಎಂದು ಚಿಂತಿಗೆ ಒಳಪಟ್ಟು ಆಯಾಸಗೊಳ್ಳದೆ ಪರೀಕ್ಷೆಯ ಹಿಂದಿನ ದಿನ ಚೆನ್ನಾಗಿ ನಿದ್ದೆ ಮಾಡುವುದು ಒಳಿತು. ಇದರಿಂದ ಮೆದುಳು ಇನ್ನಷ್ಟು ಚುರುಕುಗೊಳ್ಳುತ್ತದೆ ಮತ್ತು ಪರೀಕ್ಷೆಯನ್ನು ಉತ್ತಮವಾಗಿ ಎದುರಿಸಲು ಸಹಾಯ ಮಾಡುತ್ತದೆ.

ಟೈಂ ಮ್ಯಾನೇಜ್ಮೆಂಟ್ ಸರಿಯಾಗಿ ಮಾಡಿ:

ವಿಜ್ಞಾನ ಪರೀಕ್ಷೆಯಲ್ಲಿ ಟೈಂ ಮ್ಯಾನೇಜ್ಮೆಂಟ್ ಮಾಡುವುದು ತುಂಬಾನೆ ಸುಲಭ ಆದರೆ ಆದರೆ ವಿದ್ಯಾರ್ಥಿಗಳು ಹೆಚ್ಚು ಸಕಾರಾತ್ಮ ಆಲೋಚನೆಗಳನ್ನು ಹೊಂದಿದ್ದಲ್ಲಿ ಮಾತ್ರ ಪರೀಕ್ಷೆಯನ್ನು ನಿಗದಿತ ಸಮಯದೊಳಗೆ ಉತ್ತಮವಾಗಿ ಬರೆಯಲು ಸಾಧ್ಯವಾಗುವುದು. ಅದಕ್ಕೆ ಬೇಕಾದ ಪೂರಕ ತಯಾರಿಗಳನ್ನು ಇಂದಿನಿಂದಲೇ ಸಿದ್ಧಪಡಿಸಿಕೊಳ್ಳುವುದು ಅಗತ್ಯ.