ವಿದೇಶದಲ್ಲಿ ಇಂಟರ್ನ್ ಶಿಪ್‌... ಪ್ರಯೋಜನಗಳು ಹಲವಾರು!

ನಿಮ್ಮ ಎಜ್ಯುಕೇಶನ್ ಸರ್ಟಿಫಿಕೇಟ್ ಜತೆ ಸ್ಟಾರ್ ಸೇರುತ್ತೆ:

ನೀವು ಹೊರದೇಶದಲ್ಲಿ ಇಂಟರ್ನ್ ಶಿಪ್ ಮಾಡಿದ್ರೆ ನಿಮ್ಮ ರೆಸ್ಯೂಮ್ ಜತೆ ಸ್ಟಾರ್ ಸೇರಿಸಿ. ಇದರಿಂದ ನೀವು ಭಾರತದಲ್ಲಿ ಎಲ್ಲಿಯಾದ್ರೂ ಉದ್ಯೋಗಕ್ಕೆ ಟ್ರೈ ಮಾಡುವಾಗ ಈ ಸ್ಟಾರ್ ಗಳಿಂದ ನೀವು ಬೇಗನೇ ಉದ್ಯೋಗ ಗಿಟ್ಟಿಸಿಕೊಳ್ಳಬಹುದು. ಅಷ್ಟೇ ಅಲ್ಲ ಕಾಲೇಜಿನಲ್ಲಿ ಅತೀ ಕಡಿಮೆ ಅಂಕ ಪಡೆದಿದ್ದರೆ, ಅಂತಹ ಸಂದರ್ಭದಲ್ಲಿ ಈ ಸ್ಟಾರ್ ಗಳು ನಿಮ್ಮನ್ನ ಪಾರು ಮಾಡುತ್ತದೆ

ಗ್ಲೋಬಲ್ ನೆಟ್‌ವರ್ಕ್ ನಿಮ್ಮದಾಗುವುದು:

ಹೊರದೇಶದಲ್ಲಿ ನೀವು ಇಂಟರ್ನ್ ಶಿಪ್ ಮಾಡಿದರೆ ನಿಮಗೆ ಇತರ ದೇಶಗಳ ಸ್ನೇಹಿತರ ಪರಿಚಯವಾಗುವುದು. ಅಷ್ಟೇ ಅಲ್ಲ ಇದರಿಂದ ನಿಮ್ಮ ಕೆರಿಯರ್ ಲೈಫ್ ಮತ್ತಷ್ಟು ಮೇಲಕ್ಕೆ ಹೋಗುತ್ತದೆ. ಅಷ್ಟೇ ಅಲ್ಲ ನಿಮಗೆ ಹೆಚ್ಚು ಹೆಚ್ಚು ಉದ್ಯೋಗವಕಾಶಗಳು ಲಭ್ಯವಾಗುವುದು

ಇಂಟರ್ಪರ್ಸನಲ್ ಸ್ಕಿಲ್ ಹೆಚ್ಚಾಗುವುದು:

ನೀವು ಯಾವುದೇ ದೇಶವನ್ನು ಬೇಕಾದ್ರು ಇಂಟರ್ನ್ ಶಿಪ್‌ಗೆ ಆಯ್ಕೆ ಮಾಡಬಹುದು. ಇದರಿಂದ ನಿಮ್ಮ ಇಂಟರ್ಪರ್ಸನಲ್ ಸ್ಕಿಲ್ ಹೆಚ್ಚಾಗುತ್ತದೆ. ವಿವಿಧ ದೇಶಗಳ ಜನರೊಂದಿಗೆ ನೀವು ಬೆರೆತು ಕೆಲಸ ಮಾಡುತ್ತೀರಿ. ಇದರಿಂದ ನೀವು ನಿಮ್ಮ ಒಳಗಿನಿಂದಲೇ ಸ್ಟ್ರಾಂಗ್ ಆಗುತ್ತೀರಾ

ಜಗತ್ತಿನಾದ್ಯಂತ ಟ್ರಾವೆಲ್ :

ನೀವು ಇಂಟರ್ನ್ ಶಿಪ್ ಮಾಡುವಾಗ ಬೇರೆ ಬೇರೆ ದೇಶಗಳನ್ನು ಸುತ್ತಾಡುವ ಅವಕಾಶ ನಿಮ್ಮದಾಗುತ್ತದೆ. ಅಲ್ಲಿನ ಸ್ನೇಹಿತರ ಜತೆ ನೀವು ವೀಕೆಂಡ್ ಗಳಲ್ಲಿ ತಿರುಗಾಡಬಹುದು. ಇನ್ನು ಇಂಟರ್ನ್ ಶಿಪ್ ಮಾಡುವಾಗ ನಿಮಗೆ ಟೀನೇಜ್ ಆಗಿರುವುದರಿಂದ ಹೊಸ ಹೊಸ ಜಾಗಗಳನ್ನ ನೋಡುವ ಹುಮ್ಮಸ್ಸು, ಹಾಗೂ ಎನರ್ಜಿ ನಿಮ್ಮಲ್ಲಿ ಇರುತ್ತದೆ

ಭಾಷಾಭಿವೃದ್ಧಿ:

ಬೇರೆ ಬೇರೆ ದೇಶದಲ್ಲಿ ಇಂಟರ್ನ್ ಶಿಪ್ ಮಾಡುವಾಗ ಅಲ್ಲೂ ನಿಮ್ಮ ಹಾಗೆ ಇನ್ಯಾವುದೋ ದೇಶದಿಂದ ವಿದ್ಯಾರ್ಥಿಗಳು ಬಂದಿರುತ್ತಾರೆ. ಅವರ ಜತೆ ಮಾತನಾಡುತ್ತಾ ಮಾತನಾಡುತ್ತಾ ನಿಮ್ಮ ಭಾಷಾ ಕೌಶಲ್ಯವು ಕೂಡಾ ಅಭಿವೃದ್ಧಿ ಹೊಂದುತ್ತದೆ.

ವಿಶೇಷ ವ್ಯಕ್ತಿ ಎನಿಸಿಕೊಳ್ಳುತ್ತೀರಿ:

ಹೌದು ಬೇರೆ ದೇಶದಲ್ಲಿ ಇಂಟರ್ನ ಶಿಪ್ ಮಾಡಿ ಮರಳಿ ತಾಯಿನಾಡಿಗೆ ಬಂದು ಉದ್ಯೋಗ ಹುಡುಕಿದಾಗ ನಿಮ್ಮ ಇಂಟರ್ನ್ ಶಿಪ್ ಸರ್ಟಿಫಿಕೇಟ್ ನಿಮ್ಮನ್ನ ಎಲ್ಲರಿಂದ ಒಂದು ಕೈ ಮೇಲೆ ಅನ್ನೋ ಜಾಗಕ್ಕೆ ನಿಲ್ಲಿಸುತ್ತದೆ. ಎಷ್ಟೇ ಮಂದಿ ಇಂಟರ್ವ್ಯೂಗೆ ಬಂದ್ದದರೂ ನಿಮ್ಮ ಸರ್ಟಿಫಿಕೇಟ್‌ಗೆ ಮೊದಲ ಆದ್ಯತೆ ಸಿಗುವುದು