ಕೈಯಲ್ಲಿ ಮ್ಯಾನೇಜ್‌ಮೆಂಟ್ ಡಿಗ್ರಿ ಸರ್ಟಿಫಿಕೇಟ್ ಇದೆಯಾ... ಈ ಕೆಲಸಕ್ಕೆಲ್ಲಾ ನೀವು ಟ್ರೈ ಮಾಡಬಹುದು!

ಸೋಶಲ್ ಮೀಡಿಯಾ ಮ್ಯಾನೇಜರ್:

ಇದು ಇತ್ತೀಚೆಗೆ ಪರಿಚಿತವಾದ ಉದ್ಯೋಗವಾಗಿದೆ. ಇಲ್ಲಿ ನೀವು ಕಂಪನಿಯ ಉದ್ಯಮವನ್ನ ಸಾಮಾಜಿಕ ಜಾಲತಾಣಗಳ ಮೂಲಕ ಪ್ರಮೋಟ್ ಮಾಡಬೇಕಾಗಿದೆ. ಸೋಶಲ್ ಮೀಡಿಯಾದ ಎಲ್ಲಾ ಸ್ಟಾಟಜಿ ಬಗ್ಗೆ ನೀವು ತಿಳಿದುಕೊಂಡಿರಬೇಕು. ಅಷ್ಟೇ ಅಲ್ಲ ಕಂಪನಿಯ ಮಾರ್ಕೆಟಿಂಗ್ ಹಾಗೂ ಕಮ್ಯುನಿಕೇಶನ್ ಕಡೆಯೂ ನೀವು ಗಮನ ಕೊಡಬೇಕು.

ಪ್ರೊಡಕ್ಷನ್ ಮ್ಯಾನೇಜರ್:

ಮ್ಯಾನುಫ್ಯಾಕ್ಚರಿಂಗ್ ಇಂಡಸ್ಟ್ರಿಯಲ್ಲಿ ಕೆಲಸ ಮಾಡುವ ಆಸಕ್ತಿ ನಿಮಗೆ ಇದೆಯಾ ಹಾಗಿದ್ರೆ ನೀವು ಪ್ರೊಡಕ್ಷನ್ ಮ್ಯಾನೇಜರ್ ಹುದ್ದೆ ನಿಮಗೆ ಪರ್ಫೆಕ್ಟ್. ಇಲ್ಲಿ ನಿಮ್ಮ ಟ್ಯಾಲೆಂಟ್ ನೀವು ತೋರಿಸಬಹುದು. ಈ ಹುದ್ದೆಯಲ್ಲಿ ನೀವಿದ್ರೆ ಕಾರ್ಡಿನೇಶನ್ ನ ಜವಾಬ್ದಾರಿ ನಿಮ್ಮ ಮೇಲಿರುತ್ತೆ. ಫುಡ್ ಮ್ಯಾನುಫ್ಯಾಕ್ಚರಿಂಗ್ ಹಾಗೂ ಪ್ರೊಸೆಸಿಂಗ್ ಕಂಪನಿಗಳಲ್ಲಿ ತುಂಬಾ ಅವಕಾಶವಿರುತ್ತದೆ.

ಮ್ಯಾನೇಜ್‌ಮೆಂಟ್ ಕನ್ಸಲ್ಟೆಂಟ್:

ನಿಮಗೆ ಮ್ಯಾನೇಜ್‌ಮೆಂಟ್ ಸ್ಕಿಲ್ ಇದ್ರೆ, ಕಂಪನಿಗೆ ಸಂಬಂಧಪಟ್ಟ ಯಾವುದೇ ಸಮಸ್ಯೆ ನೀವು ಕ್ಷಣ ಮಾತ್ರದಲ್ಲಿ ಬಗೆಹರಿಸುವವರಾದರೆ ಈ ಪೋಸ್ಟ್ ನಿಮಗೆ ಬೆಸ್ಟ್. ಮ್ಯಾನೇಜ್‌ಮೆಂಟ್ ಕನ್ಸಲ್ಟೆಂಟ್ ತಮ್ಮನ್ನು ತಾವೇ ಪ್ರೇರೇಪಿಸಿಕೊಂಡು ಕೆಲಸ ಮಾಡಬೇಕಾಗಿದೆ

ಪ್ರೊಜೆಕ್ಟ್ ಮ್ಯಾನೇಜರ್:

ಈ ಹುದ್ದೆಗೆ ಯಾವುದೇ ಕೆಲಸದ ಮಿತಿ ಇಲ್ಲ. ಯಾವುದೇ ಸೆಕ್ಟರ್ ಆದ್ರೂ ಕೆಲಸ ಮಾಡಲು ಸಿದ್ಧರಿರಬೇಕು. ಇವರನ್ನು ಪ್ರೊಜೆಕ್ಟ್ ಆಫೀಸರ್ ಹಾಗೂ ಪ್ರೊಜೆಕ್ಟ್ ಕಾರ್ಡಿನೇಟರ್ ಎಂದು ಕೂಡಾ ಕರೆಯುತ್ತಾರೆ. ರಿಸೋರ್ಸ್ ಮ್ಯಾನೇಜ್‌ಮೆಂಟ್, ಮಾನಿಟಿರಿಂಗ್ ಹಾಗೂ ಇಂಪ್ಲೇಮೆಂಟಿಂಗ್ ಸೇರಿದಂತೆ ಹಲವಾರು ಜವಾಬ್ದಾರಿ ಇವರ ಮೇಲಿರುತ್ತದೆ

ರಿಸ್ಕ್ ಮ್ಯಾನೇಜರ್:

ಯಾರು ಸಮಸ್ಯೆಯನ್ನ ನಿಖರವಾಗಿ ಗುರುತಿಸಿ, ಮೌಲ್ಯಮಾಪನ ಮಾಡುತ್ತಾರೋ ಅವರು ಸಕ್ಸಸ್ ಫುಲ್ ರಿಸ್ಕ್ ಮ್ಯಾನೇಜರ್ ಎನಿಸಿಕೊಳ್ಳುತ್ತಾರೆ. ಕಂಪನಿಯ ಭದ್ರತೆ, ಗೌರವ, ಲಾಭ, ಸೇಫ್ಟಿ ಇದೆಲ್ಲಾವನ್ನ ನೋಡಿಕೊಳ್ಳುವ ಜವಾಬ್ದಾರಿ ಇವರದು. ಕಂಪನಿಯ ಎಲ್ಲಾ ಕಾನೂನು ಅವಶ್ಯಕತೆಗಳು ಮತ್ತು ಗುರಿಗಳನ್ನು ಅವರು ತಿಳಿದಿರಬೇಕಾಗುತ್ತದೆ. ಅಷ್ಟೇ ಅಲ್ಲ ಇವರು ತಮ್ಮ ಕ್ಲೈಂಟ್ ಗೆ ಕಂಪನಿಯ ರಿಸ್ಕ್ ವರದಿಯನ್ನ ಕೂಡಾ ಕೊಡಬೇಕಾಗುತ್ತದೆ