ಇತಿಹಾಸ ಪರೀಕ್ಷೆಗೆ ಹೇಗೆ ತಯಾರಾಗುವುದು... ಇಲ್ಲಿದೆ ಸಿಂಪಲ್ ಟ್ರಿಕ್ಸ್

1 ದಿನಾಂಕ, ವ್ಯಕ್ತಿಗಳ ಹೆಸರುಗಳ ಬಗ್ಗೆ ಒಂದು ಪ್ಲಾಶ್ ಕಾರ್ಡ್ ರೆಡಿ ಮಾಡಿಕೊಳ್ಳಿ

ಇತಿಹಾಸ ಪುಸ್ತಕದಲ್ಲಿರುವ ವ್ಯಕ್ತಿಗಳ ಹೆಸರು, ದಿನಾಂಕವನ್ನ ನೆನಪಿನಲ್ಲಿಟ್ಟುಕೊಳ್ಳುವುದು ಕಷ್ಟ. ಅಷ್ಟೇ ಅಲ್ಲ ಮರೆತು ಹೋಯಿತು ಎಂದಾದ್ರೆ ಮತ್ತೆ ಮೊದಲಿನಿಂದ ಇಡೀ ಪುಸ್ತಕ ಓದಬೇಕು. ಹಾಗಾಗಿ ಇತಿಹಾಸ ಪುಸ್ತಕ ಓದುವಾಗ ಪ್ಲಾಶ್ ಕಾರ್ಡ್ ರೆಡಿಮಾಡಿಟ್ಟು ಕೊಳ್ಳಿ. ಇದರಲ್ಲಿ ವ್ಯಕ್ತಿಗಳ ಹೆಸರು, ಪ್ರಮುಖ ದಿನಾಂಕಗಳನ್ನ ನಮೂದಿಸಿ. ಬೇಕಾದ್ರೆ ಈ ಫ್ಲಾಶ್ ಕಾರ್ಡ್ ನ್ನು ಕಲರ್ ಫುಲ್ ಆಗಿ ಕೂಡಾ ಮಾಡಿಕೊಳ್ಳಬಹುದು. ಇದರಿಂದ ನಿಮಗೆ ಎಕ್ಸಾಂ ವೇಳೆ ಸುಲಭವಾಗಿ ಓದಿ ನೆನಪಿನಲ್ಲಿಟ್ಟುಕೊಳ್ಳಬಹುದು

2 ಗಟ್ಟಿಯಾಗಿ ಓದಿ

ಇತಿಹಾಸ ವಿಷಯವು ಮನಸ್ಸಿನಲ್ಲಿ ಓದುದಕ್ಕಿಂತ ಗಟ್ಟಿಯಾಗಿ ಓದುವುದು ಉತ್ತಮ. ಯಾಕೆಂದ್ರೆ ನಾವು ಬಾಯಿಯಲ್ಲಿ ಗಟ್ಟಿಯಾಗಿ ಉಚ್ಛರಿಸಿದಾಗ ಆ ಪದಗಳು ನಮ್ಮ ಕಿವಿ ಮೇಲೆ ಬೀಳುವುದರಿಂದ ಬೇಗನೇ ನೆನಪಿನಲ್ಲಿ ಉಳಿಯುತ್ತದೆ. ಅಷ್ಟೇ ಅಲ್ಲ ಇತಿಹಾಸ ಓದುವಾಗ ಬೇಗನೆ ಬೋರ್ ಎನಿಸಿ ನಿದ್ರೆಗೆ ಜಾರಬಹುದು ವಿದ್ಯಾರ್ಥಿಗಳು. ಈ ಟೈಂನಲ್ಲಿ ಜೋರಾಗಿ ಉಚ್ಛರಿಸಿ ಓದುದರಿಂದ ನಿದ್ರೆ ನಿಮ್ಮನ್ನ ಆವರಿಸುವುದಿಲ್ಲ

3 ನಿಮ್ಮ ನೋಟ್ಸ್ ನೀವೇ ತಯಾರು ಮಾಡಿ

ಟೀಚರ್ ಇಲ್ಲ ಟ್ಯೂಟಶನ್ ನಲ್ಲಿ ಕೊಟ್ಟಿರುವ ನೋಟ್ಸ್ ನೀವು ಓದುದಕ್ಕಿಂತ ಇಂತಹ ಸಬ್‌ಜೆಕ್ಟ್ ನಲ್ಲಿ ನಿಮ್ಮ ನೋಟ್ಸ್ ನೀವೇ ತಯಾರಿಸಿಕೊಳ್ಳುವುದು ಉತ್ತಮ. ನಿಮಗೆ ಪ್ರಾಮುಖ್ಯತೆ ಎಂದನಿಸುವ ಮಾಹಿತಿಯನ್ನ ಹೈಲೆಟ್ ಮಾಡಿಕೊಂಡು ನೋಟ್ಸ್ ಮಾಡಿಕೊಳ್ಳಿ. ಇದರಿಂದ ನೋಟ್ಸ್ ಮಾಡಿಕೊಳ್ಳುವಾಗಲೇ ಒಂದು ಬಾರಿ ನಿಮ್ಮ ರಿವಿಜನ್ ಆಗಿರುತ್ತದೆ

