ದೇಶದ ಟಾಪ್ 10 ಫ್ಯಾಷನ್ ಟೆಕ್ನಾಲಜಿ ಕಾಲೇಜುಗಳು

ಉದ್ಯೋಗ ಸೃಷ್ಟಿಸುವ ಕೋರ್ಸ್ ಗಳಲ್ಲಿ ಫ್ಯಾಷನ್ ಟೆಕ್ನಾಲಜಿ ಕೂಡ ಒಂದು. ಅದರಲ್ಲೂ ಹೆಣ್ಣು ಮಕ್ಕಳಿಗೆ ಈ ಕೋರ್ಸ್ ಹೇಳಿ ಮಾಡಿಸಿದ್ದು. ದಿನದಿನದಿಂದ ದಿನಕ್ಕೆ ಬದಲಾಗುತ್ತಿರುವ ಟ್ರೆಂಡ್ ಗಳಲ್ಲಿ ಫ್ಯಾಷನ್ ಮತ್ತು ಟೆಕ್ಸ್ಟೈಲ್ ಉದ್ಯಮವು ಒಂದಾಗಿದ್ದು, ಈ ಕೋರ್ಸ್ ಗೆ ಬೇಡಿಕೆ ಮತ್ತು ಅವಕಾಶ ಎರಡು ಕೂಡ ಹೆಚ್ಚಿದೆ.

ಫ್ಯಾಷನ್ ಟೆಕ್ನಾಲಾಜಿಯಲ್ಲಿ ವಿವಿಧ ಕೋರ್ಸ್ಗಳಿವೆ. ಬಿ.ಡಿಸೈನ್: ಅಕ್ಸೆಸರಿ ಡಿಸೈನ್, ಫ್ಯಾಶನ್ ಕಮ್ಯುನಿಕೇಶನ್, ಫ್ಯಾಶನ್ ಡಿಸೈನ್, ನಿಟ್ವೇರ್ ಡಿಸೈನ್, ಲೆದರ್ ಡಿಸೈನ್, ಟೆಕ್ಸ್ಟೈಲ್ ಡಿಸೈನ್ ಕೋರ್ಸ್ ಗಳಿದ್ದು, ಹನ್ನೆರಡನೇ ತರಗತಿ ಪೂರೈಸಿದವರು ಈ ಕೋರ್ಸ್ ಗಳಿಗೆ ಪ್ರವೇಶ ಪಡೆಯಬಹುದಾಗಿದೆ.

ಪದವಿ, ಸ್ನಾತಕೋತ್ತರ ಪದವಿಗಳಿದ್ದು, ಆನ್ಲೈನ್ ಮೂಲಕ ಪ್ರವೇಶ ಪ್ರಕ್ರಿಯೆ ನಡೆಯುತ್ತದೆ.

ಭಾರತದಲ್ಲಿ ನ್ಯಾಷನಲ್ ಇನ್ಸ್ಟಿಟ್ಯುಟ್ ಆಫ್ ಫ್ಯಾಶನ್ ಟೆಕ್ನಾಲಜಿ (ಎನ್ ಐ ಎಫ್ ಟಿ) ಈ ಕೋರ್ಸನ್ನು ನೀಡುತ್ತಿರುವ ಸಂಸ್ಥೆಗಳಲ್ಲಿ ಮುಂಚೂಣಿಯಲ್ಲಿದೆ. ಜವಳಿ ಸಚಿವಾಲಯದಡಿಯಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಎನ್ ಐ ಎಫ್ ಟಿ ಭಾರತದಾದ್ಯಂತ 17 ಕಾಲೇಜುಗಳನ್ನು ಹೊಂದಿದೆ.

ಇಲ್ಲಿದೆ ಭಾರತದ ಅತ್ಯುತ್ತಮ ಫ್ಯಾಷನ್ ಕಾಲೇಜಿನ ಮಾಹಿತಿ. 2017 ರಲ್ಲಿ ಔಟ್ ಲುಕ್ ಇಂಡಿಯಾ ದೇಶಾದ್ಯಂತ ಸರ್ವೆ ನಡೆಸಿ ಫ್ಯಾಷನ್ ಕಾಲೇಜುಗಳ ಮಾಹಿತಿಯನ್ನು ಕಲೆಹಾಕಿ ಈ ರ್ಯಾಂಕಿಂಗ್ ನೀಡಿದೆ.

ಐದು ವಿಭಾಗಗಳಲ್ಲಿ ಒಟ್ಟು ಒಂದು ಸಾವಿರ ಅಂಕಗಳಿಗೆ ಸಮೀಕ್ಷೆ ನಡೆಸಲಾಗಿದೆ. ಕಾಲೇಜುಗಳ ಕ್ಯಾಂಪಸ್, ಪ್ರವೇಶಾತಿ, ಪ್ಲೇಸ್ಮೆಂಟ್ ಮತ್ತು ಪರ್ಸನಾಲಿಟಿ ಡೆವೆಲಪ್ಮೆಂಟ್ ಕುರಿತಾದ ವಿವರಗಳನ್ನು ಆಧಾರದ ಮೇಲೆ ರ್ಯಾಂಕಿಂಗ್ ನೀಡಲಾಗಿದೆ...