4 ಜ್ಞಾಪಕ ಶಾಸ್ತ್ರ ಬಳಸಿಕೊಳ್ಳಿ

ಓದಿರುವ ಅಂಶವನ್ನ ನೆನಪಿನಲ್ಲಿಟ್ಟುಕೊಳ್ಳಲು ಜ್ಞಾಪಕ ಶಾಸ್ತ್ರ ಬೆಸ್ಟ್ ವಿಧಾನವಾಗಿದೆ. ಈ ವಸ್ತು ನಿಮಗೆ ಓದಿರುದನ್ನ ನೆನಪಿನಲ್ಲಿಟ್ಟುಕೊಳ್ಳಲು ಉಪಯೋಗಕ್ಕೆ ಬರಬಹುದು. ಇದರಿಂದ ನೀವು ಡಾಟಾಗಳನ್ನೆಲ್ಲಾ ನೆನಪಲ್ಲಿ ಉಳಿಯುವಂತೆ ಮಾಡಬಹುದು

5 ನಕ್ಷೆ ಬಳಕೆ ಮಾಡಿ

ಇತಿಹಾಸದ ವಿಷಯಕ್ಕೆ ಸಂಬಂಧಪಟ್ಟಂತೆ ನಡೆದ ಘಟನೆ, ವಿದ್ಯಾಮಾನವನ್ನೆಲ್ಲಾ ಓದುವಾಗ ನಿಮಗೆ ಒಂದು ಬಾರಿ ಕಂಫ್ಯೂಸ್ ಆಗಬಹುದು. ಹಾಗಾಗಿ ನೀವು ಓದುವ ವಿಚಾರಕ್ಕೆ ಮ್ಯಾಪನ್ನ ರೆಫರ್ ಮಾಡಿ ಓದಿಕೊಳ್ಳಿ. ನೀವು ಓದುವ ಎಲ್ಲಾ ವಿಚಾರವನ್ನ ನಕ್ಷೆ ಜತೆ ಕನೆಕ್ಟ್ ಮಾಡಿ ಓದಿಕೊಳ್ಳಿ

6 ಹಳೆಯ ಪ್ರಶ್ನೆ ಪತ್ರಿಕೆ ಮೆಲುಕು

ಕಳೆದ ವರ್ಷದ ಅಥವಾ ೨,೩ ವರ್ಷದ ಹಿಂದಿನ ಪ್ರಶ್ನಾಪತ್ರಿಕೆಯನ್ನ ಮೆಲುಕು ಹಾಕಿ, ಇದರಿಂದ ನಿಮಗೆ ಮುಂದಿನ ಪರೀಕ್ಷೆಗೆ ಯಾವೆಲ್ಲಾ ಪ್ರಶ್ನೆಗಳು ಬರಬಹುದು ಎಂಬ ಅಂದಾಜು ಸಿಗುವುದು. ಅಷ್ಟೇ ಅಲ್ಲ ಇದರಿಂದ ಪರೀಕ್ಷೆ ಹಾಲ್‌ನಲ್ಲಿ ನಿಮಗೆ ಗೊಂದಲವುಂಟಾಗುದರಿಂದ ತಪ್ಪಿಸಿಕೊಳ್ಳ ಬಹುದು.

7 ಅಭ್ಯಾಸ ಪರೀಕ್ಷೆ ಮಾಡಿಕೊಳ್ಳಿ

ಇತಿಹಾಸ ಪರೀಕ್ಷೆ ವೇಳೆ ಹೆಚ್ಚಿನ ವಿದ್ಯಾರ್ಥಿಗಳ ಪ್ರಶ್ನಾಪತ್ರಿಕೆ ತುಂಬಾ ದೊಡ್ಡದಾಗಿತ್ತು ಎಂದು ಸಾಮಾನ್ಯವಾಗಿ ಆಪಾದನೆ ಮಾಡುತ್ತಾರೆ. ಆದ್ರೆ ನಿಜ ವಿಷ್ಯ ಏನೆಂದ್ರೆ ವಿದ್ಯಾರ್ಥಿಗಳಿಗೆ ಹೇಗೆ ಉತ್ತರಿಸಬೇಕು, ಎಷ್ಟು ಪ್ರಮಾಣದಲ್ಲಿ ಉತ್ತರಿಸಬೇಕು ಎಂಬುವುದು ತಿಳಿದುಕೊಂಡಿರುವುದಿಲ್ಲ. ಒಂದೇ ಪ್ರಶ್ನೆಯನ್ನ ಉದ್ದಕ್ಕೆ ಬರೆಯುತ್ತಲೇ ಇರುತ್ತಾರೆ. ಅಷ್ಟೇ ಅಲ್ಲ ಮುಖ್ಯವಾಗಿ ಸಮಯವನ್ನ ಹೇಗೆ ಹೊಂದಾಣಿಕೆ ಮಾಡಿಕೊಂಡು ಪರೀಕ್ಷೆ ಬರೆಯಬೇಕು ಎಂಬುವುದು ತಿಳಿದುಕೊಂಡಿರುವುದಿಲ್ಲ. ಹಾಗಾಗಿ ವಿದ್ಯಾರ್ಥಿಗಳು ಪರೀಕ್ಷೆಗೆ ಹೋಗೊ ಮುನ್ನ ಮನೆಯಲ್ಲೇ ಎರಡು ಮೂರು ಬಾರಿ ಇಂತಹ ಪರೀಕ್ಷೆಗೆ ಉತ್ತರ ಬರೆಯುವ ಅಭ್ಯಾಸ ಮಾಡಿಕೊಳ್ಳಿ

8 ಬರೆಯುತ್ತಾ ಹೋಗುವುದು

ಹೆಚ್ಚಿನ ವಿದ್ಯಾರ್ಥಿಗಳು ಇತಿಹಾಸ ವಿಷಯವೆಂದ್ರೆ ಬರೆಯುತ್ತಾ ಹೋಗುವುದು ಎಂದು ಅಂದುಕೊಂಡಿದ್ದಾರೆ. ಅದಕ್ಕಾಗಿ ವಿದ್ಯಾರ್ಥಿಗಳು ಇತಿಹಾಸ ಪರೀಕ್ಷೆಯಲ್ಲಿ ಉತ್ತರವನ್ನ ತಮಗೆ ತೋಚಿದ ರೀತಿಯಲ್ಲಿ ಬರೆಯುತ್ತಾ ಹೋಗುತ್ತಾರೆ. ಆದ್ರೆ ಇದು ತಪ್ಪು. ಶಿಕ್ಷಕರು ಇತಿಹಾಸ ಉತ್ತರ ಪತ್ರಿಕೆಯಲ್ಲಿ ಪ್ರಮುಖ ಅಂಶಗಳನ್ನ ಮಾತ್ರ ಚೆಕ್ ಮಾಡುತ್ತಾರೆ. ನೀವು ಪ್ರಮುಖ ಅಂಶವನ್ನ ಬಿಟ್ಟು ಮತ್ತೆಲ್ಲಾ ಬರೆಯುತ್ತಾ ಹೋದರೆ ಅಂಕ ಸ್ಕೋರ್ ಮಾಡುವಲ್ಲಿ ವಿಫಲರಾಗುತ್ತೀರಿ

9 ಹೆಚ್ಚು ಅಂಕದ ಪ್ರಶ್ನೆಗಳಿಗೆ ಹಳೆಯ ಪಶ್ನೆ ಪತ್ರಿಕೆ ರೆಫರ್ ಮಾಡಿ

ಇತಿಹಾಸ ಸಬ್‌ಜೆಕ್ಟ್ ಗೆ ಸಂಬಂಧಪಟ್ಟ ಪರೀಕ್ಷೆಯಲ್ಲಿ ಈ ಲಾಜಿಕ್ ನೀವು ನೋಡಬಹುದು. ಅತೀ ಹೆಚ್ಚಿನ ಅಂಕದ ಪ್ರಶ್ನೆಗಳು ಪ್ರತಿವರ್ಷದ ಪ್ರಶ್ನೆಪತ್ರಿಕೆಯಲ್ಲಿ ರಿಪೀಟ್ ಆಗಿರುತ್ತದೆ. ಹಾಗಾಗಿ ಹಳೆಯ ಪ್ರಶ್ನಾಪತ್ರಿಕೆ ಮೆಲುಕು ಹಾಕುವಾಗ ಹೆಚ್ಚು ಅಂಕದ ಪ್ರಶ್ನೆಯನ್ನ ಗಮನವಿಟ್ಟು ಅಭ್ಯಾಸ ಮಾಡಿ

10 ಗೆಸ್ ಮಾಡಿ

ಈ ಪರೀಕ್ಷೆಗಳಲ್ಲಿ ನೆಗಟೀವ್ ಅಂಕವಿರುವುದಿಲ್ಲ. ಹಾಗಾಗಿ ನೀವು ಎಕ್ಸಾಂ ವೇಳೆ ಒಂದು ಅಂಕದ ಪ್ರಶ್ನೆ ಇಲ್ಲ ಬಿಟ್ಟಿರುವ ಪದ ತುಂಬಿಸಿ ಮುಂದಾದ ವಿಭಾಗಗಳಲ್ಲಿ ಗೆಸ್ಸಿಂಗ್ ಮಾಡಿ ಬರೆಯಬಹುದು. ನಿಮ್ಮ ಉತ್ತರ ತಪ್ಪಾದ್ರೆ ಅಂಕ ಕಳೆದುಕೊಳ್ಳಬಹುದು ಒಂದು ವೇಳೆ ನೀವು ಗೆಸ್ ಮಾಡಿದ್ದು ಸರಿಯಾಗಿದ್ರೆ ನಿಮಗೆ ಅಂಕ ಸಿಗುತ್ತದೆ